អន្តរជាតិ
អាហ្វ្រិកខាងលិចលើកទ័ពទៅព្រំដែនហ្កំប៊ី ត្រៀមទម្លាក់ជនផ្ដាច់ការ Jammeh
×![]()
ដោយ: តន ចាន់រិទ្ធារ៉ា
ស្ថានការណ៍នយោបាយនៅរដ្ឋអាហ្វ្រិកហ្កំប៊ី បានធ្លាក់ចូលស្ថានភាពកាន់តែធ្ងន់ធ្ងរ ក្រោយសភាហ្កំប៊ី សម្រេចឲ្យប្រធានាធិបតីចាញ់ឆ្នោត យះយ៉ា ចាមេហ៍ (Yahya Jammeh) បន្តក្នុងស្ថិតក្នុងតំណែងរយៈពេលបីខែទៀត។ លោក ចាមេហ៍ ដែលកាន់អំណាចតាំងពីឆ្នាំ១៩៩៤ បានបដិសេធចុះចេញពីអំណាច ដែលធ្វើឲ្យរដ្ឋអាហ្វ្រិកខាងលិច គំរាមប្រើទ័ពបង្ខំឲ្យលោកលាលែង និងប្រគល់អំណាចឲ្យប្រធានាធិបតីជាប់ឆ្នោត Adama Barrow ។
ប្រជាជនហ្កំប៊ីជាច្រើនពាន់នាក់ បានភៀសខ្លួនទៅកាន់សេណេហ្កាល់ជារដ្ឋក្បែរខាង ខណៈដែលសភាពការណ៍នយោបាយក្នុងប្រទេសកាន់តែវឹកវរ ដោយសារការដាក់ប្រទេសក្នុងស្ថានភាពអាសន្ន។ បន្ទាប់ពីនេះ សភាហ្កំប៊ី ក៏បានសម្រេចឲ្យលោក ចាមេហ៍ បន្តកាន់អំណាចបីខែ បើទោះជាអាណត្តិរបស់លោកត្រូវបានបញ្ចប់ក៏ដោយចុះ ដែលទាក់ទាញការរិះគន់យ៉ាងខ្លាំងពីសំណាក់សហគមន៍អន្តរជាតិ។
ភ្លាមៗបន្ទាប់ពីលោក ចាមេហ៍ ដាក់រដ្ឋក្នុងភាពអាសន្ន សេណេហ្កាល់ដែលជាអ្នកជិតខាងតែមួយគត់របស់ហ្កំប៊ី ក៏បានចល័តទ័ពទៅកាន់ព្រំដែនជាមួយរដ្ឋអាហ្វ្រិកខាងលិចមួយនេះដែរ។ បើតាមសារព័ត៌មាន Al Jazeera សាក្សីជាច្រើនរាយការណ៍ថា កងទ័ពសេណេហ្កាល់ ត្រូវបានបញ្ជូនទៅកាន់ព្រំដែនខាងជើង និងខាងត្បូងរវាងរដ្ឋទាំងពីរ។ អ្នកនាំពាក្យកងទ័ព បាននិយាយថា កងទ័ពសេណេហ្កាល់ ត្រូវបានបញ្ជូនទៅកាន់ព្រំដែនហ្កំប៊ីនៅរាត្រីថ្ងៃទី១៨ ខែមករា មុនឱសានវាទដែលលោកចាមេហ៍ ត្រូវលាលែង។
អ្នកនាំពាក្យកងទ័ពសេណេហ្កាល់បន្តថា ទ័ពសេណេហ្កាល់ នឹងចូលអន្តរាគមន៍ ពេលឱសានវាទកន្លងផុត ហើយនៅតែគ្មានដំណោះស្រាយអ្វីនោះ។ ប្រភពព័ត៌មានដដែលផ្សាយដែរថា នីហ្សេរីយ៉ា ក៏បានបញ្ជូនទ័ពរបស់ខ្លួនទៅកាន់ហ្កំប៊ីដែរ ខណៈនាវាចម្បាំងនីហ្សេរីយ៉ា ក៏បានចាកចេញពីហ្គាណាតម្រង់ទៅកាន់ហ្កំប៊ីដែរ។ លើសពីនោះ ហ្គាណាផ្ទាល់ ក៏នឹងបញ្ជូនទ័ពរបស់ខ្លួនចូលរួមជាមួយបណ្ដាកងទ័ពអាហ្វ្រិកខាងលិចដទៃទៀតទៅជួយអន្តរាគមន៍ដែរ។
សូមបញ្ជាក់ថា ក្នុងកិច្ចប្រជុំកំពូលអាហ្វ្រិក-បារាំង បានរៀបចំឡើងនៅក្នុងទីក្រុង Bamako នៃប្រទេសម៉ាលីនៅសប្តាហ៍មុន បណ្តាមេដឹកនាំអាហ្វ្រិក និងបារាំងបានដង្ហោយជាថ្មីទៅកាន់លោកចាមេហ៍ ឲ្យចុះចេញពីតំណែងនៅថ្ងៃ ១៩ មករាខាងមុខ។ បណ្តាប្រទេសនៃសហគមន៍សេដ្ឋកិច្ចអាហ្រិ្វកខាងលិច(ECOWAS) បានបញ្ចុះបញ្ចូលឲ្យក្រុមប្រឹក្សាសន្តិសុខអង្គការសហប្រជាជាតិសម្រេចអនុម័តឲ្យមានការប្រើប្រាស់កម្លាំងទ័ពដើម្បីបណ្តេញមេដឹកនាំផ្តាច់ការនេះចេញពីតំណែងទៀតផង។
ដោយឡែក បច្ចុប្បន្ននេះ ប្រធានាធិបតីទើបជាប់ឆ្នោតលោក Adama Barrow បានបន្តស្នាក់នៅប្រទេសសេណេហ្កាល់បណ្ណោះអាសន្នសិនរហូតដល់ថ្ងៃស្បថចូលកាន់តំណែង។ ការស្នាក់នៅបរទេសនេះគឺធ្វើឡើងតាមការស្នើសុំពីបណ្តាមេដឹកនាំប្រទេសអាហ្វ្រិកខាងលិច ហើយវាជាការរក្សាសុវត្ថិភាពមួយសម្រាប់ប្រធានាធិបតីហ្កំប៊ីថ្មី។ លទ្ធភាពនៃការអន្តរាគមន៍យោធានៅហ្កំប៊ីកើនឡើងកាន់តែខ្លាំងស្របពេលប្រទេសអាហ្វ្រិកខាងលិច ក៏ត្រៀមលក្ខណៈចូលអន្តរាគមន៍រួចហើយដែរនោះ៕
ប្រជាជនហ្កំប៊ីជាច្រើនពាន់នាក់ បានភៀសខ្លួនទៅកាន់សេណេហ្កាល់ជារដ្ឋក្បែរខាង ខណៈដែលសភាពការណ៍នយោបាយក្នុងប្រទេសកាន់តែវឹកវរ ដោយសារការដាក់ប្រទេសក្នុងស្ថានភាពអាសន្ន។ បន្ទាប់ពីនេះ សភាហ្កំប៊ី ក៏បានសម្រេចឲ្យលោក ចាមេហ៍ បន្តកាន់អំណាចបីខែ បើទោះជាអាណត្តិរបស់លោកត្រូវបានបញ្ចប់ក៏ដោយចុះ ដែលទាក់ទាញការរិះគន់យ៉ាងខ្លាំងពីសំណាក់សហគមន៍អន្តរជាតិ។
ភ្លាមៗបន្ទាប់ពីលោក ចាមេហ៍ ដាក់រដ្ឋក្នុងភាពអាសន្ន សេណេហ្កាល់ដែលជាអ្នកជិតខាងតែមួយគត់របស់ហ្កំប៊ី ក៏បានចល័តទ័ពទៅកាន់ព្រំដែនជាមួយរដ្ឋអាហ្វ្រិកខាងលិចមួយនេះដែរ។ បើតាមសារព័ត៌មាន Al Jazeera សាក្សីជាច្រើនរាយការណ៍ថា កងទ័ពសេណេហ្កាល់ ត្រូវបានបញ្ជូនទៅកាន់ព្រំដែនខាងជើង និងខាងត្បូងរវាងរដ្ឋទាំងពីរ។ អ្នកនាំពាក្យកងទ័ព បាននិយាយថា កងទ័ពសេណេហ្កាល់ ត្រូវបានបញ្ជូនទៅកាន់ព្រំដែនហ្កំប៊ីនៅរាត្រីថ្ងៃទី១៨ ខែមករា មុនឱសានវាទដែលលោកចាមេហ៍ ត្រូវលាលែង។
