ម្ចាស់ជើងឯកចាស់ Real Madrid ប៉ះ Atletico Madrid ខណៈAS Monaco ជួប Juventus វគ្គ៤ក្រុមចុងក្រោយនៃពានរង្វាន់ទ្វីបអឺរ៉ុប UEFA Champions League ក្រោយការចាប់ឆ្នោតនៅថ្ងៃសុក្រ នេះនៅទីស្នាក់ការសហព័ន្ធកីឡាបាល់ទាត់ទ្វីបអឺរ៉ុប ដែលស្ថិតនៅទីក្រុង Nyon ប្រទេសស្វីស។
ការប្រកួតជើងទីមួយនឹងប្រព្រឹត្តទៅថ្ងៃទី២ និងទី៣ ខែឧសភា ហើយជើងទីពីរ ដំណើរការនៅថ្ងៃទី៩ និងទី១០ ខែឧសភា។ ក្រុមដែលមានប្រៀបទាំងពីរជើង នឹងទទួលបានកៅអីនៅវគ្គផ្តាច់ព្រ័ត្រនាថ្ងៃទី៣ ខែមិថុនា នៅកីឡដ្ឋាន Millennium Stadium ក្រុង Cardiff ប្រទេសវេលស៍៕