សង្គមអន្តរជាតិ
អន្តរជាតិ
យុវជនម្នាក់ខកឱកាសរៀនសូត្រ តែបែរជាចេះរត់លោតតាមដើមឈើដើម្បីគេចពីអ្នកភូមិ
×![]()
ដោយ: ធីតា
Zanziman Ellie ជាយុវជនរវ៉ាន់ដា ម្នាក់ដែលធ្លាប់ធ្វើដំណើររាប់សិបគីឡូម៉ែត្រ ដើម្បីគេចពីការចាប់ខ្លួន និងការធ្វើទារុណកម្មរបស់អ្នកស្រុក។ មូលហេតុដោយសារតែគាត់មានជំងឺក្បាលតូចខុសប្រក្រតី (Microcephaly) តាំងពីកំណើត ហើយរូបរាងមិនមានការអភិវឌ្ឍពេញលេញដូចជាក្មេងដទៃ។
អាយុ២១ឆ្នាំ Zanziman ត្រូវបានគេដាក់រហស្សនាមថា មនុស្សព្រៃ «Mowgli» ក្នុងជីវិតពិត។ ក្នុងបទសម្ភាសជាវីដេអូមួយ ម្តាយរបស់យុវជនរូបនេះ បានអះអាងថា កូនខ្លួនគឺជាអំណោយពីព្រះជាម្ចាស់ បន្ទាប់កូន៥នាក់ដំបូងសុទ្ធតែបានស្លាប់ជាបន្តបន្ទាប់។
តាមការផ្សាយរបស់ The Sun ឪពុកម្តាយ ត្រូវបានគេណែនាំឲ្យរំលូតកូនចោល ដោយជឿជាក់ថា គេនឹងអាចស្លាប់ដូចបងៗ៥នាក់ទៀត ប៉ុន្តែម្តាយស៊ូទ្រាំពរពោះរហូតដល់៩ខែ មុននឹង Zanziman ចាប់កំណើតមក។
ជីវិតរបស់ Zanziman មិនមានភាពសុខស្ងប់នោះឡើយ ដោយសារតែអ្នកភូមិមួយចំនួន តែងតែព្យាយាមធ្វើទុក្ខបុកម្នេញ និងចាប់ធ្វើទារុណកម្ម ជាពិសេសនៅពេលដែលគេធំដឹងក្តី។
Zanziman ត្រូវបានបង្ខំចិត្តរត់គេចខ្លួនយ៉ាងហោច២០គីឡូម៉ែត្រក្នុង១ថ្ងៃ ដើម្បីគេចពីអ្នកភូមិដ៏ព្រៃផ្សៃមួយចំនួន។ គេមិនបានចូលសាលាឡើយ ហើយក៏មិនអាចនិយាយទាក់ទងជាមួយមនុស្សទូទៅបានត្រឹមត្រូវដែរ។ ផ្ទុយទៅវិញ គេបានរៀនពីមួយថ្ងៃទៅមួយថ្ងៃនូវជំនាញរត់ លោតលឿនទៅលើដើមឈើដើម្បីគេចចេញពីមនុស្ស។
ជំងឺក្បាលតូចខុសធម្មតា (Microcephaly) ធ្វើឲ្យមានការលូតលាស់យឺតខុសពីក្មេងដទៃទាំងបញ្ញា ស្មារតី និងរាងកាយ។ មិនមានវិធីសាស្ត្រព្យាបាលនោះឡើយ ប៉ុន្តែក្រុមវេជ្ជបណ្ឌិតជំនាញ បានណែនាំដល់ស្ត្រីដែលមានផ្ទៃពោះ ទៅពិនិត្យសុខភាព និងស្កែន មុនពេលប្រសូត។
.
ជំងឺនេះភាគច្រើន ប៉ះពាល់លើទារកដែលម្តាយរបស់ពួកគេធ្លាប់មានជំងឺ Zika។ «Zanziman មិនអាចនិយាយបាន តែអាចយល់នូវការណែនាំផ្សេងៗ»។ ម្តាយរបស់គេបានបញ្ជាក់យ៉ាងដូច្នេះ។
តាមការផ្សាយរបស់ Afrimax អ្នកភូមិកាន់តែមានការយល់ដឹងច្រើន ដូច្នេះ Zanziman ក៏ចាំបាច់រត់គេចដូចមុននោះដែរ ប៉ុន្តែរយៈពេលជាច្រើនឆ្នាំកន្លង ក្រុមគ្រួសារគេមានការនឿយហត់យ៉ាងខ្លាំង ជាពិសេសផលលំបាកក្នុងការចិញ្ចឹមយុវជនរូបនេះ។
តាមការផ្សាយរបស់ Afrimax អ្នកភូមិកាន់តែមានការយល់ដឹងច្រើន ដូច្នេះ Zanziman ក៏ចាំបាច់រត់គេចដូចមុននោះដែរ ប៉ុន្តែរយៈពេលជាច្រើនឆ្នាំកន្លង ក្រុមគ្រួសារគេមានការនឿយហត់យ៉ាងខ្លាំង ជាពិសេសផលលំបាកក្នុងការចិញ្ចឹមយុវជនរូបនេះ។
កាលពីថ្ងៃទី១៨ ខែវិច្ឆិកា ឆ្នាំ២០២០ កន្លងមក Afrimax បានចាប់ផ្តើមយុទ្ធនាការរៃអង្គាសមួយនៅលើ GoFunMe ដើម្បីជួយបន្ទុកគ្រួសារ Zanziman។ មនុស្សជាច្រើនក៏បានចាប់អារម្មណ៍សកម្មភាពសប្បុរសធម៌នេះផងដែរ។
© រក្សាសិទ្ធិដោយ thmeythmey.com