អ្នកនាំពាក្យកងទ័ពសេណេហ្កាល់បន្តថា ទ័ពសេណេហ្កាល់ នឹងចូលអន្តរាគមន៍ ពេលឱសានវាទកន្លងផុត ហើយនៅតែគ្មានដំណោះស្រាយអ្វីនោះ។ ប្រភពព័ត៌មានដដែលផ្សាយដែរថា នីហ្សេរីយ៉ា ក៏បានបញ្ជូនទ័ពរបស់ខ្លួនទៅកាន់ហ្កំប៊ីដែរ ខណៈនាវាចម្បាំងនីហ្សេរីយ៉ា ក៏បានចាកចេញពីហ្គាណាតម្រង់ទៅកាន់ហ្កំប៊ីដែរ។ លើសពីនោះ ហ្គាណាផ្ទាល់ ក៏នឹងបញ្ជូនទ័ពរបស់ខ្លួនចូលរួមជាមួយបណ្ដាកងទ័ពអាហ្វ្រិកខាងលិចដទៃទៀតទៅជួយអន្តរាគមន៍ដែរ។
សូមបញ្ជាក់ថា ក្នុងកិច្ចប្រជុំកំពូលអាហ្វ្រិក-បារាំង បានរៀបចំឡើងនៅក្នុងទីក្រុង Bamako នៃប្រទេសម៉ាលីនៅសប្តាហ៍មុន បណ្តាមេដឹកនាំអាហ្វ្រិក និងបារាំងបានដង្ហោយជាថ្មីទៅកាន់លោកចាមេហ៍ ឲ្យចុះចេញពីតំណែងនៅថ្ងៃ ១៩ មករាខាងមុខ។ បណ្តាប្រទេសនៃសហគមន៍សេដ្ឋកិច្ចអាហ្រិ្វកខាងលិច(ECOWAS) បានបញ្ចុះបញ្ចូលឲ្យក្រុមប្រឹក្សាសន្តិសុខអង្គការសហប្រជាជាតិសម្រេចអនុម័តឲ្យមានការប្រើប្រាស់កម្លាំងទ័ពដើម្បីបណ្តេញមេដឹកនាំផ្តាច់ការនេះចេញពីតំណែងទៀតផង។
ដោយឡែក បច្ចុប្បន្ននេះ ប្រធានាធិបតីទើបជាប់ឆ្នោតលោក Adama Barrow បានបន្តស្នាក់នៅប្រទេសសេណេហ្កាល់បណ្ណោះអាសន្នសិនរហូតដល់ថ្ងៃស្បថចូលកាន់តំណែង។ ការស្នាក់នៅបរទេសនេះគឺធ្វើឡើងតាមការស្នើសុំពីបណ្តាមេដឹកនាំប្រទេសអាហ្វ្រិកខាងលិច ហើយវាជាការរក្សាសុវត្ថិភាពមួយសម្រាប់ប្រធានាធិបតីហ្កំប៊ីថ្មី។ លទ្ធភាពនៃការអន្តរាគមន៍យោធានៅហ្កំប៊ីកើនឡើងកាន់តែខ្លាំងស្របពេលប្រទេសអាហ្វ្រិកខាងលិច ក៏ត្រៀមលក្ខណៈចូលអន្តរាគមន៍រួចហើយដែរនោះ៕
Tag:
សេណេហ្កាល់
ហ្កំប៊ី
Yahya Jammeh
ECOWAS
© រក្សាសិទ្ធិដោយ thmeythmey.com
