.jpg)
.jpg)
សហភាពអឺរ៉ុប និងអាស៊ាន បានធ្វើការពិភាក្សាអំពីកិច្ចខិតខំប្រឹងប្រែងដើម្បីជំរុញការវិនិយោគ និងការចូលរួមរបស់ធុរកិច្ចក្នុងប្រតិសន្ធិបៃតង
- ថ្ងៃអង្គារ ទី១ ខែតុលា ឆ្នាំ២០២៤ ម៉ោង ៤:១៣ នាទី រសៀល
Panel Discussion of the EU-ASEAN Cooperation Partners_ Dialogue
ទីភ្នាក់ងារធុរកិច្ចសហភាពអឺរ៉ុប-អាស៊ាន និងសហប្រតិបត្តិការបានពិភាក្សាអំពីកាលានុវត្តភាព និងបញ្ហាប្រឈមនៃប្រតិសន្ធិបៃតងរបស់អាស៊ាននៅក្នុងវេទិកាសន្ទនាដៃគូជាមួយគណៈប្រតិភូសហភាពអឺរ៉ុបទទួលបន្ទុកកិច្ចការអាស៊ាន។
រៀបចំដោយឯកអគ្គរដ្ឋទូតសហភាពអឺរ៉ុប (EU) គឺលោក Sujiro Seam តំណាងស្ថាប័ន សហភាពអឺរ៉ុប-អាស៊ាន រដ្ឋសមាជិក ធុរកិច្ច និងទីភ្នាក់ងារសហប្រតិបត្តិការដែលបានចូលរួមចែករំលែកចំណេះដឹង និងបទពិសោធស្តីពីប្រតិសន្ធិបៃតងរបស់អាស៊ាន និងឥទ្ធិពលផ្លាស់ប្តូរនៃយុទ្ធសាស្ត្រច្រកទ្វារសកល (Global Gateway)។
Panelists of the EU-ASEAN Cooperation Partners_ Dialogue
ចាប់ផ្តើមដំបូងនៅឆ្នាំ ២០២១ យុទ្ធសាស្ត្រច្រកទ្វារសកល គឺជាយុទ្ធសាស្រ្តរបស់ EU ដើម្បីជំរុញការវិនិយោគហេដ្ឋារចនាសម្ព័ន្ធនៅក្នុងវិស័យសំខាន់ៗចំនួនប្រាំ៖ ឌីជីថលនីយកម្ម ថាមពល ការដឹកជញ្ជូន សុខភាព ក៏ដូចជាការអប់រំ និងស្រាវជ្រាវ។ យុទ្ធសាស្ត្រនេះមានគោលបំណងគាំទ្រដល់ការផ្លាស់ប្តូរជាលក្ខណៈបៃតង និងឌីជីថលនៅជុំវិញពិភពលោក ព្រមទាំងដើម្បីដោះស្រាយបញ្ហាប្រឈមជាសកលដូចជាការប្រែប្រួលអាកាសធាតុ សន្តិសុខសុខភាពពិភពលោក ការអភិវឌ្ឍប្រកបដោយនិរន្តរភាព និងខ្សែសង្វាក់ផ្គត់ផ្គង់ឱ្យកាន់តែរឹងមាំ។
យុទ្ធសាស្ត្រច្រកទ្វារសកលមានមហិច្ឆតាប្រមូលទឹកប្រាក់ចំនួន ៣០០ ប៊ីលានអឺរ៉ូ នៅទូទាំងពិភពលោក តាមរយៈការប្តេជ្ញាចិត្តពីដៃគូក្រុមអឺរ៉ុបទាំងអស់។ សហភាពអឺរ៉ុប រដ្ឋជាសមាជិករបស់ខ្លួន និងស្ថាប័នហិរញ្ញវត្ថុ ព្រមទាំងពីវិស័យឯកជន។
លោក Sujiro Seam ឯកអគ្គរដ្ឋទូតសហភាពអឺរ៉ុបប្រចាំអាស៊ាន បានលើកឡើងថា «នៅឆ្នាំនេះ យើងបានចាប់ផ្តើមគម្រោងតភ្ជាប់ថ្មីដែលមានកញ្ចប់ថវិកាតម្លៃ ៦០ លានអឺរ៉ូ ដើម្បីគាំទ្រដល់បរិយាកាសអំណោយផលចំពោះការវិនិយោគប្រកបដោយគុណភាព និងនិរន្តរភាពនៅក្នុងតំបន់។ នៅក្រោមកញ្ចប់មូលនិធិនេះ យើងមានគម្រោងថ្មីដែលត្រូវបានគ្រោងទុក ឬចាប់ផ្តើមក្នុងវិស័យដូចជា ការវិនិយោគ ពាណិជ្ជកម្ម ការអប់រំថ្នាក់ឧត្តមសិក្សា ការដឹកជញ្ជូន ការតភ្ជាប់ថាមពល និងឌីជីថលនីយកម្មដែលរួមចំណែកដល់ច្រកទ្វារសកលក្នុងអាស៊ាន»។
