ចំនួនទឹកប្រាក់នេះ បានមកពីកម្មវិធីរៃអង្គាសរបស់ធនាគារ PPCBank ដែលបានដំណើរការពីថ្ងៃទី៣ ដល់ ថ្ងៃទី២៦ ខែឧសភា​ ឆ្នាំ២០២៣ ដោយធនាគារបានបរិច្ចាគទឹកប្រាក់បន្ថែម ១០០% លើទឹកប្រាក់ដែលទទួលបានពីសប្បុរសជន និងការចូលរួមបរិច្ចាគមួយចំណែកទៀត ពីហាង Socials Coffee។

លោក ញ៉ក់ គឹមស្រូយ នាយកប្រតិបត្តិរងជាន់ខ្ពស់នៃធនាគារ PPCBank បានឲ្យដឹងថា៖ “យើងពិតជា មានក្តីសោមនស្សរីករាយខ្លាំងណាស់ដែលបានផ្តល់ស្នាមញញឹម និងភាពកក់ក្តៅដល់ក្មួយៗទាំងអស់ នាឱកាសអបអរទិវាកុមារអន្តរជាតិ។”

 

 

លោក ផន ផល្លា ប្រធានមណ្ឌលមែកឈើ​ បានថ្លែងអំណរគុណដល់ធនាគារ PPCBank សម្រាប់ការនាំ យកជំនួយសប្បុរសធម៌ជាថវិកា និងអំណោយសម្ភារសិក្សាចាំបាច់ផ្សេងៗមកចែកជូនក្មេងកំព្រា ដែល កំពុងទទួលការចិញ្ចឹម និងបណ្តុះបណ្តាលនៅក្នុងមណ្ឌលនេះ។
  

 

សូមបញ្ជាក់ថា នេះមិនមែនជាលើកទីមួយទេ ដែលធនាគារ PPCBank រៀបចំកម្មវិធីរៃអង្គាសជួយប្រជា ពលរដ្ឋដែលជួបប្រទះការលំបាក។ កន្លងមកធនាគារបានបង្កើតយុទ្ធនាការរៃអង្គាសពីសប្បុរសជន ដើម្បី ជួយបោសសម្អាតមីន និងគ្រាប់យុទ្ធភ័ណ្ឌមិនទាន់ផ្ទុះជូនប្រជាពលរដ្ឋក្នុងខេត្តសៀមរាប និងកម្មវិធី បរិច្ចាគជួយប្រជាពលរដ្ឋរងគ្រោះដោយទឹកជំនន់ក្នុងខេត្តកំពង់ធំ៕