.jpg)
.jpg)
ឆ្នាំ២០២៤ កម្ពុជាទទួលបានទេសចរអន្តរជាតិ ៦,៧លាននាក់ កើន២៣ភាគរយ
- ថ្ងៃអាទិត្យ ទី១៣ ខែមេសា ឆ្នាំ២០២៥ ម៉ោង ១២:០០ នាទី រសៀល
ភ្នំពេញ៖ ក្នុងឆ្នាំ២០២៤កន្លងទៅ វិស័យទេសចរណ៍ ហាក់មានកំណើនឡើងវិញ ស្របពេលដែលទេសចរអន្តរជាតិប្រមាណ ៦,៧លាននាក់ បានធ្វើដំណើរកម្សាន្តមកកាន់កម្ពុជា។ បើតាមរបាយការណ៍របស់សម្ដេច ហ៊ុន ម៉ាណែត ចំនួនទេសចរអន្តរជាតិក្នុងឆ្នាំ២០២៤ បានកើនឡើង ២៣ភាគរយ បើធៀបនឹងឆ្នាំ២០២៣។
វិស័យទេសចរណ៍ ជាវិស័យមួយដែលជួយលើកកម្ពស់សេដ្ឋកិច្ចជាតិ និងសេដ្ឋកិច្ចពលរដ្ឋនៅតាមមូលដ្ឋានដោយផ្ទាល់។ ជាក់ស្ដែងក្នុងឆ្នាំ២០២៤ កម្ពុជាទទួលបានទេសចរអន្តរជាតិប្រមាណ ៦,៧លាននាក់ មានកំណើន ២៣ភាគរយ ធៀបនឹងឆ្នាំ២០២៣។ ជាមួយគ្នានេះ ទេសចរជាតិ ក៏មានកំណើនផងដែរ ពោលមានចំនួន ២២លាន៥សែននាក់ មានកំណើន២០ភាគរយ។
បើតាមរបាយការណ៍របស់សម្ដេច ហ៊ុន ម៉ាណែត បានបង្ហាញពីចំណូលដែលគ្រឹះស្ថានអង្គរទទួលបានក្នុងឆ្នាំ២០២៤ គឺមានប្រមាណ ៤៧,៨លានដុល្លារ។ ចំណូលទាំងនេះ បានមកពីការលក់សំបុត្រជូនភ្ញៀវទេសចរអន្តរជាតិចំនួន ១ ០២៣ ៦៨៨នាក់។ ដោយឡែកចំណូលបានមកពីការផ្ដល់ទិដ្ឋាការមានចំនួន ៥៦ ៥៨៧ ៨០៧ដុល្លារផងដែរ៕
© រក្សាសិទ្ធិដោយ thmeythmey.com
Tag:
