.png)
.jpg)
.jpg)
កម្ពុជា អាចឡើងកម្ដៅដល់៣៥អង្សារយៈពេល៣ថ្ងៃ
- ថ្ងៃអាទិត្យ ទី២ ខែមីនា ឆ្នាំ២០២៥ ម៉ោង ១០:២៩ នាទី ព្រឹក
អាកាសធាតុ
ភ្នំពេញ៖ របបខ្យល់មូសុងឦសានជាមួយសម្ពាធទាប ដែលគ្របដណ្ដប់លើសមុទ្រចិនខាងត្បូង អាងទន្លេមេគង្គក្រោម ឈូងសមុទ្រថៃ និងលើកម្ពុជាបានថយឥទ្ធិពល។ ស្ថានភាពបែបនេះ នឹងធ្វើឱ្យកម្ពុជាឡើងកម្ដៅដល់៣៤-៣៥ អង្សាសេ រយៈពេល៣ថ្ងៃចាប់ពីថ្ងៃទី ២ ដល់ថ្ងៃទី៤ ខែមីនា ។
បើតាមការព្យាកររបស់ក្រសួងធនធានទឹក និងឧតុនិយម តំបន់វាលទំនាប មានសីតុណ្ហភាពមធ្យមអប្បបរមា ២៣អង្សាសេ និងសីតុណ្ហភាពមធ្យមអតិបរមា ៣៥អង្សាសេ ដោយមានខ្យល់បក់មកពីទិសបូព៌ និងអាគ្នេយ៍មានល្បឿនមធ្យម ២ម៉ែត្រក្នុងមួយវិនាទី។
រីឯ តំបន់ខ្ពង់រាប មានសីតុណ្ហភាពមធ្យមអប្បបរមា ២៣អង្សាសេ និងសីតុណ្ហភាពអតិបរមា ៣៤អង្សាសេ។ តំបន់នេះ នឹងមានខ្យល់បក់មកពីទិសបូព៌ និងអាគ្នេយ៍មានល្បឿនមធ្យម ៣ម៉ែត្រក្នុងមួយវិនាទី។
តំបន់មាត់សមុទ្រ មានសីតុណ្ហភាពមធ្យមអប្បបរមា ២៣អង្សាសេ និងសីតុណ្ហភាពអតិបរមា ៣៤អង្សាសេ និងមានខ្យល់បក់ពីទិសឦសាន និងបូព៌មានល្បឿនមធ្យម ២ម៉ែត្រក្នុងមួយវិនាទី។ ប៉ុន្តែ ខេត្តកោះកុង អាចមានភ្លៀងធ្លាក់គ្របដណ្ដប់លើផ្ទៃដី៥ភាគរយ។
ជាមួយគ្នានេះ រលកសមុទ្រ មានកម្ពស់មធ្យមអប្បបរមា ០,២៥ម៉ែត្រ និងកម្ពស់មធ្យមអតិបរមា ០,៧៥ម៉ែត្រ៕
© រក្សាសិទ្ធិដោយ thmeythmey.com
