.png)
.png)
.jpg)
.jpg)
ចំនួនប្រជាជនពិភពលោកនឹងកើនដល់ ១០,៣ពាន់លាននាក់នៅឆ្នាំ២០៨០
- ថ្ងៃសៅរ៍ ទី១៣ ខែកក្កដា ឆ្នាំ២០២៤ ម៉ោង ១១:២០ នាទី ព្រឹក
រូបភាព ៖ AFP
តាមរបាយការណ៍របស់អង្គការសហប្រជាជាតិ (UN) ចំនួនប្រជាជនពិភពលោកទំនងជានឹងកើនឡើងពី ៨,២ពាន់លាននាក់នៅឆ្នាំ២០២៤ ដល់ ១០,៣ពាន់លាននាក់នៅឆ្នាំ២០៨០ មុនពេលថយចុះ។
នាយកដ្ឋានចំនួនប្រជាជនរបស់អង្គការសហប្រជាជាតិប៉ាន់ប្រមាណថា ចំនួនប្រជាជន ពិភពលោក នឹងកើនឡើងដល់កម្រិតខ្ពស់បំផុតក្នុងសតវត្សនេះ មុនពេលធ្លាក់ចុះវិញ។ នេះបើតាមការចុះផ្សាយរបស់សារព័ត៌មាន Bloomberg នៅថ្ងៃទី១២ ខែកក្កដា។
អង្គការសហប្រជាជាតិ បានព្យាករថា ប្រទេសមួយចំនួនមានកំណើនប្រជាជនលឿនជាងគេលើពិភពលោកដូចជា ឥណ្ឌា ឥណ្ឌូណេស៊ី និងនីហ្សេរីយ៉ា នឹងជួយពិភពលោកកើនឡើងចំនួនប្រជាជន២,១ពាន់លាននាក់ក្នុងរយៈពេល ៦ទសវត្សខាងមុខ។
ទន្ទឹមនេះ ប្រទេសចំនួន៩ មើលឃើញមានចំនួនប្រជាជនកើនឡើងទ្វេដងនៅចន្លោះឆ្នាំ ២០២៤ និង ២០៥៤ ដូចជា អង់ហ្កោឡា សាធារណរដ្ឋអាហ្វ្រិកកណ្តាល និងសាធារណរដ្ឋប្រជាធិបតេយ្យកុងហ្កោ។
ប្រទេសជាង ៦០បានឆ្លងកាត់សម័យកាលដែលមានប្រជាជនច្រើនជាងគេក្នុងប្រវត្តិសាស្ត្រដូចជា ចិន និងជប៉ុន។
សម្រាប់ប្រទេសមួយចំនួនដូចជា អាល្លឺម៉ង់ អ៊ីតាលី និងរុស្សី នឹងមានកំណើនប្រជាជនលឿនជាងនេះ ប្រសិនបើគ្មានរលកអន្តោប្រវេសន៍។ បន្ថែមពីនេះ ជនអន្តោប្រវេសន៍បានរួមចំណែកកំណើនប្រជាជននៅក្នុងប្រទេសចំនួន៥០ ក្នុងរយៈពេល៣ទសវត្សរងមុខក្នុងនោះរួមទាំង អាមេរិក កាណាដា និងអូស្ត្រាលី។
បើតាមរបាយការណ៍របស់អង្គការសហប្រជាជាតិ នៅឆ្នាំ ២០៨០ នឹងមានប្រជាជនដែលមានអាយុ ៦៥ឆ្នាំឡើងទៅច្រើនជាងមនុស្សដែលមានអាយុក្រោម ១៨ឆ្នាំនៅទូទាំងពិភពលោក៕
© រក្សាសិទ្ធិដោយ thmeythmey.com
Tag:
