ជាតិ
សេដ្ឋកិច្ច
រដ្ឋាភិបាល បន្តមិនយកពន្ធប្រថាប់ត្រា លើអ្នកទិញផ្ទះតម្លៃក្រោម៧ម៉ឺនដុល្លារ ដល់ខែធ្នូ ឆ្នាំ២០២១
× ភ្នំពេញ៖ រដ្ឋាភិបាល នាថ្ងៃទី២៤ធ្នូនេះ សម្រេចបន្តមិនយកពន្ធប្រថាប់ត្រា ពីអ្នកទិញលំនៅដ្ឋានតម្លៃក្រោម៧ម៉ឺនដុល្លា រហូតដល់ខែធ្នូ ឆ្នាំ២០២១។ ការពន្យារពេលយកពន្ធនេះ គឺដើម្បីពង្រឹងសេដ្ឋកិច្ចជាតិ ខណៈវិបត្តិកូវីដ-១៩(COVID-19) កំពុងគំរាមកំហែងជីវភាពពលរដ្ឋ។
បើតាមក្រសួងសេដ្ឋកិច្ច និងហិរញ្ញវត្ថុ ការលើកលែងនេះ គឺសម្រាប់តែផ្ទះទិញពីក្រុមហ៊ុន ដែលបានចុះបញ្ជីនៅក្រសួងសេដ្ឋកិច្ចប៉ុណ្ណោះ។ កាលពីថ្ងៃទី២៤កុម្ភៈ ឆ្នាំ២០២០ សម្ដេចនាយករដ្ឋមន្ត្រី ហ៊ុន សែន ប្រកាសមិនយកពន្ធប្រថាប់ត្រាពីអ្នកទិញលំនៅដ្ឋានតម្លៃក្រោម៧ម៉ឺនដុល្លារ ដោយអនុវត្តចាប់ពីខែកុម្ភៈដល់ខែមករាឆ្នាំ២០២១។ វិធានការនេះ គឺស្ថិតនៅក្នុងចំណោមវិធានការមួយចំនួន ដែលសម្ដេច បានដាក់ចេញ ដើម្បីលើកកម្ពស់វិស័យសហគ្រាសធនតូចនិងមធ្យមសម្រាប់ពង្រឹងសេដ្ឋកិច្ចជាតិ។
សម្រាប់ការមិនយកពន្ធប្រថាប់ត្រាចំពោះផ្ទះដែលមានតម្លៃក្រោម៧ម៉ឺនដុល្លារនេះ នឹងបន្តអនុវត្តរហូតដល់ខែធ្នូ ឆ្នាំ២០២១៕
© រក្សាសិទ្ធិដោយ thmeythmey.com