ជាតិ
បទវិភាគ
×![]()
ដោយ: ថ្មីៗ
ក្នុងក្របខណ្ឌនៃវិធានការគ្រប់គ្រងមន្ត្រីរាជការ ក៏ដូចជាដើម្បីលើកដំកើងប្រសិទ្ធភាពការងាររដ្ឋ ស្ថាប័នរដ្ឋបានអនុវត្តវិធានការផ្សេងៗគ្នា។ ប៉ុន្តែវិធានការទាំងនោះនៅតែគ្មានប្រសិទ្ធភាព។ មន្ត្រីនៅតែមិនមកធ្វើការ។
ជាច្រើនឆ្នាំមកហើយ ម៉ាស៊ីនអេឡិចត្រូនិកផ្សេងៗត្រូវបានបំពាក់នៅតាមបណ្តាក្រសួង និងស្ថាប័នរដ្ឋនានា ដើម្បីគ្រប់គ្រងវត្តមានមន្ត្រីរាជការរបស់ខ្លួន។ ផ្ទុយទៅវិញ រហូតមកដល់ពេលនេះ គេនៅតែនិយាយអំពីមន្ត្រីខ្មោច ដែលជារឿងដដែល។ ទីបំផុត អង្គភាពប្រឆាំងអំពើពុករលួយក៏ប្រកាសព្រមានអោយដឹកនាំក្រសួងរដ្ឋទាំងអស់ សម្អាតបញ្ជីមន្ត្រីរបស់ពួកគេ មុននឹងអង្គភាពនេះចាត់វិធានការផ្លូវច្បាប់។
ក្រសួងខ្លះ គេបានប្រើប្រាស់វិធានការScanក្រយ៉ៅម្រាមដៃរបស់បុគ្គលិក មុនពេលចូលធ្វើការ និងពេលចេញពីធ្វើការ។ វិធានការនេះត្រូវបានគេប្រើដើម្បីបញ្ជាក់ថា មន្ត្រីបានមកធ្វើការនៅម៉ោងប៉ុន្មាន ហើយចេញពីធ្វើការនៅម៉ោងប៉ុន្មាន។ ប៉ុន្តែ តើម៉ាស៊ីនអាចដឹងទេថា មនុស្សបានកំពុងធ្វើការក្នុងស្ថាប័នរបស់ខ្លួន នៅចន្លោះនៃការស្កែនក្រយ៉ៅដៃទាំងពីរពេលនោះ? ម៉ាស៊ីនមិនអាចដឹងទេ។
នៅតាមក្រសួងខ្លះវិញ គេបានប្រើប្រាស់ការដាក់ឆូតកាតសំគាល់ខ្លួនរបស់មន្ត្រី។ ត្រង់នេះ ការឆ្លៀតឱកាសរបស់មន្ត្រីមួយចំនួនដែលចង់បន្លំក៏អាចធ្វើបានដែរ។ នោះគឺពួកគេគ្រាន់តែផ្ញើបណ្ណសំគាល់របស់ខ្លួននៅនឹងសហការី ឬមិត្តភក្តិនោះ ដើម្បីអោយគេឆូតអោយ វាជាការស្រេច។ នេះមិនទាន់និយាយអំពីករណីដែលម៉ាស៊ីនឆែកអត្តសញ្ញាណខ្លះដែលឧស្សាហ៍ខូច និងល្បិចកលចាស់ៗខ្លះ ដូចជាការរក្សាប្រាក់ខែអោយប្រធាន ឬថ្នាក់លើ ជាថ្នូរនឹងការមិនបាច់មានវត្តមាននៅកន្លែងធ្វើការនោះផង។
និយាយយ៉ាងដូច្នេះ មិនមែនមានន័យថា វិធានការដែលរដ្ឋាភិបាល និងក្រសួងស្ថាប័នរដ្ឋនិមួយៗខិតខំដាក់ចេញមកនោះ គ្មានប្រសិទ្ធភាពទាល់តែសោះនោះឡើយ។ វិធានការនេះ វាបានជួយពង្រឹងវិន័យនៃមន្ត្រីខិលខូចមួយចំនួនរួចហើយ។ មានមន្ត្រីខ្លះក៏បានសម្រេចឈប់ពីការងារមន្ត្រីរាជការតែម្តង បន្ទាប់ពីវិធានការដែលជាផ្នែកមួយនៃការធ្វើជំរឿនមន្ត្រីរាជការ ត្រូវបានអនុវត្តនេះ។ ប៉ុន្តែផ្ទុយទៅវិញ ក៏មានមន្ត្រីមួយចំនួននៅតែព្យាយាមឆ្លៀតឱកាសដើម្បីពួកគេអាចនៅ មានឈ្មោះជាមន្ត្រីរាជការផង និងអាចបន្តការងារឯកជននៅខាងក្រៅទៀតផង។ ហើយក្រុមនេះ ភាគច្រើន គឺជាសាច់ញាតិថ្នាក់ដឹកនាំរបស់ស្ថាប័នសាម៉ីទាំងនោះ ដែលមន្ត្រីថ្នាក់ក្រោម ខ្លាចញញើត និងមិនហ៊ានបរិហារ។
