.jpg)
.jpg)
ឆ្នាំ២០២៤ ទំហំពាណិជ្ជកម្មអន្តរជាតិកម្ពុជា មានចំនួន ៥៥,៤ប៊ីលានដុល្លារ កើន១៥,៦៦ភាគរយ
- ថ្ងៃសៅរ៍ ទី១២ ខែមេសា ឆ្នាំ២០២៥ ម៉ោង ៥:២៩ នាទី ល្ងាច
រូបភាពពីហ្វេសប៊ុកកំពង់ផែស្វយ័តក្រុងព្រះសីហនុ
ភ្នំពេញ៖ ក្នុងឆ្នាំ២០២៤ សេដ្ឋកិច្ចកម្ពុជា ត្រូវបានប៉ាន់ស្មានថាសម្រេចបានកំណើនប្រមាណ ៦ភាគរយ។ ជាមួយគ្នានេះ ទំហំពាណិជ្ជកម្មអន្តរជាតិកម្ពុជាក្នុងឆ្នាំ២០២៤ មានចំនួន ៥៥,៤ប៊ីលានដុល្លារ កើនឡើង ១៥,៦៦ភាគរយ បើធៀបនឹងឆ្នាំ២០២៣។ នេះបើតាមរបាយការណ៍របស់សម្ដេច ហ៊ុន ម៉ាណែត។
នៅដើមនីតិកាលទី៧ នៃរដ្ឋសភា រាជរដ្ឋាភិបាលកម្ពុជា សម្រេចបានវឌ្ឍនភាពលើវិស័យជាច្រើន រួមទាំងពាណិជ្ជកម្ម។ ជាក់ស្ដែង ទំហំពាណិជ្ជកម្មអន្តរជាតិកម្ពុជាក្នុងឆ្នាំ២០២៤ មានចំនួន ៥៥,៤ប៊ីលានដុល្លារ ដែលកើនឡើង ១៥,៦៦ភាគរយ បើធៀបនឹងឆ្នាំ២០២៣។
ទន្ទឹមនឹងនេះ ការនាំចេញមានចំនួន ២៦,៧ ប៊ីលានដុល្លារ កើនឡើង១៣,៦១ភាគរយ និងការនាំចូលមានចំនួន ២៨,៧ ប៊ីលានដុល្លារ កើនឡើង១៧,៦៣ភាគរយ បើធៀបនឹងឆ្នាំ២០២៣។ បើតាមរបាយការណ៍របស់ប្រមុខរាជរដ្ឋាភិបាលកម្ពុជា ក្នុងឆ្នាំ២០២៤ សេដ្ឋកិច្ចកម្ពុជា ត្រូវបានប៉ាន់ស្មានថាសម្រេចបានកំណើនប្រមាណ ៦ភាគរយ។
ជាមួយគ្នានេះ ពាក់ព័ន្ធនឹងទុនបម្រុងអន្តរជាតិវិញ បន្តស្ថិតក្នុងកម្រិតខ្ពស់ គឺប្រមាណជាង ២២ប៊ីលានដុល្លារ។ ក្រៅពីបង្ហាញពីសមិទ្ធភាពលើទំហំពាណិជ្ជកម្ម ក៏បង្ហាញពីវឌ្ឍនភាពលើការវិនិយោគ។ ក្នុងឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យក្រុមហ៊ុនវិនិយោគលើគម្រោងថ្មី និងគម្រោងពង្រីកផលិតកម្មចំនួន ៤១៤គម្រោង ដែលមានទុនសរុប ៦,៩ ប៊ីលានដុល្លារ។ តាមរយៈគម្រោងទាំងនេះ បានបង្កើតឱកាសការងារចំនួន ៣២៤ ៦២៤កន្លែង៕
© រក្សាសិទ្ធិដោយ thmeythmey.com
Tag:
