ជាតិ
ខេត្តជាប់សមុទ្រ អាចមានភ្លៀង និងខ្យល់បក់បោកខ្លាំងចាប់ពីថ្ងៃទី២៤-២៧ ឧសភា
×![]()
ភ្នំពេញ៖ ការព្យាករអាកាសធាតុប្រចាំសប្តាហ៍របស់ក្រសួងធនធានទឹក និងឧតុនិយម បានបង្ហាញថា ចាប់ពីថ្ងៃទី២៤-២៧ នៅតំបន់ឆ្នេរនៃខេត្តព្រះសីហនុ កំពត កែប និងខេត្តកោះកុង ផ្ទៃមេឃនឹងមានសភាពអួអាប់ មានភ្លៀង និងខ្យល់បក់បោកខ្លាំង ព្រមទាំងមានរលកសមុទ្រខ្ពស់ៗ។ នេះបើតាមការព្យាករអាកាសធាតុរបស់ក្រសួងធនធានទឹក និងឧតុនិយម។
ក្រសួងធនធានទឹក និងឧតុនិយម បានចេញសេចក្ដីជូនដំណឹងស្ដីពីស្ថានភាពអាកាសធាតុប្រចាំសប្ដាហ៍ថា ជ្រលងសម្ពាធទាប បាន និងកំពុងបង្កើនឥទ្ធិពលគ្របដណ្ដប់លើប្រទេសកម្ពុជា។ ស្ថានភាពបែបនេះ នឹងធ្វើឲ្យអាកាសធាតុនៅកម្ពុជា មានភ្លៀងធ្លាក់រ៉ាយប៉ាយពីមធ្យមទៅច្រើន ហើយក្នុងនោះ តាមបណ្ដារាជធានី-ខេត្តមួយចំនួន រួមមាន រាជធានីភ្នំពេញ កណ្ដាល កំពង់ស្ពឺ ស្វាយរៀង ព្រៃវែង កំពង់ឆ្នាំង កំពង់ធំ បាត់ដំបង ប៉ៃលិន ឧត្តរមានជ័យ និងខេត្តសៀមរាប អាចនឹងមានភ្លៀងធ្លាក់ច្រើន ចាប់ពីថ្ងៃទី ២៥-២៧ ខែឧសភា។
តាមការព្យាករខាងលើ នៅលើផ្ទៃសមុទ្រ និងតំបន់ឆ្នេរនៃខេត្តព្រះសីហនុ កំពត កែប និងខេត្តកោះកុង ផ្ទៃមេឃនឹងមានសភាពអួអាប់ មានភ្លៀង និងខ្យល់បក់បោកខ្លាំង ព្រមទាំងមានរលកសមុទ្រខ្ពស់ៗ ចាប់ពីថ្ងៃទី ២៤-២៧ ខែឧសភា។
ក្រសួងធនធានទឹក និងឧតុនិយម បានអំពាវនាវដល់ប្រជានេសាទ និងអ្នកធ្វើដំណើរតាមសមុទ្រទាំងអស់ បង្កើនការប្រុងប្រយ័ត្នខ្ពស់ ចំពោះគ្រោះថ្នាក់ដែលកើតឡើងដោយយថាហេតុ។ នេះបើតាមការព្យាករអាកាសធាតុនៅថ្ងៃទី២១ ឧសភា៕
ក្រសួងធនធានទឹក និងឧតុនិយម បានចេញសេចក្ដីជូនដំណឹងស្ដីពីស្ថានភាពអាកាសធាតុប្រចាំសប្ដាហ៍ថា ជ្រលងសម្ពាធទាប បាន និងកំពុងបង្កើនឥទ្ធិពលគ្របដណ្ដប់លើប្រទេសកម្ពុជា។ ស្ថានភាពបែបនេះ នឹងធ្វើឲ្យអាកាសធាតុនៅកម្ពុជា មានភ្លៀងធ្លាក់រ៉ាយប៉ាយពីមធ្យមទៅច្រើន ហើយក្នុងនោះ តាមបណ្ដារាជធានី-ខេត្តមួយចំនួន រួមមាន រាជធានីភ្នំពេញ កណ្ដាល កំពង់ស្ពឺ ស្វាយរៀង ព្រៃវែង កំពង់ឆ្នាំង កំពង់ធំ បាត់ដំបង ប៉ៃលិន ឧត្តរមានជ័យ និងខេត្តសៀមរាប អាចនឹងមានភ្លៀងធ្លាក់ច្រើន ចាប់ពីថ្ងៃទី ២៥-២៧ ខែឧសភា។
តាមការព្យាករខាងលើ នៅលើផ្ទៃសមុទ្រ និងតំបន់ឆ្នេរនៃខេត្តព្រះសីហនុ កំពត កែប និងខេត្តកោះកុង ផ្ទៃមេឃនឹងមានសភាពអួអាប់ មានភ្លៀង និងខ្យល់បក់បោកខ្លាំង ព្រមទាំងមានរលកសមុទ្រខ្ពស់ៗ ចាប់ពីថ្ងៃទី ២៤-២៧ ខែឧសភា។
ក្រសួងធនធានទឹក និងឧតុនិយម បានអំពាវនាវដល់ប្រជានេសាទ និងអ្នកធ្វើដំណើរតាមសមុទ្រទាំងអស់ បង្កើនការប្រុងប្រយ័ត្នខ្ពស់ ចំពោះគ្រោះថ្នាក់ដែលកើតឡើងដោយយថាហេតុ។ នេះបើតាមការព្យាករអាកាសធាតុនៅថ្ងៃទី២១ ឧសភា៕
Tag:
ភ្លៀង
ខេត្តជាប់សមុទ្រ
© រក្សាសិទ្ធិដោយ thmeythmey.com
