អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីចិន ស៊ី ជីនភីង បានស្នើឲ្យគ្រប់ភាគីពាក់ព័ន្ធទាំងអស់ រក្សាការអត់ធ្មត់ឲ្យបានខ្លាំងដើម្បីបន្ថយកម្ដៅភាពតានតឹងនៅឧបទ្វីបកូរ៉េ។ លោក ស៊ី ជីនភីង ស្នើដូចនេះ ក្នុងកិច្ចសន្ទនាតាមទូរសព្ទជាមួយប្រធានាធិបតីអាមេរិក ដូណាល់ ត្រាំ នៅថ្ងៃទី២៤ ខែមេសានេះ ខណៈស្ថានការណ៍ឧបទ្វីបកូរ៉េឡើងកម្ដៅខ្លាំង។ ប្រធានាធិបតីចិន ក៏ទទូចឲ្យភាគីពាក់ព័ន្ធទាំងឡាយ មិនត្រូវធ្វើសកម្មភាពបង្កហេតុដែលនាំឲ្យមានការប្រឈមមុខគ្នាកាន់តែខ្លាំងឡើយ។
ខណៈដែលនាវាដឹកយន្តហោះ USS Carl Vinson កាន់តែខិតជិតឧបទ្វីបកូរ៉េ ប្រធានាធិបតីចិន ស៊ី ជីនភីង ក៏ចេញមុខអំពាវនាវឲ្យភាគីពាក់ព័ន្ធបញ្ហាសាំញាំនេះ ទប់ចិត្តទប់អារម្មណ៍ និងមិនត្រូវបង្កបញ្ហាបន្ថែមទៀតឡើយ។ ចិន ក៏សង្ឃឹមថា គ្រប់ភាគីទាំងអស់ ក៏នឹងមិនធ្វើសកម្មភាពអ្វីឲ្យភាគីណាមួយមានលេសបង្កបញ្ហាទៀតដែរ ព្រោះវាប្រៀបដូចជាមការចាក់សាំងបន្ថែមលើភ្លើងដែលកំពុងឆេះខ្លាំងនោះ។
ទូរទស្សន៍រដ្ឋចិន CGTN ផ្សាយថា ការស្នើរបស់ចិន ធ្វើឡើងក្នុងការនិយាយតាមទូរសព្ទរវាងលោក ស៊ី ជីនភីង និងលោក ដូណាល់ ត្រាំ នៅព្រឹកថ្ងៃទី២៤ ខែមេសា ដែលជាការនិយាយតាមទូរសព្ទលើកទី២ ក្នុងខែនេះ។ អំឡុងពេលសន្ទនា ប្រធានាធិបតីចិន ក៏សង្កត់ធ្ងន់ពីជំហររបស់ចិន ដែលប្រឆាំងរាល់ទង្វើទាំងឡាយផ្ទុយពីការសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ លោកបន្តថា បញ្ហាឧបទ្វីបកូរ៉េ អាចដោះស្រាយបាន ក្នុងករណីទាំងអស់អង្គុយចរចាជាមួយគ្នាប៉ុណ្ណោះ។
កិច្ចសន្ទនាតាមទូរសព្ទរវាងមេដឹកនាំមហាអំណាចទាំង២ កើតឡើងចំពេលដែលមានការព្រួយបារម្ភលើកម្មវិធីមីស៊ីល និងនុយក្លេអ៊ែររបស់កូរ៉េខាងជើង។ សហគមន៍អន្តរជាតិ កាន់តែបារម្ភខ្លាំងជុំវិញលទ្ធភាពដែលកូរ៉េខាងជើងអាចសាកល្បងនុយក្លេអ៊ែរលើកទី៦ ក្នុងពេលឆាប់ៗនេះ។ អាមេរិក ជំទាស់ដាច់ខាតហើយនឹងការសាកល្បងនេះ និងបានគំរាមវាយប្រហារលើកូរ៉េខាងជើងទៀត ហើយការបញ្ជូននាវាដឹកយន្តហោះមកក្បែរឧបទ្វីបកូរ៉េផងដែរ។
កូរ៉េខាងជើង ចាត់ទុកការបញ្ជូននាវាដឹកយន្តហោះលើកនេះ គឺជាគំរាមកំហែងមកលើអធិបតេយ្យរបស់ខ្លួន និងបានប្រកាសវាយបកវិញដែរ។ ចំពោះចិន ទាំងវត្តមាននាវាយន្តហោះដឹកយន្តហោះ ទាំងការគំរាមរបស់កូរ៉េខាងជើង សុទ្ធតែជាទង្វើបង្កហេតុទាំងអស់ ហើយអាចទាញតំបន់ទាំងមូលធ្លាក់ចូលរណ្ដៅគ្រោះថ្នាក់ទៅទៀត។ ចិន ក៏ជំទាស់ខ្លាំងនឹងការប្រើកម្លាំងយោធាប្រឆាំងកូរ៉េខាងជើងដែរ ហើយជានិច្ចកាល ចិនទាមទារឲ្យភាគីពាក់ព័ន្ធចូលតុចរចាវិញ។
យ៉ាងណាក្ដី ជំហររបស់ចិន មិនត្រូវបានយកចិត្តឡើយ សូម្បីតែកូរ៉េខាងជើង ដែលជាសម្ព័ន្ធមិត្តយូរលង់មកនោះ ក៏មិនសូវខ្វល់នឹងសម្ដីចិន តែបានពង្រឹងកងទ័ពរបស់ខ្លួនត្រៀមប្រយុទ្ធគ្រប់ពេល។ ក្រុងព្យុងយ៉ាង ប្រកាសហើយថា ខ្លួនគ្មានបំណងចរចាឡើយ បើអាមេរិកនៅតែបន្តធ្វើទង្វើបង្ករឿងដាក់ខ្លួនទៀត។ ទង្វើបង្ករឿងដែលកូរ៉េខាងជើងលើកឡើង គឺការធ្វើសមយុទ្ធរួមគ្នារបស់អាមេរិក និងកូរ៉េខាងត្បូង ក៏ដូចជាបញ្ជូននាវាដឹកយន្តហោះនាពេលថ្មីៗនេះ៕
ខណៈដែលនាវាដឹកយន្តហោះ USS Carl Vinson កាន់តែខិតជិតឧបទ្វីបកូរ៉េ ប្រធានាធិបតីចិន ស៊ី ជីនភីង ក៏ចេញមុខអំពាវនាវឲ្យភាគីពាក់ព័ន្ធបញ្ហាសាំញាំនេះ ទប់ចិត្តទប់អារម្មណ៍ និងមិនត្រូវបង្កបញ្ហាបន្ថែមទៀតឡើយ។ ចិន ក៏សង្ឃឹមថា គ្រប់ភាគីទាំងអស់ ក៏នឹងមិនធ្វើសកម្មភាពអ្វីឲ្យភាគីណាមួយមានលេសបង្កបញ្ហាទៀតដែរ ព្រោះវាប្រៀបដូចជាមការចាក់សាំងបន្ថែមលើភ្លើងដែលកំពុងឆេះខ្លាំងនោះ។
ទូរទស្សន៍រដ្ឋចិន CGTN ផ្សាយថា ការស្នើរបស់ចិន ធ្វើឡើងក្នុងការនិយាយតាមទូរសព្ទរវាងលោក ស៊ី ជីនភីង និងលោក ដូណាល់ ត្រាំ នៅព្រឹកថ្ងៃទី២៤ ខែមេសា ដែលជាការនិយាយតាមទូរសព្ទលើកទី២ ក្នុងខែនេះ។ អំឡុងពេលសន្ទនា ប្រធានាធិបតីចិន ក៏សង្កត់ធ្ងន់ពីជំហររបស់ចិន ដែលប្រឆាំងរាល់ទង្វើទាំងឡាយផ្ទុយពីការសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ លោកបន្តថា បញ្ហាឧបទ្វីបកូរ៉េ អាចដោះស្រាយបាន ក្នុងករណីទាំងអស់អង្គុយចរចាជាមួយគ្នាប៉ុណ្ណោះ។
កិច្ចសន្ទនាតាមទូរសព្ទរវាងមេដឹកនាំមហាអំណាចទាំង២ កើតឡើងចំពេលដែលមានការព្រួយបារម្ភលើកម្មវិធីមីស៊ីល និងនុយក្លេអ៊ែររបស់កូរ៉េខាងជើង។ សហគមន៍អន្តរជាតិ កាន់តែបារម្ភខ្លាំងជុំវិញលទ្ធភាពដែលកូរ៉េខាងជើងអាចសាកល្បងនុយក្លេអ៊ែរលើកទី៦ ក្នុងពេលឆាប់ៗនេះ។ អាមេរិក ជំទាស់ដាច់ខាតហើយនឹងការសាកល្បងនេះ និងបានគំរាមវាយប្រហារលើកូរ៉េខាងជើងទៀត ហើយការបញ្ជូននាវាដឹកយន្តហោះមកក្បែរឧបទ្វីបកូរ៉េផងដែរ។
កូរ៉េខាងជើង ចាត់ទុកការបញ្ជូននាវាដឹកយន្តហោះលើកនេះ គឺជាគំរាមកំហែងមកលើអធិបតេយ្យរបស់ខ្លួន និងបានប្រកាសវាយបកវិញដែរ។ ចំពោះចិន ទាំងវត្តមាននាវាយន្តហោះដឹកយន្តហោះ ទាំងការគំរាមរបស់កូរ៉េខាងជើង សុទ្ធតែជាទង្វើបង្កហេតុទាំងអស់ ហើយអាចទាញតំបន់ទាំងមូលធ្លាក់ចូលរណ្ដៅគ្រោះថ្នាក់ទៅទៀត។ ចិន ក៏ជំទាស់ខ្លាំងនឹងការប្រើកម្លាំងយោធាប្រឆាំងកូរ៉េខាងជើងដែរ ហើយជានិច្ចកាល ចិនទាមទារឲ្យភាគីពាក់ព័ន្ធចូលតុចរចាវិញ។
យ៉ាងណាក្ដី ជំហររបស់ចិន មិនត្រូវបានយកចិត្តឡើយ សូម្បីតែកូរ៉េខាងជើង ដែលជាសម្ព័ន្ធមិត្តយូរលង់មកនោះ ក៏មិនសូវខ្វល់នឹងសម្ដីចិន តែបានពង្រឹងកងទ័ពរបស់ខ្លួនត្រៀមប្រយុទ្ធគ្រប់ពេល។ ក្រុងព្យុងយ៉ាង ប្រកាសហើយថា ខ្លួនគ្មានបំណងចរចាឡើយ បើអាមេរិកនៅតែបន្តធ្វើទង្វើបង្ករឿងដាក់ខ្លួនទៀត។ ទង្វើបង្ករឿងដែលកូរ៉េខាងជើងលើកឡើង គឺការធ្វើសមយុទ្ធរួមគ្នារបស់អាមេរិក និងកូរ៉េខាងត្បូង ក៏ដូចជាបញ្ជូននាវាដឹកយន្តហោះនាពេលថ្មីៗនេះ៕
Tag:
ចិន
អាមេរិក
ឧបទ្វីបកូរ៉េ
ស៊ី ជីនភីង
បារ៉ាក់ អូបាម៉ា
© រក្សាសិទ្ធិដោយ thmeythmey.com