ម៉ាស៊ីន មិនមែនជាវិធានការតែមួយក្នុងការគ្រប់គ្រងវត្តមានរបស់មន្ត្រីនោះទេ។ ត្រង់ចំនុចនេះ វាទាមទារអោយមានការប្តេជ្ញាចិត្ត និងមនសិការរបស់ថ្នាក់ដឹកនាំក្រសួង ឬស្ថាប័នរដ្ឋនិមួយៗ ។ ប្រាក់បៀវត្សរ វាជាបញ្ហារួមរបស់រដ្ឋាភិបាលដែលត្រូវដោះស្រាយតាមរយៈគោលនយោបាយកំណែទម្រង់របស់ខ្លួន។ ប៉ុន្តែ ដើម្បីគ្រប់គ្រងមន្ត្រី វាគឺជាការងារ ឬតួនាទីរបស់ថ្នាក់ដឹកនាំនៅតាមស្ថាប័នទៅវិញទេ។ តើថ្នាក់ដឹកនាំនៅតាមស្ថាប័នមានឆន្ទៈចង់បម្រើជាតិ និងចង់សាងស្នាដៃល្អប៉ុណ្ណា?
មានកត្តា៣សំខាន់ ដែលអាចជាមធ្យោបាយគ្រប់គ្រងវត្តមានមន្ត្រីដោយស្រួលនោះ៖
ទីមួយគឺ បរិយាកាសការងារ។ មិនខុសពីក្រុមហ៊ុនឯកជនឡើយ ថ្នាក់ដឹកនាំស្ថាប័នរដ្ឋត្រូវធានាថា មន្ត្រីរបស់ខ្លួនត្រូវស្ថិតនៅក្នុងបរិយាកាសការងារល្អមួយ។ ជាបរិយាកាសដែលមិនមានការច្រណែន ឈ្នានីសគ្នា មិនមានបក្សពួកនិយម។
ទីពីរ គឺបែងចែកភារកិច្ចដោយស្មើភាពគ្នា។ បរិយាកាសដែលមិនល្អនៅតាមក្រសួង និងស្ថាប័នរដ្ឋដែលកើតមានដល់ពេលនេះ ជាញឹកញយបានកើតឡើងដោយសារតែ ការបែងចែកការងារមិនស្មើភាពគ្នានេះឯង។ មិនមែនថា គ្មានការងារធ្វើនោះទេ ប៉ុន្តែការងារជាច្រើនត្រូវបានប្រមូលផ្តុំនៅតាមការិយាល័យថ្នាក់ដឹកនាំកំពូល និងថ្នាក់ដឹកបន្តបន្ទាប់។ ជាការងារដែល គេរំពឹងថាមានលាភសក្តារៈ ឬមានផលប្រយោជន៍ ហើយដែលគេមិនត្រូវឲ្យច្រើនពាក់ព័ន្ធឡើយ។ ការងារដែលមានផលប្រយោជន៍ ត្រូវបានផ្តល់ឲ្យមនុស្សដដែលៗដែលជាបក្សពួកខ្លួន។
ទីបី គឺភាពយុត្តិធម៌។ តាមពិត បរិយាកាសការងារ ការបែងចែកភារកិច្ចដោយស្មើភាពគ្នា និងមនសិការយុត្តិធម៌ ទាំងនេះគឺជាចំនុចដែលប្រទាក់ក្រឡាគ្នា ដែលគេអនុវត្តទាំងព្រមតែម្តង។ ថ្នាក់ដឹកនាំក្រសួង មន្ទីរ ឬស្ថាប័នរដ្ឋនានា គួរតែឈរលើគោលការណ៍យុត្តិធម៌ ផ្តល់តម្លៃ និងលើកស្ទួយដល់អ្នកធ្វើការងារពិតប្រាកដ។
អាចអនុវត្តកត្តាទាំង៣នេះបាន វានឹងអាចជួយឲ្យមន្ត្រីរាជការកាន់តែមានមនសិការស្មោះស្ម័គ្រនឹងការងាររដ្ឋ។ អ្នកដែលស្ថិតនៅក្នុងស្ថានភាពនៃការជ្រើសរើសរវាងការងារឯកជន និងការងាររដ្ឋ ពួកគេក៏នឹងជ្រើសរើសយកការងាររដ្ឋ ដែលសង្គមតែងផ្តល់តម្លៃរួចទៅហើយនោះ។ ទឹកត្រជាក់ត្រីកុំ៕
ជាច្រើនឆ្នាំមកហើយ ម៉ាស៊ីនអេឡិចត្រូនិកផ្សេងៗត្រូវបានបំពាក់នៅតាមបណ្តាក្រសួង និងស្ថាប័នរដ្ឋនានា ដើម្បីគ្រប់គ្រងវត្តមានមន្ត្រីរាជការរបស់ខ្លួន។ ផ្ទុយទៅវិញ រហូតមកដល់ពេលនេះ គេនៅតែនិយាយអំពីមន្ត្រីខ្មោច ដែលជារឿងដដែល។ ទីបំផុត អង្គភាពប្រឆាំងអំពើពុករលួយក៏ប្រកាសព្រមានអោយដឹកនាំក្រសួងរដ្ឋទាំងអស់ សម្អាតបញ្ជីមន្ត្រីរបស់ពួកគេ មុននឹងអង្គភាពនេះចាត់វិធានការផ្លូវច្បាប់។