Opening Remarks from the Ambassador of the European Union to ASEAN, H.E. Sujiro Seam
លោក Seam ដែលជាឯកអគ្គរដ្ឋទូតសហភាពអឺរ៉ុបបានបន្ថែមថា «សហភាពអឺរ៉ុបតែងតែទទួលស្គាល់សារៈសំខាន់នៃភាពជាដៃគូរបស់យើងជាមួយវិស័យឯកជន។ បច្ចុប្បន្ន សហភាពអឺរ៉ុប និងអាស៊ានគឺជាដៃគូពាណិជ្ជកម្មធំជាងគេទី ៣ រវាងគ្នានិងគ្នា ហើយសហភាពអឺរ៉ុបក៏ជាអ្នកផ្តល់ខាងក្រៅទី ៣ ស្តីពីការវិនិយោគផ្ទាល់ពីបរទេស (FDI) ដល់តំបន់អាស៊ានផងដែរ»។
Lim Chze Cheen Director of the ASEAN Connectivity Division
ប្រធានធនាគារវិនិយោគអឺរ៉ុប (EIB) តំណាងប្រចាំតំបន់អាស៊ីអាគ្នេយ៍និងប៉ាស៊ីហ្វិក លោក Sunita Lukkhoo បានមានប្រសាសន៍ថា «ធនាគារវិនិយោគអឺរ៉ុបដើរតួនាទីយ៉ាងសំខាន់ដើម្បីជួយដល់ប្រតិសន្ធិបៃតងរបស់អាស៊ាន។ EIB បញ្ជាក់ការប្តេជ្ញាចិត្តរបស់ខ្លួនសារជាថ្មីដើម្បីផ្តល់ហិរញ្ញប្បទានដល់គម្រោងហេដ្ឋារចនាសម្ព័ន្ធប្រកបដោយនិរន្តរភាព ដែលជំរុញដល់ឌីជីថលនីយកម្ម ប្រសិទ្ធភាពថាមពល និងប្រព័ន្ធដឹកជញ្ជូនដែលមានភាពធន់តាមរយៈយុទ្ធសាស្ត្រច្រកទ្វារសកល»។
«ការវិនិយោគរបស់យើងត្រូវបានរចនាឡើងមិនត្រឹមតែដើម្បីដោះស្រាយការប្រែប្រួលអាកាសធាតុប៉ុណ្ណោះទេ ប៉ុន្តែថែមទាំងជំរុញកំណើនសេដ្ឋកិច្ច និងការច្នៃប្រឌិតនៅទូទាំងតំបន់ផងដែរ។ EIB ប្តេជ្ញាកសាងអនាគតប្រកបដោយនិរន្តរភាព ការតភ្ជាប់កាន់តែច្រើន និងវិបុលភាពសម្រាប់អាស៊ានតាមរយៈការប្រើប្រាស់ជំនាញ និងធនធានហិរញ្ញវត្ថុរបស់យើង» លោកបន្ថែមដូច្នេះ។
ស្វែងរកព័ត៌មានបន្ថែមអំពីយុទ្ធសាស្ត្រច្រកទ្វារសកល និងការអនុវត្តរបស់យុទ្ធសាស្ត្រនេះនៅក្នុងអាស៊ាននៅទីនេះ
ស្វែងយល់បន្ថែមអំពីកិច្ចសហប្រតិបត្តិការរបស់សហភាពអឺរ៉ុបលើការតភ្ជាប់ជាមួយអាស៊ាននៅទីនេះ
អំពីសហភាពអឺរ៉ុប (EU)
សហភាពអឺរ៉ុប (EU) គឺជាសហភាពសេដ្ឋកិច្ច និងនយោបាយរបស់ប្រទេសសមាជិកចំនួន ២៧។ សហភាពអឺរ៉ុបបានបង្កើតតំបន់ស្ថិរភាព ប្រជាធិបតេយ្យ និងការអភិវឌ្ឍប្រកបដោយចីរភាពរួមគ្នា ខណៈពេលរក្សាបាននូវភាពចម្រុះនៃវប្បធម៌ការអត់ឱន និងសេរីភាពបុគ្គល។ ក្នុងឆ្នាំ ២០១២ សហភាពអឺរ៉ុបបានទទួលរង្វាន់ណូបែលសន្តិភាពសម្រាប់ការជំរុញគោលដៅសន្តិភាព ការផ្សះផ្សា លទ្ធិប្រជាធិបតេយ្យ និងសិទ្ធិមនុស្សនៅអឺរ៉ុប។
