ជាតិ
នយោបាយជាតិ
×![]()
ដោយ: ថ្មីៗ
ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២ ខែធ្នូនេះ បានចេញព្រះរាជក្រឹត្យលើកលែងទោស ឯកឧត្តម កឹម សុខា អនុប្រធានគណបក្សសង្គ្រោះជាតិ។ 
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២ ខែធ្នូនេះ បានចេញព្រះរាជក្រឹត្យលើកលែងទោស ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារ ពីបទបដិសេធក្នុងការចូលខ្លួន។
ព្រះរាជទានទោសនេះ ធ្វើឡើងតាមសំណើរបស់ សម្តេច ហ៊ុន សែន ដែលបានស្នើទៅព្រះមហាក្សត្រ នៅថ្ងៃទី២ ខែធ្នូនេះដដែល។ នាយករដ្ឋមន្ត្រីកម្ពុជា បានសរសេរដូច្នេះថា៖« សូមទ្រង់ព្រះមេត្តាប្រោសព្រះរាជទាននូវព្រះរាជក្រឹត្យ លើកលែងទោសឲ្យទណ្ឌិត កឹម សុខា ដែលត្រូវបានផ្តន្ទាទោសតាមអំណាចសាលដីកាព្រហ្មទណ្ឌស្ថាពរ កាលពីថ្ងៃទី៤ ខែវិច្ឆិកា ឆ្នាំ២០១៦»។
សូមបញ្ជាក់ថា សំណើរបស់សម្តេច ហ៊ុន សែននេះ ធ្វើឡើងមួយថ្ងៃបន្ទាប់ពី ឯកឧត្តម កឹម សុខា បានស្នើសុំ ទៅកាន់សម្តេច នាយករដ្ឋមន្ត្រី ឲ្យស្នើទៅព្រះមហាក្សត្រលើកលែងទោសឲ្យខ្លួន ដើម្បីរួមគ្នាដោះស្រាយបញ្ហាប្រទេសជាតិដែលនៅសេសសល់។ នៅក្នុងលិខិត ចុះថ្ងៃទី១ ខែធ្នូ ឯកឧត្តម កឹម សុខា បានសរសេរថា៖« យើងទាំងអស់គ្នាជាខ្មែរ សុទ្ធតែទទួលរងនូវការឈឺចាប់ និងបាត់បង់នូវអ្វីជាទីស្រឡាញ់របស់យើងជាច្រើនមកហើយ។ ដូចសម្តេច ធ្លាប់បានលើកឡើងថាបញ្ហារបស់ប្រទេសជាតិយើងនៅមានសេសសល់ជាច្រើនហើយ ដែលយើងជាខ្មែរជំនាន់ក្រោយ ត្រូវតែរួបរួមគ្នាដោះស្រាយសម្រាប់កូនចៅយើងជំនាន់ក្រោយ»។
ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលរងបទចោទ «បដិសេធក្នុងការចូលខ្លួន» ត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគាររយៈពេល៥ខែ និងពិន័យជាប្រាក់ចំនួន៨សែនរៀល កាលពីខែកញ្ញា ឆ្នាំ២០១៦ ៕
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២ ខែធ្នូនេះ បានចេញព្រះរាជក្រឹត្យលើកលែងទោស ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារ ពីបទបដិសេធក្នុងការចូលខ្លួន។
ព្រះរាជទានទោសនេះ ធ្វើឡើងតាមសំណើរបស់ សម្តេច ហ៊ុន សែន ដែលបានស្នើទៅព្រះមហាក្សត្រ នៅថ្ងៃទី២ ខែធ្នូនេះដដែល។ នាយករដ្ឋមន្ត្រីកម្ពុជា បានសរសេរដូច្នេះថា៖« សូមទ្រង់ព្រះមេត្តាប្រោសព្រះរាជទាននូវព្រះរាជក្រឹត្យ លើកលែងទោសឲ្យទណ្ឌិត កឹម សុខា ដែលត្រូវបានផ្តន្ទាទោសតាមអំណាចសាលដីកាព្រហ្មទណ្ឌស្ថាពរ កាលពីថ្ងៃទី៤ ខែវិច្ឆិកា ឆ្នាំ២០១៦»។
សូមបញ្ជាក់ថា សំណើរបស់សម្តេច ហ៊ុន សែននេះ ធ្វើឡើងមួយថ្ងៃបន្ទាប់ពី ឯកឧត្តម កឹម សុខា បានស្នើសុំ ទៅកាន់សម្តេច នាយករដ្ឋមន្ត្រី ឲ្យស្នើទៅព្រះមហាក្សត្រលើកលែងទោសឲ្យខ្លួន ដើម្បីរួមគ្នាដោះស្រាយបញ្ហាប្រទេសជាតិដែលនៅសេសសល់។ នៅក្នុងលិខិត ចុះថ្ងៃទី១ ខែធ្នូ ឯកឧត្តម កឹម សុខា បានសរសេរថា៖« យើងទាំងអស់គ្នាជាខ្មែរ សុទ្ធតែទទួលរងនូវការឈឺចាប់ និងបាត់បង់នូវអ្វីជាទីស្រឡាញ់របស់យើងជាច្រើនមកហើយ។ ដូចសម្តេច ធ្លាប់បានលើកឡើងថាបញ្ហារបស់ប្រទេសជាតិយើងនៅមានសេសសល់ជាច្រើនហើយ ដែលយើងជាខ្មែរជំនាន់ក្រោយ ត្រូវតែរួបរួមគ្នាដោះស្រាយសម្រាប់កូនចៅយើងជំនាន់ក្រោយ»។
ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលរងបទចោទ «បដិសេធក្នុងការចូលខ្លួន» ត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគាររយៈពេល៥ខែ និងពិន័យជាប្រាក់ចំនួន៨សែនរៀល កាលពីខែកញ្ញា ឆ្នាំ២០១៦ ៕
Tag:
ហ៊ុន សែន
កឹម សុខា
លើកលែងទោស
© រក្សាសិទ្ធិដោយ thmeythmey.com
