.jpg)
.jpg)
ជនជាតិវៀតណាម ២០នាក់ ត្រូវបានបណ្តេញចេញពីកម្ពុជា
- ថ្ងៃសុក្រ ទី២៥ ខែមេសា ឆ្នាំ២០២៥ ម៉ោង ១០:២៤ នាទី ព្រឹក
ជនជាតិវៀតណាមសរុបចំនួន២០នាក់ ក្នុងនោះស្រី៥នាក់ ត្រូវបាន នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកអន្តោប្រវេសន៍ បណ្តេញចេញពីកម្ពុជា កាលពីថ្ងៃទី២៣ ខែមេសា តាមប៉ុស្តិ៍នគរបាលច្រកទ្វារព្រំដែនអន្តរជាតិព្រែកចាក ខេត្តកំពត។
បើតាមការផ្សាយរបស់ អគ្គនាយកអន្តោប្រវេសន៍ ជនជាតិវៀតណាមទាំង២០នាក់នោះ គឺមានជាប់ពាក់ព័ន្ធនឹង ករណីលួចស្នាក់នៅធ្វើការងារខុសច្បាប់ (មានលិខិតឆ្លងដែន និងគ្មានលិខិតឆ្លងដែន), ករណីចាប់ឃុំឃាំង និងបង្ខាំងដោយខុសច្បាប់ គ្មានលិខិតឆ្លងដែន (អនុវត្តទោសចប់) និងករណីឆបោកមានស្ថានទម្ងន់ទោសគ្មានលិខិតឆ្លងដែន (អនុវត្តទោសចប់)។
នាយកដ្ឋានស៊ើបអង្កេត និងអនុវត្តនីតិវិធី បានទទួលជនជាតិវៀតណាមដែលត្រូវបានបណ្តេញ ពី ស្នងការដ្ឋាននគរបាលខេត្តព្រះសីហនុចំនួន ៣នាក់, ទទួលពីការិយាល័យស៊ើបអង្កេត និងអនុវត្តនីតិវិធីនៃស្នងការដ្ឋាននគរបាលខេត្តកំពត ចំនួន ៧នាក់ , ទទួលពីការិយាល័យសន្តិសុខផ្ទៃក្នុងនៃស្នងការដ្ឋាននគរបាលខេត្តកោះកុងចំនួន ១នាក់ និងទទួលពីពន្ធនាគារខេត្តព្រះសីហនុចំនួន៩នាក់៕
© រក្សាសិទ្ធិដោយ thmeythmey.com