ក្រសួងខ្លះ គេបានប្រើប្រាស់វិធានការScanក្រយ៉ៅម្រាមដៃរបស់បុគ្គលិក មុនពេលចូលធ្វើការ និងពេលចេញពីធ្វើការ។ វិធានការនេះត្រូវបានគេប្រើដើម្បីបញ្ជាក់ថា មន្ត្រីបានមកធ្វើការនៅម៉ោងប៉ុន្មាន ហើយចេញពីធ្វើការនៅម៉ោងប៉ុន្មាន។ ប៉ុន្តែ តើម៉ាស៊ីនអាចដឹងទេថា មនុស្សបានកំពុងធ្វើការក្នុងស្ថាប័នរបស់ខ្លួន នៅចន្លោះនៃការស្កែនក្រយ៉ៅដៃទាំងពីរពេលនោះ? ម៉ាស៊ីនមិនអាចដឹងទេ។
នៅតាមក្រសួងខ្លះវិញ គេបានប្រើប្រាស់ការដាក់ឆូតកាតសំគាល់ខ្លួនរបស់មន្ត្រី។ ត្រង់នេះ ការឆ្លៀតឱកាសរបស់មន្ត្រីមួយចំនួនដែលចង់បន្លំក៏អាចធ្វើបានដែរ។ នោះគឺពួកគេគ្រាន់តែផ្ញើបណ្ណសំគាល់របស់ខ្លួននៅនឹងសហការី ឬមិត្តភក្តិនោះ ដើម្បីអោយគេឆូតអោយ វាជាការស្រេច។ នេះមិនទាន់និយាយអំពីករណីដែលម៉ាស៊ីនឆែកអត្តសញ្ញាណខ្លះដែលឧស្សាហ៍ខូច និងល្បិចកលចាស់ៗខ្លះ ដូចជាការរក្សាប្រាក់ខែអោយប្រធាន ឬថ្នាក់លើ ជាថ្នូរនឹងការមិនបាច់មានវត្តមាននៅកន្លែងធ្វើការនោះផង។
និយាយយ៉ាងដូច្នេះ មិនមែនមានន័យថា វិធានការដែលរដ្ឋាភិបាល និងក្រសួងស្ថាប័នរដ្ឋនិមួយៗខិតខំដាក់ចេញមកនោះ គ្មានប្រសិទ្ធភាពទាល់តែសោះនោះឡើយ។ វិធានការនេះ វាបានជួយពង្រឹងវិន័យនៃមន្ត្រីខិលខូចមួយចំនួនរួចហើយ។ មានមន្ត្រីខ្លះក៏បានសម្រេចឈប់ពីការងារមន្ត្រីរាជការតែម្តង បន្ទាប់ពីវិធានការដែលជាផ្នែកមួយនៃការធ្វើជំរឿនមន្ត្រីរាជការ ត្រូវបានអនុវត្តនេះ។ ប៉ុន្តែផ្ទុយទៅវិញ ក៏មានមន្ត្រីមួយចំនួននៅតែព្យាយាមឆ្លៀតឱកាសដើម្បីពួកគេអាចនៅ មានឈ្មោះជាមន្ត្រីរាជការផង និងអាចបន្តការងារឯកជននៅខាងក្រៅទៀតផង។ ហើយក្រុមនេះ ភាគច្រើន គឺជាសាច់ញាតិថ្នាក់ដឹកនាំរបស់ស្ថាប័នសាម៉ីទាំងនោះ ដែលមន្ត្រីថ្នាក់ក្រោម ខ្លាចញញើត និងមិនហ៊ានបរិហារ។
ម៉ាស៊ីន មិនមែនជាវិធានការតែមួយក្នុងការគ្រប់គ្រងវត្តមានរបស់មន្ត្រីនោះទេ។ ត្រង់ចំនុចនេះ វាទាមទារអោយមានការប្តេជ្ញាចិត្ត និងមនសិការរបស់ថ្នាក់ដឹកនាំក្រសួង ឬស្ថាប័នរដ្ឋនិមួយៗ ។ ប្រាក់បៀវត្សរ វាជាបញ្ហារួមរបស់រដ្ឋាភិបាលដែលត្រូវដោះស្រាយតាមរយៈគោលនយោបាយកំណែទម្រង់របស់ខ្លួន។ ប៉ុន្តែ ដើម្បីគ្រប់គ្រងមន្ត្រី វាគឺជាការងារ ឬតួនាទីរបស់ថ្នាក់ដឹកនាំនៅតាមស្ថាប័នទៅវិញទេ។ តើថ្នាក់ដឹកនាំនៅតាមស្ថាប័នមានឆន្ទៈចង់បម្រើជាតិ និងចង់សាងស្នាដៃល្អប៉ុណ្ណា?