សហភាពអឺរ៉ុបគឺជាប្លុកពាណិជ្ជកម្មដ៏ធំបំផុតរបស់ពិភពលោក និងជាប្រភព ព្រមទាំងទិសដៅនៃការវិនិយោគផ្ទាល់ពីបរទេសដ៏ធំបំផុតរបស់ពិភពលោក។ ជារួម សហភាពអឺរ៉ុប និងរដ្ឋជាសមាជិករបស់ខ្លួន គឺជាម្ចាស់ជំនួយដ៏ធំបំផុតនៃជំនួយអភិវឌ្ឍន៍ផ្លូវការ (ODA) ដែលផ្តល់ច្រើនជាងពាក់កណ្តាលនៃ ODA នៅទូទាំងពិភពលោក។
ប្រទេសសមាជិកទាំង ២៧ របស់សហភាពអឺរ៉ុប (តាមលំដាប់លំដោយ) គឺ៖ បែលហ្ស៊ិក ប៊ុលហ្គារី សាធារណរដ្ឋឆេក ដាណឺម៉ាក អាល្លឺម៉ង់ អេស្តូនី អៀរឡង់ ក្រិក អេស្ប៉ាញ បារាំង ក្រូអាត អ៊ីតាលី ស៊ីប ឡាតវី លីទុយអានី លុចសំបួ ហុងគ្រី ម៉ាល់តា ហូឡង់ អូទ្រីស ប៉ូឡូញ ព័រទុយហ្គាល់ រូម៉ានី ស្លូវេនី ស្លូវ៉ាគី ហ្វាំងឡង់ និងស៊ុយអែត។
សម្រាប់ព័ត៌មានបន្ថែមអំពីសហភាពអឺរ៉ុប និងទំនាក់ទំនង ព្រមទាំងកិច្ចសហប្រតិបត្តិការរបស់ខ្លួនជាមួយអាស៊ាន សូមចូលទៅកាន់៖
អំពីអាស៊ាន
សមាគមប្រជាជាតិអាស៊ីអាគ្នេយ៍ (អាស៊ាន) ត្រូវបានបង្កើតឡើងនៅថ្ងៃទី ៨ ខែសីហា ឆ្នាំ ១៩៦៧ ហើយមានរដ្ឋសមាជិកចំនួន ១០ គឺ ប្រ៊ុយណេដារូសាឡឹម កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។ នៅថ្ងៃទី ៣១ ខែធ្នូ ឆ្នាំ ២០១៥ សហគមន៍អាស៊ានត្រូវបានបង្កើតឡើងជាផ្លូវការ។ លេខាធិការដ្ឋានអាស៊ាន មានមូលដ្ឋាននៅទីក្រុងហ្សាការតា ប្រទេសឥណ្ឌូនេស៊ី។ ស្វែងយល់បន្ថែមដោយចូលទៅកាន់៖ https://asean.org
ទំនាក់ទំនងប្រព័ន្ធផ្សព្វផ្សាយ៖ [email protected]
Chris Humphrey, Executive Director of EU-ASEAN Business Council
EU-ASEAN Cooperation Partners_ Dialogue
Head of the European Investment Bank (EIB) regional representation for Southeast Asia and Pacific Sunita Lukkhoo (Left) with the Ambassador of the European Union to ASEAN, H.E. Sujiro Seam (Right)
Panel Discussion of the EU-ASEAN Cooperation Partners_ Dialogue(1)
Panelists of the EU-ASEAN Cooperation Partners_ Dialogue
Sunita Lukkhoo, Head of the European Investment Bank (EIB) regional representation for Southeast Asia and Pacific
© រក្សាសិទ្ធិដោយ thmeythmey.com
Tag:
