កីឡាជាតិ
ជាតិ
លោក Lee ៖ «ខ្ញុំអាចកែទម្រង់លេង ប៉ុន្តែទម្លាប់មិនល្អកីឡាករខ្ញុំពិបាកកែ»
×![]()
ភ្នំពេញ៖ ក្រុមកីឡាបាល់ទាត់ជម្រើសជាតិកម្ពុជា បានឈានទៅកាន់ជុំចុងក្រោយនៃពានរង្វាន់ AFF Suzuki Cup ក្រោយយកឈ្នះទាំង៣ប្រកួតនាការប្រកួតជម្រុះនៅលើ ទឹកដីរបស់ខ្លួន។ សម្រាប់ជំនួបចុងក្រោយកាលពីថ្ងៃទី២១ តុលា កម្ពុជាបានឈ្នះទីម័រខាងកើត ៣-២ ដែលជាលទ្ធផលគាប់ចិត្តសម្រាប់អ្នកគាំទ្រ។ ប៉ុន្តែសម្រាប់គ្រូបង្វឹកក្រុមកម្ពុជាវិញ មិនសូវសប្បាយចិត្តដូចអ្នកគាំទ្រឡើយ។ មិនសប្បាយចិត្តដោយសារតែកីឡាករបង្កើតកំហុសដដែលៗក្នុងការប្រកួត ដែលគ្រូបង្វឹកកម្ពុជា ចាត់ទុកថា ជាទម្លាប់អាក្រក់របស់កីឡាករ ដែលពិបាកនឹងកែប្រែ។
«ខ្ញុំអាចរៀបចំកលល្បិចលេងនៃក្រុម និងកែទម្រង់លេងនៃក្រុមបាន។ ប៉ុន្តែការកែទម្លាប់អាក្រក់របស់កីឡាករខ្ញុំពិបាកនឹងកែ»។ នេះជាការបញ្ជាក់របស់គ្រូបង្វឹកក្រុមកម្ពុជា លោក Lee Tea Hoon ដែលសម្លឹងឃើញពីចំណុចខ្សោយ និងទម្លាប់មិនល្អរបស់ក្រុមកីឡាករកម្ពុជា។ សម្រាប់លោក Lee ទម្លាប់មិនល្អរបស់កីឡាករនោះ គឺត្រង់ថារាល់ការប្រកួតកីឡាករតែងតែធ្វេសប្រហែសគ្រាប់បាល់ឲ្យគូប្រកួតខ្លួន ពោលបានន័យថា រាល់ពេលដែលក្រុមកម្ពុជាមានគ្រាប់បាល់នាំមុខគេនោះ កីឡាករទាំងអស់ភាគច្រើន គឺទម្លាក់ទម្រង់លេងដោយមិនសូវយកចិត្តទុករារាំងគូប្រកួតឡើយ។
ថ្លែងក្នុងសន្និសីទកាសែត ក្រោយឈ្នះទីម័រខាងកើត ៣-២ គ្រូបង្វឹកកម្ពុជារូបនេះ បានបង្ហាញអារម្មណ៍មិនសប្បាយចិត្តដូច្នេះថា៖«រាល់ការប្រកួតនីមួយៗ មិនមែនជាការប្រកួតដោយងាយស្រួលឡើយ ប៉ុន្តែរាល់ការប្រកួតយើងពិតជាបង្កើតកំហុសដដែលៗ។ ជាធម្មតាខ្ញុំមិនចង់ចុចឈ្មោះដាក់កំហុសអ្នកណាម្នាក់នោះទេ ប៉ុន្តែលើកនេះក្នុងតង់ទីមួយ កីឡាករ សុខ សុវណ្ណ ,សឿយ វិសាល និងសំអឿន ពិដោ ពិតជាបង្កើតកំហុសធំក្នុងការប្រកួត ដែលទុកឲ្យគូប្រកួតមានឱកាសច្រើន ។ពីព្រោះបន្ទាប់ពីយើងស៊ុតបញ្ចូលទីគេគ្រាប់ទីពីរហើយ កីឡាករមួយចំនួនចាប់ផ្ដើមលេងទម្លាក់ខ្លួន មិនសូវលេងតាមទម្រង់ធម្មតា ។ ខ្ញុំគិតថាកីឡាករតែងតែមានទម្លាប់អាក្រក់នេះ សម្រាប់ក្រុមជម្រើសជាតិខ្ញុំពិបាកកែទម្លាប់អាក្រក់កីឡាករនេះណាស់»។
ត្រង់ចំណុចនេះ លោក Lee យល់ថា ទម្លាប់លេងមិនល្អនេះ គឺមានតែកីឡាករខ្លួនឯងទេ ដែលអាចកែប្រែចំណុចខ្សោយនេះបាន។ ហើយបើពួកគេអាចកែប្រែទម្លាប់លេងនេះបាន នោះពួកគេនឹងអាចពង្រឹងសមត្ថភាព និងតុល្យភាពទាំងការលេងឲ្យក្រុមក្នុងលីគកម្ពុជា និងទាំងក្រុមជម្រើសជាតិផងដែរ។«ខ្ញុំសង្ឃឹមថា កីឡាករទាំងអស់នឹងព្យាយាមកែប្រែទម្លាប់អាក្រក់របស់ខ្លួន»។ នេះជាការទទូចរបស់គ្រូបង្វឹកកម្ពុជា។
ក្រោយយកឈ្នះ៣ប្រកួតនេះ កម្ពុជាដែលរកបាន៩ពិន្ទុ ត្រូវឡើងទៅប៉ះម្ចាស់ផ្ទះមីយ៉ាន់ម៉ា ម៉ាឡេស៊ី និងវៀតណាម នៅក្នុងពូល B នៃវគ្គចាប់ពូល៕
«ខ្ញុំអាចរៀបចំកលល្បិចលេងនៃក្រុម និងកែទម្រង់លេងនៃក្រុមបាន។ ប៉ុន្តែការកែទម្លាប់អាក្រក់របស់កីឡាករខ្ញុំពិបាកនឹងកែ»។ នេះជាការបញ្ជាក់របស់គ្រូបង្វឹកក្រុមកម្ពុជា លោក Lee Tea Hoon ដែលសម្លឹងឃើញពីចំណុចខ្សោយ និងទម្លាប់មិនល្អរបស់ក្រុមកីឡាករកម្ពុជា។ សម្រាប់លោក Lee ទម្លាប់មិនល្អរបស់កីឡាករនោះ គឺត្រង់ថារាល់ការប្រកួតកីឡាករតែងតែធ្វេសប្រហែសគ្រាប់បាល់ឲ្យគូប្រកួតខ្លួន ពោលបានន័យថា រាល់ពេលដែលក្រុមកម្ពុជាមានគ្រាប់បាល់នាំមុខគេនោះ កីឡាករទាំងអស់ភាគច្រើន គឺទម្លាក់ទម្រង់លេងដោយមិនសូវយកចិត្តទុករារាំងគូប្រកួតឡើយ។
ថ្លែងក្នុងសន្និសីទកាសែត ក្រោយឈ្នះទីម័រខាងកើត ៣-២ គ្រូបង្វឹកកម្ពុជារូបនេះ បានបង្ហាញអារម្មណ៍មិនសប្បាយចិត្តដូច្នេះថា៖«រាល់ការប្រកួតនីមួយៗ មិនមែនជាការប្រកួតដោយងាយស្រួលឡើយ ប៉ុន្តែរាល់ការប្រកួតយើងពិតជាបង្កើតកំហុសដដែលៗ។ ជាធម្មតាខ្ញុំមិនចង់ចុចឈ្មោះដាក់កំហុសអ្នកណាម្នាក់នោះទេ ប៉ុន្តែលើកនេះក្នុងតង់ទីមួយ កីឡាករ សុខ សុវណ្ណ ,សឿយ វិសាល និងសំអឿន ពិដោ ពិតជាបង្កើតកំហុសធំក្នុងការប្រកួត ដែលទុកឲ្យគូប្រកួតមានឱកាសច្រើន ។ពីព្រោះបន្ទាប់ពីយើងស៊ុតបញ្ចូលទីគេគ្រាប់ទីពីរហើយ កីឡាករមួយចំនួនចាប់ផ្ដើមលេងទម្លាក់ខ្លួន មិនសូវលេងតាមទម្រង់ធម្មតា ។ ខ្ញុំគិតថាកីឡាករតែងតែមានទម្លាប់អាក្រក់នេះ សម្រាប់ក្រុមជម្រើសជាតិខ្ញុំពិបាកកែទម្លាប់អាក្រក់កីឡាករនេះណាស់»។
ត្រង់ចំណុចនេះ លោក Lee យល់ថា ទម្លាប់លេងមិនល្អនេះ គឺមានតែកីឡាករខ្លួនឯងទេ ដែលអាចកែប្រែចំណុចខ្សោយនេះបាន។ ហើយបើពួកគេអាចកែប្រែទម្លាប់លេងនេះបាន នោះពួកគេនឹងអាចពង្រឹងសមត្ថភាព និងតុល្យភាពទាំងការលេងឲ្យក្រុមក្នុងលីគកម្ពុជា និងទាំងក្រុមជម្រើសជាតិផងដែរ។«ខ្ញុំសង្ឃឹមថា កីឡាករទាំងអស់នឹងព្យាយាមកែប្រែទម្លាប់អាក្រក់របស់ខ្លួន»។ នេះជាការទទូចរបស់គ្រូបង្វឹកកម្ពុជា។
ក្រោយយកឈ្នះ៣ប្រកួតនេះ កម្ពុជាដែលរកបាន៩ពិន្ទុ ត្រូវឡើងទៅប៉ះម្ចាស់ផ្ទះមីយ៉ាន់ម៉ា ម៉ាឡេស៊ី និងវៀតណាម នៅក្នុងពូល B នៃវគ្គចាប់ពូល៕
Tag:
Lee Tea Hoon
កម្ពុជា
បាល់ទាត់
© រក្សាសិទ្ធិដោយ thmeythmey.com
