​ទី ១ ការដែល​គេ​មកសុំ​សន្លឹកឆ្នោត​ពី​យើង គេ​លុតជង្គង់​ដល់​ធរណី ព្រោះតែ​គេ​ចង់ស៊ី​ថ្លើម​យើង ហើយ​ដល់​គេ​បាន​សន្លឹកឆ្នោត​ហើយ​គេ​ដាក់​ធរណី​ចោល​លែង​មក​ក្បែរ​យើង​ទៀត តើ​យើង​ត្រូវធ្វើ​ដូចម្តេច ដើម្បី​ឲ្យ​បាន​ដូច​បំណង​?
 

​ទី ២ ការជ្រើសរើស​តំណាង​យើង​ពិបាក​ជាង​ការ​រើស​កូនប្រសា​បី​ភាគ មិន​ដូច​អ្នក​ល្ងង់​ពោលថា បោះ​ឲ្យ​អ្នកណា​ដូច​នរណា​នោះទេ ព្រោះថា អាយុជីវិត​នៃ​ប្រទេសជាតិ ត្រូវ​ផ្ញើ​ទៅលើ​អ្នកតំណាង​របស់​យើង​ផង​មួយផ្នែកធំ មិនគួរ​យើង​យក​សំបក​គ្រំ​មក​ទះ​លេង​នោះទេ​។​
 

​ទី ៣ មនុស្ស​មិនត្រូវ​អួតថា គ្មាន​នរណា​បោក​ខ្លួន​បាន​មួយជីវិត​ទេ តែ​ត្រូវ​គិត​កុំ​ឲ្យ​គេ​បោក​ច្រើនដង​ពេក​។​
 

​ទី ៤ ការដែល​គេ​ឲ្យ​យើង​ស៊ី មក​តែ​គេ​ចង់ស៊ី​ពី​យើង​។ 

 

​ដកស្រង់​ពី​សៀវភៅ ទស្សនៈ​សម្តេចព្រះសង្ឃរាជ​ជួន​ណាត ដែល​រៀបរៀង​ដោយ​លោក គង់ សម្ភារ នៅ​ឆ្នាំ ១៩៧០​។​

 

 

 

​