ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក សៅ សុខា៖ សាលាតម្រង់ទិសកីឡាបាល់ទាត់ជួយអភិវឌ្ឍន៍បាល់ទាត់ សេដ្ឋកិច្ច និងការអប់រំ
26, May 2017 ,
11:26 am
រូបភាព
ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា
×
ដោយ:
ទោះបីមានឈ្មោះជា«គម្រោងតម្រង់ទិសកីឡាបាល់ទាត់ទូទាំង២៥ខេត្ត-ក្រុង» តែប្រធានសហព័ន្ធកីឡាបាល់ទាត់កម្ពុជាលោក សៅ សុខា បានអះអាងថា គម្រោងនេះមិនត្រឹមតែជួយអភិវឌ្ឍន៍កីឡាបាល់ទាត់នៅតាមបណ្តាខេត្តប៉ុណ្ណោះទេ លើសពីនេះវាជួយដល់វិស័យសេដ្ឋកិច្ច និងការអប់រំថែមទៀតផង។ គម្រោងសាលាតម្រង់ទិសកីឡាបាល់ទាត់នេះ នឹងសម្ពោធជាផ្លូវការនៅល្ងាចថ្ងៃទី២៦ ខែឧសភា នៅលើទឹកដីខេត្តស្វាយរៀង។
ដើម្បីអភិវឌ្ឍន៍វិស័យកីឡាបាល់ទាត់កម្ពុជាឲ្យកាន់តែមានការរីកចម្រើន និងជោគជ័យក្នុងព្រឹក្តិការណ៍ស៊ីហ្គេមនាឆ្នាំ២០២៣ ដែលកម្ពុជាម្ចាស់ផ្ទះ សហព័ន្ធកីឡាបាល់ទាត់កម្ពុជាបានបង្កើតគម្រោងមួយដែលមានឈ្មោះថា«សាលាតម្រង់ទិសកីឡាបាល់ទាត់» ដែលគម្រោងនេះ គឺជាការជំរុញឲ្យខេត្ត-ក្រុងទាំង២៥មានទីលានស្តង់ដាមួយនៅក្នុងសាលារដ្ឋ ដើម្បីផ្តល់ឱកាសដល់សិស្សានុសិស្សហ្វឹកហាត់ និងសម្រាប់រៀបចំការប្រកួតផ្សេងៗ។
សម្រាប់គម្រោងសាលាតម្រង់ទិសកីឡាបាល់ទាត់នេះ នឹងចាប់ផ្តើមសម្ពោធនៅថ្ងៃទី២៦ ខែឧសភា ឆ្នាំ២០១៧ ដោយចាប់ផ្តើមដំបូងគេនៅលើទឹកដីខេត្តស្វាយរៀង មុនបន្តដំណើរទៅកាន់ខេត្តផ្សេងៗទូទាំងប្រទេសជាបន្តបន្ទាប់។ តាមរយៈគម្រោងនេះ កម្ពុជាមិនត្រឹមតែរីកចម្រើនខាងផ្នែកវិស័យកីឡាបាល់ទាត់ប៉ុណ្ណោះទេ លើសពីនេះផ្នែកអប់រំសង្គម និងសេដ្ឋកិច្ចក៏មានការរីកចម្រើនផងដែរ។ នេះបើយោងតាមការបញ្ជាក់របស់លោក សៅ សុខា ប្រធានសហព័ន្ធកីឡាបាល់ទាត់កម្ពុជា។
«គម្រោងសាលាតម្រង់ទិសបាល់ទាត់នឹងនាំឲ្យយើងទទួលបានភាពវិជ្ជមាន និងជោគជ័យលើវិស័យអប់រំសង្គម យុវជន សេដ្ឋកិច្ច ការអភិវឌ្ឍន៍ហេដ្ឋារចនសម្ព័ន្ធបាល់ទាត់ទាំងផ្នែកបច្ចេកទេស ធនធានមនុស្ស គ្រូ អាជ្ញាកណ្តាល និងមន្ត្រីរដ្ឋបាលដឹកនាំការរៀបចំបាល់ទាត់នៅតាមបណ្តារាជធានី-ខេត្តទូទាំងប្រទេស»។ នេះជាប្រសាសន៍របស់ លោក សៅ សុខា។
ប្រធានសហព័ន្ធកីឡាបាល់ទាត់កម្ពុជារូបនេះបានវាយតម្លៃថា គម្រោងសាលាតម្រង់ទិសកីឡាបាល់ទាត់ នឹងរួចរាល់ជាស្ថាពរទាំង២៥ខេត្ត-ក្រុងក្នុងឆ្នាំ២០១៨ ខាងមុខនេះ។ តែយ៉ាងណា លោក មិនបានប្រាប់ពីព័ត៌មានលម្អិតពាក់ព័ន្ធទៅនឹងការចំណាយទៅលើគម្រោងនេះឡើយ។
ជាក់ស្តែងកាលពីថ្ងៃទី២៣ ខែឧសភា លោក សៅ សុខា បានចុះអនុសារណៈយោគយល់គ្នា(MOU)ជាមួយក្រុមហ៊ុនទូរស័ព្ទចល័តសែលកាតរយៈពេល២ឆ្នាំដើម្បីគាំទ្រ និងជួយជំរុញដល់ដំណើរនៃគម្រោងសាលាតម្រង់ទិសបាល់ទាត់នេះ។ នាយកប្រតិបត្តិសែលកាតលោក អៀន វ៉ាតសុន បានបញ្ជាក់ថា តាមរយៈ MOU នេះសែតកាតគ្រោងចំណាយថវិកាជាង២០ម៉ឺនដុល្លារ ដែលថវិកាទាំងនេះជួយលើផ្នែកសម្ភារ និងរៀបចំការប្រកួតផ្សេងៗ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
សៅ សុខា
សាលាតម្រង់ទិសកីឡាបាល់ទាត់
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម