.jpg)
.jpg)
១០ខែដើមឆ្នាំ២០២៤ រដ្ឋប្រមូលចំណូលពីការលក់សំបុត្រចូលអង្គរបានជិត ៣៦លានដុល្លារ
- ថ្ងៃសុក្រ ទី១ ខែវិច្ឆិកា ឆ្នាំ២០២៤ ម៉ោង ៤:២៤ នាទី រសៀល
ភ្ញៀវទេសចរអន្តរជាតិដើរតាមស្ពានហាល ចូលទស្សនាប្រាសាទអង្គរវត្ត។
សៀមរាប៖ រយៈពេល១០ខែ ដើមឆ្នាំ២០២៤ គ្រឹះស្ថានអង្គរ រកចំណូលបាន ៣៥ ៩៨៧ ៩៦១ ដុល្លារអាមេរិក ពីការលក់សំបុត្រចូលទស្សនារមណីយដ្ឋានអង្គរ។
តាមរបាយការណ៍សង្ខេបរបស់គ្រឹះស្ថានអង្គរដែលចេញផ្សាយនៅថ្ងៃទី១ ខែវិច្ឆិកា ១០ខែដើមឆ្នាំនេះ ភ្ញៀវទេសចរអន្តរជាតិដែលចូលទិញសំបុត្រ ឬបណ្ណទស្សនារមណីយដ្ឋានអង្គរមានចំនួន ៧៧៤ ២០៣នាក់ កើនឡើងជាង ២៨ភាគរយ ធៀបនឹងឆ្នាំ២០២៣ ហើយគិតជាទឹកប្រាក់សរុប មានចំនួន ៣៥ ៩៨៧ ៩៦១ ដុល្លារអាមេរិក កើនឡើង ២៩ភាគរយ។ ដោយឡែក ក្នុងខែតុលា ទេសចរទិញបណ្ណមាន ៧៤ ៣៥៣នាក់ គិតជាទឹកប្រាក់មានចំនួន ៣ ៤៦៥ ២៣១ ដុល្លារអាមេរិក។
ទាក់ទងនឹងចំណូលអង្គរនេះដែរ រយៈពេល១០ខែនេះ ទឹកប្រាក់សរុប ១ ៥៤៨ ៤០៦ដុល្លារ ត្រូវបានឧបត្ថម្ភចូលក្នុងមូលនិធិគន្ធបុប្ផាកម្ពុជា។
គួរបញ្ជាក់ថា បើតាមរបាយការណ៍របស់គ្រឹះស្ថានអង្គរនាពេលកន្លងមក ជាមធ្យមមានទេសចរ ចន្លោះពី២០០០ ទៅ២៥០០នាក់ ដែលបានចូលទិញបណ្ណទស្សនារមណីយដ្ឋានអង្គរ៕
© រក្សាសិទ្ធិដោយ thmeythmey.com
Tag:
