ជាតិ
ខួប១៥ឆ្នាំនៃការដាក់បញ្ចូលល្ខោនស្រមោលស្បែកធំ ក្នុងអង្គការយូណេស្កូ
× ភ្នំពេញ៖ ថ្ងៃនេះជាខួប១៥ឆ្នាំនៃការដាក់បញ្ចូលល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ ២៥ វិច្ឆិកា ២០០៥- ២៥ វិច្ឆិកា ២០២០។ បើតាមឯកសារស្រាវជ្រាវរបស់ក្រសួងវប្បធម៌ និងវិចិត្រសិល្បៈ ល្ខោនស្រមោលស្បែកធំ គឺជាសិល្បៈខ្មែរមួយបែបមានកំណើតតាំងពីស.វទី១មកម្លេះ។
បើតាមឯកសារស្រាវជ្រាវរបស់ក្រសួងវប្បធម៌ និងវិចិត្រសិល្បៈ ល្ខោនស្រមោលស្បែកធំ គឺជាសិល្បៈខ្មែរមួយបែបមានកំណើតតាំងពីស.វទី១មកម្លេះ។ គេអាចនិយាយបានថា ល្ខោនស្រមោលស្បែកធំ គឺជាសិល្បៈមួយដែលប្រមូលផ្ដុំនូវសិល្បៈទាំង៧។ នេះជាការបញ្ជាក់អំពីសតិប្រាជ្ញាដ៏ភ្លឺស្វាង និងគំនិតច្នៃប្រឌិតដ៏កំពូល ដែលបង្កើតសិល្បៈនេះឡើង ឱ្យក្លាយជាទស្សនីយភាពមួយដ៏អស្ចារ្យ។
គេឃើញមានការសម្ដែងល្ខោនស្បែកធំ ក្នុងពិធីបុណ្យធំៗ ជាពិសេសនៅក្នុងខេត្តសៀមរាបអង្គរ ដូចជាការបួងសួងសុំសេចក្ដីប្រាថ្នាអ្វីមួយ ពិធីបុណ្យសពព្រះចៅអធិការវត្តដែលសុគត ពិធីបុណ្យសុំទឹកភ្លៀង បុណ្យចម្រើនព្រះជន្មព្រះមហាក្សត្រ ហើយនៅពេលបច្ចុប្បន្នមានសម្ដែងក្នុងមហោស្រពជាដើម។
ឯកសាររបស់ក្រសួងវប្បធម៌ដដែល ក៏បានបញ្ជាក់ផងដែរថា ទម្រង់សិល្បៈស្បែកមួយនេះ ត្រូវបាននាំចូលពីប្រទេសឥណ្ឌា នៅដើមស.វទី១នៃគ្រិស្តសករាជ ពោលគឺសិល្បៈខ្មែរមានដើមកំណើតចេញពីប្រទេសឥណ្ឌាភាគខាងត្បូង។ កេរ្ដិ៍មរតកសិល្បៈស្បែកខ្មែរមួយនេះ មានអាយុកាលប្រមាណ២,០០០ឆ្នាំមកហើយ ប៉ុន្តែសូម្បីជនជាតិខ្មែរខ្លះនាពេលកន្លងមក ក៏សឹងពុំបានដឹងច្បាស់ដោយសារខ្វះឯកសារ៕
Tag:
វប្បធម៌
ល្ខោនស្រមោលស្បែកធំ
សិល្បៈ
© រក្សាសិទ្ធិដោយ thmeythmey.com