ដើម្បីជ្រាបច្បាស់ សូមអញ្ជើញលោកអ្នកនាង ទស្សនាបទសម្ភាសរវាង កញ្ញា ខន ណារី នៃសារព័ត៌មានThmeyThmey25 និងលោក អ៊ិន សំណាង ម្ចាស់កសិដ្ឋានចិញ្ចឹមបង្កងអូស្ត្រាលីដូចតទៅ៖ 

 

 

ដ្បិតទើបចិញ្ចឹមបង្កងអូស្ត្រាលី ត្រឹមរយៈពេលខ្លីពិតមែន តែកសិករ អ៊ិន សំណាង បានទទួលការបណ្ដុះបណ្ដាលបច្ចេកទេសចិញ្ចឹម ជាច្រើន ទាំងផ្លូវការ និងតាមរយៈយូធូប។ កសិករ វ័យ ៤៩ឆ្នាំរូបនេះ មិនស្ទាក់ស្ទះក្នុងការចែករំលែកចំណេះដឹងនេះ ទៅដល់អ្នកដែលចង់ចាប់ផ្ដើមអាជីវកម្មចិញ្ចឹមបង្កងអូស្រ្ដាលីនេះនោះទេ។ មានសម្បុរសណ្ដែកបាយ លោក អ៊ិន សំណាង បានពន្យល់ប្រាប់ ThmeyThmey25 ថាទីផ្សារបង្កងអូស្រ្ដាលីនៅកម្ពុជា មានភាពទូលាយ និងមិនសូវមានអ្នកចិញ្ចឹមនៅឡើយ ដូច្នេះហើយបានជាលោក  សំណាង ចែករំលែកមិនគិតថ្លៃ ពីបច្ចេកទេសចិញ្ចឹមបង្កងអូស្រ្ដាលីដល់អ្នកមានបំណងចិញ្ចឹមផ្សេងទៀត។

 

«កត្តាសំខាន់គឺគុណភាពទឹក តំបន់ខ្លះមិនអាចចិញ្ចឹមបានដោយសារគុណភាពទឹក បរិយាកាសមានការរំខានពីអ្នកជិតខាង និងការប្រើប្រាស់ថ្នាំសម្លាប់សត្វល្អិត(មូល,ស្រមោច,កន្លាត) ក៏អាចប៉ះពាល់ដល់ការចិញ្ចឹមបង្កងដែរ»។ នេះជាការរៀបរាប់របស់លោក អ៊ិន សំណាង ហើយលោកបន្តថា ក្រៅពីបច្ចេកទេសចិញ្ចឹមជាមុន អ្នកដែលចង់ចិញ្ចឹមបង្កងអូស្ត្រាលី ក៏ត្រូវសិក្សាពីទីតាំងចិញ្ចឹមឲ្យបានត្រឹមត្រូវដែរ៕