ពីនេះ ពីនោះ
ខុងជឺ៖ ទស្សនៈសំខាន់ស្ដីអំពី អំពើរបស់មនុស្ស
× ភ្នំពេញ៖ មនុស្សតែងតែធ្វើអំពើជាប្រចាំថ្ងៃ អំពើខ្លះធ្វើឡើងក្នុងគោលដៅទទួលបានផល អំពើខ្លះមិនប្រាថ្នាអ្វីនោះទេ។ តាមរយៈអំពើទាំងនោះទស្សនវិទូចិន លោក ខុង ជឺ បានលើកឡើងជាទស្សនៈអប់រំ ឆ្លើយតបទៅនឹងអំពើរបស់មនុស្សឲ្យបានយល់ដឹង និងយកទៅប្រតិបត្តិក្នុងជីវិតជាក់ស្ដែង។ ទស្សនៈសំខាន់ៗទាំងនោះរួមមាន៖
១/. ធ្វើគុណទៅហើយ បើគេតបមកវិញចាត់ទុកដូចជាពុំបានធ្វើគុណ
២/.ធ្វើគុណទៅហើយ បើបានផលអាក្រក់មកវិញ ត្រូវទទួលការពិសោធន៍ដោយដៃពីរ
៣/.អំពើណាដែលអ្នកមិនចង់ឲ្យគេធ្វើមកលើរូបអ្នក ចូលអ្នកកុំធ្វើអំពើនោះទៅលើអ្នកដទៃ
៤/. អំពើណាដែលអ្នកស្រឡាញ់ចង់បាន និងចង់ឲ្យអ្នកដទៃធ្វើមកលើរូបអ្នក ចូរអ្នកធ្វើអំពើនោះទៅអ្នកដទៃជាមុនសិន
៥/.អំពើណាដែលធ្វើទៅហើយបានទទួលផលដល់ខ្លួនឯងហើយ បានទុកដល់អ្នកដទៃ សូមជៀសវាងកុំធ្វើអំពើនោះជាដាច់ខាត
៦/. បើជួយអ្នកដទៃហើយ បែរជាត្រឡប់មកទទួលទុក្ខទោសទៅវិញ ចូលរត់គេចឲ្យផុតពីទុក្ខទោសនោះឲ្យបានមុនទុក្ខទោសនោះមកដល់។
៧/. បើធ្វើគុណប្រយោជន៍ហើយ សូមកុំរំលឹកគុណទាំងនោះនៅចំពោះមុខគេឲ្យសោះបើមិនយ៉ាងដូច្នេះទេ គុណប៉ុនភ្នំ នឹងត្រូវរលាយ
៨/. ត្រូវទុកឲ្យអ្នកដទៃនិយាយពីគុណប្រយោជន៍របស់អ្នកវិញទើបប្រសើរជាង
៩/. អ្វីដែលអ្នកមិនសប្បាយចិត្តចំពោះអ្នកធំធ្វើមកលើរូបអ្នក ចូលអ្នកកុំយកវាទៅអនុវត្តន៍លើមនុស្សក្រោមបង្គាប់អ្នក។
ដកស្រង់ពី៖ ប្រវត្តិទស្សនវិជ្ជានយោបាយ, រៀបរៀងដោយលោកគ្រូ ជេត ហុល
© រក្សាសិទ្ធិដោយ thmeythmey.com