ជាតិ
នាយករដ្ឋមន្ត្រី រដ្ឋមន្រី្ត និងអ្នកទាក់ទងប្រមុខការទូតហុងគ្រី ជាង៩០០នាក់ទៀត ធ្វើតេស្តរកកូវីដ-១៩លើកទី២
×![]()
ភ្នំពេញ៖ ថ្ងៃទី៩ វិច្ឆិកានេះ គឺជាថ្ងៃធ្វើតេស្តរកវីរុសកូវីដ-១៩(COVID-19) ជាលើកទី២ របស់សម្តេចនាយកមន្ត្រីហ៊ុន សែន និងរដ្ឋមន្ត្រីនៃក្រសួងនានា រួមទាំងមនុស្សជាង៩០០នាក់ទៀត ដែលបានប្រាស្រ័យទំនាក់ទំនងនឹងលោក Peter Szijjarto រដ្ឋមន្ត្រីការបរទេស និងពាណិជ្ជកម្មហុងគ្រី ។ លោក Peter Szijjarto ត្រូវបានគេរកឃើញ មានកូវីដ-១៩ នៅពេលទៅដល់ប្រទេសថៃ។
អត្ថបទទាក់ទង
សម្រាប់ការធ្វើតេស្តរកវីរុសកូវីដ-១៩ជាលើកទី២ នេះ មានសម្តេច ហ៊ុន សែន ,លោកប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ, លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ , លោក ប៉ាន់ សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោក លឹម គានហោ រដ្ឋមន្ត្រីក្រសួងធនធានទឹក រួមទាំងមន្រី្តជាន់ខ្ពស់តាមស្ថាប័ននានា, ក្រុមអង្គរក្ស និងក្រុមអ្នកសារព័ត៌មានជាតិ-អន្តរជាតិជាដើម។
ការប្រមូលយកសំណាកលើកទី២ ពីអ្នកមានប្រាស្រ័យទំនាក់ទំនងដោយផ្ទាល់ និងប្រយោល ទាំងជាង៩០០នាក់ (រួមទាំងសម្តេច ហ៊ុន សែន) ជាមួយនឹងលោកPeter Szijjarto រដ្ឋមន្ត្រីការបរទេសដែលគេរកឃើញមានជំងឺកូវីដ-១៩ គឺដើម្បីបង្ការពីការចម្លងជំងឺនេះ នៅក្នុងសហគមន៍។
ក្នុងករណីដែលសម្តេចនាយករដ្ឋមន្ត្រី រដ្ឋមន្ត្រី មន្ត្រីជាន់ខ្ពស់ ក្រុមអង្គរក្ស និងក្រុមអ្នកសារព័ត៌មាន រួមទាំងអ្នកជាប់ពាក់ព័ន្ធ ធ្វើតេស្តរកCOVID-19លើកទី២នេះ បង្ហាញលទ្ធផលអវិជ្ជមានដ៏ដោយ ក៏តម្រូវឱ្យបន្តធ្វើចត្តាឡីស័កដោយខ្លួនចំនួន១៤ថ្ងៃ ដោយរង់ចាំលទ្ធផលធ្វើតេស្តរកកូវីដ-១៩លើក៣ និងលើកទី៤ ចេញជាផ្លូវការសិន។
នៅថ្ងៃទី៩ វិច្ឆិកានេះ មន្ត្រីជំនាញរបស់ក្រសួងសុខាភិបាល នឹងប្រមូលសំណាកលើកទី២ ពីថ្នាក់ដឹកនាំ មន្ត្រីរាជការ និងសហការីនានា នៅ១៣ស្ថាប័ន/អង្គភាពផ្សេងៗពីគ្នា។ ក្នុងនោះ មាននៅក្រសួងការបរទេស និងសហប្រតិការអន្តរជាតិ, នៅរដ្ឋសភា, វិមានសន្តិភាព, ក្រសួងកសិកម្ម រុក្ខាប្រមាញ់ និងនេសាទ, ក្រសួងពាណិជ្ជកម្ម, ក្រសួងសេដ្ឋកិច្ច និងហិរញ្ញវត្ថុ, ក្រសួងធនធានទឹក និងឧតុនិយម, ក្រសួងសាធារណការ និងដឹកជញ្ជូន, ក្រសួងរៀបចំដែនដី នគរូបនីយកម្ម និងសំណង់, ក្រសួងព័ត៌មាន, ក្រសួងទេសចរណ៍, រដ្ឋលេខាធិការដ្ឋានអាកាសចរស៊ីវិល និងធនាគារជាតិ។
សូមជម្រាបថា សម្រាប់ការធ្វើតេស្តរកវីរុសកូវីដ-១៩ ចំពោះសម្តេច ហ៊ុន សែន , រដ្ឋមន្ត្រីនៃក្រសួងនានា រួមទាំងអ្នកមានប្រាស្រ័យទំនាក់ទំនងនឹងគណៈប្រតិភូលោក Peter Szijjarto រដ្ឋមន្ត្រីការបរទេសហុងគ្រី ទាំង៩០០នាក់ទៀត គឺអាចប្រព្រឹត្តឡើងនៅលើកទី៣ នាថ្ងៃ១៤វិច្ឆិកា និងលើកទី៤ នាថ្ងៃទី១៨វិច្ឆិកា ឆ្នាំ២០២០៕
Tag:
COVID-19
© រក្សាសិទ្ធិដោយ thmeythmey.com