មានកត្តា៣សំខាន់ ដែលអាចជាមធ្យោបាយគ្រប់គ្រងវត្តមានមន្ត្រីដោយស្រួលនោះ៖
ទីមួយគឺ បរិយាកាសការងារ។ មិនខុសពីក្រុមហ៊ុនឯកជនឡើយ ថ្នាក់ដឹកនាំស្ថាប័នរដ្ឋត្រូវធានាថា មន្ត្រីរបស់ខ្លួនត្រូវស្ថិតនៅក្នុងបរិយាកាសការងារល្អមួយ។ ជាបរិយាកាសដែលមិនមានការច្រណែន ឈ្នានីសគ្នា មិនមានបក្សពួកនិយម។
ទីពីរ គឺបែងចែកភារកិច្ចដោយស្មើភាពគ្នា។ បរិយាកាសដែលមិនល្អនៅតាមក្រសួង និងស្ថាប័នរដ្ឋដែលកើតមានដល់ពេលនេះ ជាញឹកញយបានកើតឡើងដោយសារតែ ការបែងចែកការងារមិនស្មើភាពគ្នានេះឯង។ មិនមែនថា គ្មានការងារធ្វើនោះទេ ប៉ុន្តែការងារជាច្រើនត្រូវបានប្រមូលផ្តុំនៅតាមការិយាល័យថ្នាក់ដឹកនាំកំពូល និងថ្នាក់ដឹកបន្តបន្ទាប់។ ជាការងារដែល គេរំពឹងថាមានលាភសក្តារៈ ឬមានផលប្រយោជន៍ ហើយដែលគេមិនត្រូវឲ្យច្រើនពាក់ព័ន្ធឡើយ។ ការងារដែលមានផលប្រយោជន៍ ត្រូវបានផ្តល់ឲ្យមនុស្សដដែលៗដែលជាបក្សពួកខ្លួន។
ទីបី គឺភាពយុត្តិធម៌។ តាមពិត បរិយាកាសការងារ ការបែងចែកភារកិច្ចដោយស្មើភាពគ្នា និងមនសិការយុត្តិធម៌ ទាំងនេះគឺជាចំនុចដែលប្រទាក់ក្រឡាគ្នា ដែលគេអនុវត្តទាំងព្រមតែម្តង។ ថ្នាក់ដឹកនាំក្រសួង មន្ទីរ ឬស្ថាប័នរដ្ឋនានា គួរតែឈរលើគោលការណ៍យុត្តិធម៌ ផ្តល់តម្លៃ និងលើកស្ទួយដល់អ្នកធ្វើការងារពិតប្រាកដ។
អាចអនុវត្តកត្តាទាំង៣នេះបាន វានឹងអាចជួយឲ្យមន្ត្រីរាជការកាន់តែមានមនសិការស្មោះស្ម័គ្រនឹងការងាររដ្ឋ។ អ្នកដែលស្ថិតនៅក្នុងស្ថានភាពនៃការជ្រើសរើសរវាងការងារឯកជន និងការងាររដ្ឋ ពួកគេក៏នឹងជ្រើសរើសយកការងាររដ្ឋ ដែលសង្គមតែងផ្តល់តម្លៃរួចទៅហើយនោះ។ ទឹកត្រជាក់ត្រីកុំ៕
© រក្សាសិទ្ធិដោយ thmeythmey.com
