.png)
.jpg)
.jpg)
ភ្ញៀវទេសចរជាង៥ម៉ឺននាក់ បានទៅកម្សាន្តបុណ្យឆ្នេរកោះប៉ែន
- ថ្ងៃអាទិត្យ ទី៩ ខែមីនា ឆ្នាំ២០២៥ ម៉ោង ៦:៣០ នាទី ល្ងាច
រូបភាព៖ រដ្ឋបាលខេត្តកំពង់ចាម
ភ្នំពេញ៖ រដ្ឋបាលខេត្តកំពង់ចាម បានរៀបចំពិធីបុណ្យឆ្នេរកោះប៉ែន គម្រប់១៥ឆ្នាំ (២០១១-២០២៥) នៅរមណីយដ្ឋានធម្មជាតិឆ្នេរខ្សាច់កោះប៉ែន ពីថ្ងៃទី៧ ដល់ថ្ងៃទី១២ ខែមីនា ឆ្នាំ២០២៥។ គិតត្រឹមថ្ងៃទី៣ នៃពិធីបុណ្យឆ្នេរកោះប៉ែននេះ មានភ្ញៀវទេសចំនួន ៥ ៧០៧នាក់ បានចូលរួម ដោយ ក្នុងនោះមានភ្ញៀវបរទេស១០២នាក់។ នេះបើតាមរដ្ឋបាលខេត្តកំពង់ចាម។
បុណ្យឆ្នេរកោះប៉ែន រៀបចំឡើងក្នុងគោលបំណង លើកកម្ពស់វិស័យទេសចរណ៍ ផ្សព្វផ្សាយការអភិរក្សស្ពានឫស្សីឆ្លងទន្លេមេគង្គ ដែលជាស្នាដៃរបស់សហគមន៍។ ជាពិសេស ពិធីបុណ្យនេះធ្វើឡើង ក៏ដើម្បីអបអរខួប ១៥ឆ្នាំ នៃការបង្កើតកន្លែងកម្សាន្តឆ្នេរកោះប៉ែន ស្ពានឫស្សី របស់ខេត្តកំពង់ចាម ផងដែរ។
ក្នុងពិធីបុណ្យនេះ ម្មវិធីកម្សាន្តជាច្រើន ដូចជា ៖ ការប្រកួតបាល់ទាត់លើវាលខ្សាច់ ការតាំងពិព័រណ៍ ការប្រគំតន្ត្រី ប្រដាល់គុនខ្មែរ និងការបាញ់កាំជ្រួច ជាដើម៕
© រក្សាសិទ្ធិដោយ thmeythmey.com
Tag:
