.png)
កំពង់ចាម, កំពង់ស្ពឺ និងបាត់ដំបង មានភ្ញៀវទេសចរ ដើរកម្សាន្តច្រើនជាងគេ អំឡុងចូលឆ្នាំខ្មែរ
- ថ្ងៃអង្គារ ទី១៦ ខែមេសា ឆ្នាំ២០២៤ ម៉ោង ៦:២០ នាទី ល្ងាច
ភ្ញៀវទេសចរដើរកមន្សាន្តពេលចូលឆ្នាំខ្មែរនៅក្រុងបាត់ដំបង។ រូបពី រដ្ឋបាលខេត្តបាត់ដំបង
ពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៣ដល់ថ្ងៃទី១៥ ខែមេសា មានទេសចរជាតិ និងអន្តរជាតិជាង ១៣លាននាក់ ដើរលេងកម្សាន្ត ក្នុងនោះទេសចរអន្តរជាតិមានត្រឹម៨ម៉ឺននាក់។ យោងតាមរបាយការណ៍ស្ថិតិទេសចរណ៍ ក្នុងចំណោមទេសចរជាង ១៣លាននាក់ មានខេត្តចំនួន៥ ដែលទទួលបានទេសចរច្រើនជាងគេ គឺខេត្តកំពង់ចាម កំពង់ស្ពឺ បាត់ដំបង ព្រៃវែង និងសៀមរាប។
ខេត្តកំពង់ចាម ជាខេត្តជាប់លេខមួយ មានភ្ញៀវទេសចរដើរកម្សាន្តច្រើនជាងគេ គឺមានភ្ញៀវជាតិ ៣ ៤៣១ ២២៤ នាក់ និងទេសចរបរទេស ប្រមាណ ៣៥៦ នាក់។ ដោយឡែក ខេត្តកំពង់ស្ពឺ ជាខេត្តបន្ទាប់ ដែលមានទេសចរជាតិមាន១ ២៣៣ ២៩៥នាក់ ខណៈទេសចរបរទេសត្រឹម១២៤៣នាក់។
ខេត្តបាត់ដំបង ជាខេត្តទី៣ ដែលភ្ញៀវទេសចរ ដើរកម្សាន្តច្រើន គឺទេសចរជាតិមាន១ ០៧១ ៥៥៥នាក់ ខណៈទេសចរបរទេស១ ៦៤១នាក់។ សម្រាប់ខេត្តព្រៃវែងវិញ មានទេសចរជាតិ១ ០១៤ ៦០៦នាក់ និងទេសចរបរទេស៣៣នាក់។ ខេត្តសៀមរាប ដែលមានប្រាសាទអង្គរវត្ត ទទួលបានទេសចរជាតិ៩៤៣ ០០០ នាក់ និងទេសចរបរទេស ១២ ៩៩១នាក់ ៕
ភ្ញៀវទេសចរនៅខេត្តសៀមរាប។ រូបពី រ៉ូវី
ភ្ញៀវទេសចរដើរកម្សាន្តនៅខេត្តព្រៃវែង។ រូបពី រដ្ឋបាលខេត្តព្រៃវែង
ភ្ញៀវទេសចរដើរកម្សាន្តនៅខេត្តកំពង់ស្ពឺ។ រូបពី រដ្ឋបាលខេត្តកំពង់ស្ពឺ
ភ្ញៀវទេសចរដើរកម្សាន្តនៅកំពង់ចាម។ រូបពី រដ្ឋបាលខេត្តកំពង់ចាម
© រក្សាសិទ្ធិដោយ thmeythmey.com
Tag:
.gif)
