អន្តរជាតិ
ស្ត្រីកាណាដាអាយុ៨០ម្នាក់ ត្រូវឆ្នោតប្រមាណ៣៨លានដុល្លារអាមេរិក
×
ស្ត្រីជនជាតិកាណាដាឈ្មោះ Lois Olsen បានត្រូវឆ្នោតរង្វាន់ធំដែលមានចំនួន៥០លានដុល្លារកាណាដា (ប្រមាណ៣៨លានដុល្លារអាមេរិក) កាលពីខែវិច្ឆិកាកន្លងមក។ ប៉ុន្តែ គាត់ត្អូញត្អែរថា ខ្លួនដូចជាចាស់ពេកហើយក្នុងការសោយសុខលើមហាសំណាងនេះ។
«ហេតុអ្វីបានជាវាមិនកើតឡើងកាលពីជាង២០ ទៅ៣០ឆ្នាំមុន ?»។ លោកយាយ Lois Olsen និយាយទាំងញញឹម ប៉ុន្តែបង្ក្រប់នូវការសោកស្តាយក្នុងបទសម្ភាសជាមួយអ្នកសារព័ត៌មាន បន្ទាប់ពីគាត់បានត្រូវឆ្នោតរង្វាន់ធំ ៥០លានដុល្លារកាណាដា ដែលមានចំនួនប្រមាណ៣៨លានដុល្លារអាមេរិក។
កាលពីខែវិច្ឆិកា កន្លងមក លោកយាយ Olsen បានទិញឆ្នោត តាមម៉ាស៊ីនស្វ័យប្រវត្តិនៅក្នុងហាងទំនិញនៅក្រុង Alberta ប្រទេសកាណាដា។ បន្ទាប់ពីទាញក្រដាសចេញពីម៉ាស៊ីន គាត់គិតថាឈ្នះ១៥ដុល្លារកាណាដា បន្ទាប់មកគិតថាឈ្នះ៥០០ដុល្លារកាណាដា។ ដោយមានការភាន់ច្រលំ គាត់បានហៅនារីម្នាក់ដែលបម្រើការក្នុងហាងឲ្យជួយមើល។
«ទេ! លោកយាយបានឈ្នះរង្វាន់៥០លានដុល្លារកាណាដា»។ នេះជាការបញ្ជាក់របស់អ្នកបម្រើការក្នុងហាងទំនិញ ដែលដកស្រង់ដោយកាសែតកាណាដា CTV News។
ក្នុងវ័យ៨០ឆ្នាំទៅហើយនោះ លោកយាយ Olsen ដែលរស់នៅភូមិ Irma ក្រុង Alberta បានបញ្ជាក់ថា គាត់ចាស់ពេកហើយក្នុងការសោយសុខលើមហាសំណាងនេះ។ គាត់សម្រេចយកលុយរង្វាន់នេះ បែងចែកដល់កូនចៅទាំងអស់ ដោយគាត់មានកូន៣នាក់ ចៅ៩នាក់ និងចៅទួត៨នាក់។
ជាមួយគ្នានេះផងដែរ លោកយាយ Olsen ចង់ដូររថយន្តចាស់ដែលគាត់ប្រើប្រាស់១១ឆ្នាំកន្លងមកផងដែរ។ ទាក់ទងនឹងការធ្វើដំណើរទេសចរណ៍ លោកយាយមហាសំណាងម្នាក់នេះ បានបង្ហើបប្រាប់អ្នកសារព័ត៌មានថា គាត់ចង់ទៅអៀរឡង់ ជាពិសេស...៕
© រក្សាសិទ្ធិដោយ thmeythmey.com