សម្ដេច ហ៊ុន សែន សង្ឃឹមថា ពលរដ្ឋឈប់ថ្កោលទោសសម្ដេច ដែលនិយាយភាសាវៀតណាម

ជាតិ

សម្ដេច ហ៊ុន សែន សង្ឃឹមថា ពលរដ្ឋឈប់ថ្កោលទោសសម្ដេច ដែលនិយាយភាសាវៀតណាម

24, Apr 2017 , 10:26 am

រូបភាព

ដោយ: ថ្មីៗ

ភ្នំពេញ៖ ថ្លែងក្នុងពិធីសម្ពោធដាក់ឲ្យប្រើប្រាស់ផ្លូវការនៃស្ពានមិត្តភាពកម្ពុជា-វៀតណាម (ជ្រៃធំ-ឡុងប៊ិញ) នៅព្រឹកថ្ងៃទី២៤ មេសានេះ សម្ដេច ហ៊ុន សែន បានលើកឡើងថា រាល់ពេលដែលសម្ដេចនិយាយភាសាវៀតណាម ហេតុអ្វីតែងតែមានអ្នករិះគន់ថា សម្ដេចជាអាយ៉ងវៀតណាម ខណៈដែលនយោបាយមួយចំនួននិយាយភាសាបារាំង និងអង់គ្លេស តែបែរជាមិនមានអ្នករិះគន់ទៅវិញ។

ក្រោយពីដាក់ចម្ងល់បែបនេះ នាយករដ្ឋមន្ត្រី ហ៊ុន សែន ក៏បានយកភាសាវៀតណាមមកថ្លែងនៅចំពោះមុខនាយករដ្ឋមន្ត្រីវៀតណាម រួមទាំងគណប្រតិភូកម្ពុជា-វៀតណាមផងដែរ។ បន្ទាប់ពីនិយាយភាសាវៀតណាមអស់ជាច្រើនឃ្លារួចមក ប្រមុខរដ្ឋាភិបាលកម្ពុជា បានលើកឡើងដូច្នេះថា៖«សង្ឃឹមថា មនុស្សមួយចំនួននឹងមិនថ្កោលខ្ញុំថា ខ្ញុំនិយាយភាសាវៀតណាម ប៉ុន្តែដោយសារតែវាមិននៅក្នុងសន្ទរកថា ខ្ញុំត្រូវនិយាយពាក់ព័ន្ធជាភាសាវៀតណាមឲ្យច្បាស់ទៅលើបញ្ហានេះ អំពីអ្វីដែលខ្ញុំសម្រេចបាន»។

សូមស្ដាប់សំឡេង៖