ជាតិ
ពីនេះ ពីនោះ
ធម្មជាតិបង្កើតមនុស្សឲ្យមានភ្នែក២ ត្រចៀក២ មាត់១ ព្រោះចង់ឲ្យមនុស្ស.....!
×![]()
ដោយ: ថ្មីៗ
ធម្មជាតិបង្កើតមនុស្សមកឲ្យមានភ្នែកពីរ ត្រចៀកពីរ មាត់មួយ គឺបញ្ជាក់ថា ធម្មជាតិបានកំណត់ព្រំដែនរបស់មនុស្សតាមរយៈឥន្ទ្រិយបីនេះ ក្នុងចំណោមឥន្ទ្រិយទាំង៥ រួមមាន៖ ចក្ខុន្ទ្រិយ (ភ្នែក), សោតិន្ទ្រិយ (ត្រចៀក), ឃានិន្ទ្រិយ (ច្រមុះ), ជីវ្ហាន្ទ្រិយ (អណ្ដាត) និងកាយិន្ទ្រិយ (រូបកាយ)។
អ្វីដែលសំខាន់នោះនៅត្រង់ថា ធម្មជាតិបានកំណត់ឲ្យមនុស្សមានត្រចៀកពីរ គឺចង់ឲ្យមនុស្សប្រើត្រចៀក ដើម្បីស្តាប់ឲ្យបានច្រើន កុំស្តាប់អ្វីស្តាប់តែមួយជ្រុង ដែលអាចនាំឲ្យយើងវិនិច្ឆ័យ ឬធ្វើសេចក្តីសន្និដ្ឋានណាមួយខុសជាយថាហេតុ និងដើម្បីកុំឲ្យយើងក្លាយជា«មនុស្សត្រចៀកស»ដូចពាក្យចាស់បុរណានិយាយតៗគ្នា។
មួយវិញទៀត ធម្មជាតិបានកំណត់ឲ្យមនុស្សមានភ្នែកពីរ គឺចង់ឲ្យមនុស្សចេះប្រើចក្ខុរបស់ខ្លួន ដើម្បីមើលឲ្យបានច្រើន និងពិនិត្យឲ្យបានច្បាស់ កុំទាន់ទាញទឡ្ហីករណ៍ណាមួយទាំងមិនច្បាស់លាស់ ទាំងស្រពិចស្រពិលឲ្យសោះ។ ចំណុចត្រង់នេះ គឺដើម្បីធ្វើឲ្យយើងជៀសផុតពីពាក្យចាស់បុរាណតែងតែលើកឡើងថា«មានភ្នែក តែឥតប្រស្រី»។
មូលហេតុដែលមនុស្សកើតមកមានមាត់តែមួយ ព្រោះធម្មជាតិបានកំណត់យ៉ាងដូច្នេះ គឺចង់ឲ្យមនុស្សនិយាយឲ្យតិច កុំនិយាយពាក្យរោយឥតប្រយោជន៍ និងពាក្យជេរ ប្រមាថ ព្រោះគ្មានអ្វីជាប្រយោជន៍ចំពោះខ្លួនឯង គ្រួសារ និងសង្គមឡើយ។ ត្រង់ប្រការនេះ អ្នកត្រូវតែគិតដល់ពាក្យចាស់មួយឃ្លាថា«អណ្តាតជាអាទិ៍កន្លង បានសុខទុក្ខផង ក៏ព្រោះអណ្តាត»។ ដូច្នេះមនុស្សត្រូវចេះប្រើមាត់របស់ខ្លួន ទៅពោលតែពាក្យណាដែលមានតម្លៃដល់សង្គម គឺគ្រប់គ្រាន់ហើយ។
សរុបមក ធម្មជាតិបានកំណត់ឲ្យមនុស្សមានត្រចៀកពីរ ភ្នែកពីរ និងមាត់មួយ គឺចង់ឲ្យមនុស្ស ស្ដាប់ឲ្យបានច្រើន មើលឲ្យបានច្រើន តែនិយាយឲ្យតិច។ បាតុភូតនេះ ធម្មជាតិចង់ឲ្យអ្នកក្លាយជាមនុស្សដែលគួរឲ្យគោរពបំផុត៕
អ្វីដែលសំខាន់នោះនៅត្រង់ថា ធម្មជាតិបានកំណត់ឲ្យមនុស្សមានត្រចៀកពីរ គឺចង់ឲ្យមនុស្សប្រើត្រចៀក ដើម្បីស្តាប់ឲ្យបានច្រើន កុំស្តាប់អ្វីស្តាប់តែមួយជ្រុង ដែលអាចនាំឲ្យយើងវិនិច្ឆ័យ ឬធ្វើសេចក្តីសន្និដ្ឋានណាមួយខុសជាយថាហេតុ និងដើម្បីកុំឲ្យយើងក្លាយជា«មនុស្សត្រចៀកស»ដូចពាក្យចាស់បុរណានិយាយតៗគ្នា។
មួយវិញទៀត ធម្មជាតិបានកំណត់ឲ្យមនុស្សមានភ្នែកពីរ គឺចង់ឲ្យមនុស្សចេះប្រើចក្ខុរបស់ខ្លួន ដើម្បីមើលឲ្យបានច្រើន និងពិនិត្យឲ្យបានច្បាស់ កុំទាន់ទាញទឡ្ហីករណ៍ណាមួយទាំងមិនច្បាស់លាស់ ទាំងស្រពិចស្រពិលឲ្យសោះ។ ចំណុចត្រង់នេះ គឺដើម្បីធ្វើឲ្យយើងជៀសផុតពីពាក្យចាស់បុរាណតែងតែលើកឡើងថា«មានភ្នែក តែឥតប្រស្រី»។
មូលហេតុដែលមនុស្សកើតមកមានមាត់តែមួយ ព្រោះធម្មជាតិបានកំណត់យ៉ាងដូច្នេះ គឺចង់ឲ្យមនុស្សនិយាយឲ្យតិច កុំនិយាយពាក្យរោយឥតប្រយោជន៍ និងពាក្យជេរ ប្រមាថ ព្រោះគ្មានអ្វីជាប្រយោជន៍ចំពោះខ្លួនឯង គ្រួសារ និងសង្គមឡើយ។ ត្រង់ប្រការនេះ អ្នកត្រូវតែគិតដល់ពាក្យចាស់មួយឃ្លាថា«អណ្តាតជាអាទិ៍កន្លង បានសុខទុក្ខផង ក៏ព្រោះអណ្តាត»។ ដូច្នេះមនុស្សត្រូវចេះប្រើមាត់របស់ខ្លួន ទៅពោលតែពាក្យណាដែលមានតម្លៃដល់សង្គម គឺគ្រប់គ្រាន់ហើយ។
សរុបមក ធម្មជាតិបានកំណត់ឲ្យមនុស្សមានត្រចៀកពីរ ភ្នែកពីរ និងមាត់មួយ គឺចង់ឲ្យមនុស្ស ស្ដាប់ឲ្យបានច្រើន មើលឲ្យបានច្រើន តែនិយាយឲ្យតិច។ បាតុភូតនេះ ធម្មជាតិចង់ឲ្យអ្នកក្លាយជាមនុស្សដែលគួរឲ្យគោរពបំផុត៕
© រក្សាសិទ្ធិដោយ thmeythmey.com
