.jpg)
.jpg)
ចូលឆ្នាំថ្ងៃទី១៖ សៀមរាបទទួលបានទេសចរជិត៨០ម៉ឺននាក់
- ថ្ងៃអង្គារ ទី១៥ ខែមេសា ឆ្នាំ២០២៥ ម៉ោង ៤:៥៩ នាទី រសៀល
សៀមរាប៖ នៅថ្ងៃទី១ នៃព្រះរាជពិធីបុណ្យចូលឆ្នាំប្រពៃណីជាតិខ្មែរ ខេត្តសៀមរាប បានទាក់ទាញទេសចរសរុបជិត៨០ម៉ឺននាក់។
របាយការណ៍របស់មន្ទីរទេសចរណ៍ខេត្តសៀមរាបបានបង្ហាញថា នៅថ្ងៃទី១៤ ខែមេសា ដែលត្រូវនឹងថ្ងៃទី១ នៃពិធីបុណ្យចូលឆ្នាំខ្មែរ ទេសចរសរុប ៧៩៤,៥៣៧នាក់ ចូលមកកម្សាន្តនៅក្នុង ខេត្តសៀមរាប។ របាយការណ៍ដដែលបានបញ្ជាក់ថា ក្នុងចំណោមទេសចរខាងលើ ទេសចរបរទេសមានចំនួន ៤,៥៣៧នាក់ និងទេសចរជាតិ និងពលរដ្ឋទូទៅប្រមាណ ៧៩ម៉ឺននាក់។
មន្ទីរទេសចរណ៍បានញែកទេសចរទាំងនោះនៅតាមតំបន់សំខាន់ៗដែលរួមមាន តំបន់ជុំវិញព្រឹត្តិការណ៍អង្គរសង្រ្កាន្តមានតំបន់អង្គរ ព្រះរាជដំណាក់ មាត់ស្ទឹង និងតំបន់ផាប់ស្រ្ទីត មានទេសចរប្រមាណ ៧៦ម៉ឺននាក់ តំបន់ភ្នំគូលែនប្រមាណ ៤,៥០០នាក់ បឹងទន្លេសាប ប្រមាណ ៦,៥០០នាក់ បារាយណ៍ទឹកថ្លាប្រមាណ៤ពាន់នាក់ និងតំបន់សហគមន៍ និងរមណីយដ្ឋានផ្សេងៗ ប្រមាណ១៥,០០០នាក់៕
© រក្សាសិទ្ធិដោយ thmeythmey.com
Tag:
