កីឡាជាតិ
ជាតិ
៤ឆ្នាំក្រោយ លោក Oleg Starynskyi វិលត្រឡប់មកដឹកនាំភ្នំពេញក្រោនសារជាថ្មី
លោក Oleg Starynskyi ត្រូវបានតែងតាំងជាគ្រូបង្វឹកក្លិបភ្នំពេញក្រោន
×![]()
លោក Oleg Starynskyi ត្រូវបានតែងតាំងឲ្យធ្វើជាគ្រូបង្វឹកក្លិបភ្នពេញក្រោនជំនួសលោក ស៊ុំ វណ្ណា ដែលឡើងកាន់តួនាទីជានាយកបច្ចេកទេស។ នេះបើយោងតាមទំព័រហ្វេសប៊ុកផ្លូវការរបស់ក្លិបភ្នំពេញក្រោន។ 
៤ឆ្នាំក្រោយលោក Oleg Starynskyi ដែលធ្លាប់ដឹកនាំក្រុមភ្នំពេញក្រោនកាលពីឆ្នាំ២០១៦ បានវិលត្រឡប់មកដឹកនាំក្រុមភ្នំពេញក្រោនសាជាថ្មី។ គ្រូបង្វឹកសញ្ជាតិអ៊ុយក្រែនរូបនេះ ត្រូវដឹកនាំភ្នំពេញក្រោនប្រជែងជើងឯកក្របខណ្ឌមិត្តហ្វូនខេមបូឌានលីគ និងពានសម្តេច ហ៊ុន សែន សម្រាប់រដូវកាលឆ្នាំ២០២១-២០២២។
គ្រូបង្វឹករូបនេះ ធ្លាប់ដឹកនាំក្រុមភ្នំពេញក្រោនលេងក្នុងវគ្គជម្រុះ Playoff នៃពានរង្វាន់ AFC Cup 2016។ លោក Oleg បានក្លាយជាគ្រូបង្វឹកកម្រិតយុវជននៅវ័យ២៥ឆ្នាំ ដោយចូលរួមជាមួយក្លិប Arsenal របស់អ៊ុយក្រែន។ នៅឆ្នាំ២០១៥ លោកជាជំនួយការគ្រូបង្វឹកក្រុមជម្រើសជាតិអាយុក្រោម១៧ឆ្នាំរបស់ម៉ាឡេស៊ី។
ក្រោយមកនៅឆ្នាំ២០១៨ លោកត្រូវបានតែងតាំងឲ្យធ្វើជានាយកបច្ចេកទេស Destiny Football Development Centre របស់ម៉ាឡេស៊ី។ ចន្លោះពីឆ្នាំ២០១៩-២០២០ លោកជាគ្រូជំនួយរបស់លោក Andreas Carrasco និងជាអ្នកវិភាគប្រចាំក្រុមយុវជនអាយុក្រោម១៩ឆ្នាំរបស់ក្លិប Shakhatar Donetsk របស់អ៊ុយក្រែន៕
Tag:
បាល់ទាត់
ភ្នំពេញក្រោន
Oleg Starynskyi
© រក្សាសិទ្ធិដោយ thmeythmey.com
