.png)
.png)
.jpg)
.jpg)
អុំទូក៖ រដ្ឋបាលរាជធានីភ្នំពេញ បង្កើនផ្លូវថ្មើរជើង ដើម្បីបន្ថយការកកស្ទះ និងមនុស្សប្រមូលផ្តុំ
- ថ្ងៃអាទិត្យ ទី៣ ខែវិច្ឆិកា ឆ្នាំ២០២៤ ម៉ោង ៤:៥៩ នាទី រសៀល
រដ្ឋបាលរាជធានីភ្នំពេញ នឹងបង្កើនផ្លូវថ្មើរជើងកាន់តែច្រើនទីតាំងជាងឆ្នាំមុន ដើម្បីបញ្ចៀសកុំឱ្យមនុស្សកកកុញខ្លាំង នៅក្នុងអំឡុងពេលដើរកម្សាន្តក្នុងព្រះរាជពិធីបុណ្យអុំទូក ជាពិសេសនៅមុខព្រះបរមរាជវាំង។ លោក ឃួង ស្រេង អភិបាលរាជធានីភ្នំពេញ បានបញ្ជាក់ក្នុងបទសម្ភាសជាមួយសារព័ត៌មានឌីជីថលថ្មីៗថា រដ្ឋបាលភ្នំពេញ នឹងបិទមហាវិថីចំនួន២ សម្រាប់ធ្វើជាផ្លូវថ្មើរជើង ចាប់ពីមហាវិថីព្រះស៊ីសុវត្ថិ និងមហាវិថីព្រះនរោត្តម ទល់នឹងមាត់ទន្លេ។ តំបន់កោះពេជ្រ និងតំបន់កោះនរា ក៏ត្រូវរៀបចំធ្វើជាផ្លូវថ្មើរជើងផងដែរ។ លោក ឃួង ស្រេង បន្ថែមដូច្នេះ មុននឹងបញ្ជាក់ថា អាជ្ញាធរ ក៏បានសហការជាមួយកងរាជអាវុធហត្ថ និងអគ្គស្នងការនករបាលរាជធានីភ្នំពេញ ពីការត្រៀមកងកម្លាំងរក្សាសណ្តាប់ធ្នាប់ និងការពង្រឹងសន្តិសុខ ដើម្បីសម្រួលដល់ពលរដ្ឋ មកកម្សាន្តក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រារព្ធឡើងចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា។
សូមលោក អ្នកនាងអញ្ជើញកិច្ចសម្ភាសដូចតទៅ៖
© រក្សាសិទ្ធិដោយ thmeythmey.com
Tag:
