សុខភាព
អន្តរជាតិ
×![]()
ដោយ: ធីតា
ជំងឺអាសន្នរោគកំពុងរាលដាលយ៉ាងខ្លាំងនៅក្នុងប្រទេសយេម៉ែន។ នេះបើតាមការប្រកាសពីទីក្រុងហ្សឺណែវ របស់លោក Nevio Zagaria តំណាងអង្គការសុខភាពពិភពលោក (WHO)។
ជំងឺអាសន្នរោគ បានចាប់ផ្តើមរាលដាលនៅក្នុងប្រទេសយេម៉ែន ចាប់តាំងពីខែមេសា មក ដោយបានសម្លាប់មនុស្ស២៤២នាក់ ហើយករណីសង្ស័យ បានកើតឡើងទ្វេរដងពី១១ ០០០ ទៅ២៣ ៤២៥ករណី តែក្នុងអំឡុងរយៈពេល៥ថ្ងៃ។ បើតាមការផ្សាយរបស់កាសែត Le Nouvel Observateur របស់បារាំង ការឆ្លងអាចកើនរហូតដល់ទៅ២៥០ ០០០ករណី នារយៈពេល៦ខែទៅមុខ។
កាលពីថ្ងៃព្រស្បតិ៍ ទី២៥ ខែឧសភា ករណីឆ្លងជំងឺអាសន្នថ្មីចំនួន៣៤៦០ករណីត្រូវបានរកឃើញ ដោយក្នុងនោះ ២០នាក់បានស្លាប់នៅក្នុងប្រទេសយេម៉ែន ដែលកំពុងរងគ្រោះដោយសារសង្គ្រាមរ៉ាំរ៉ៃ ហើយប្រជាជនប្រមាណ២ភាគបីនៃផ្ទៃប្រទេសទាំងមូលកំពុងជួបគ្រោះទុរ្ភឹក្ស។
អង្គការគ្រូពេទ្យគ្មានព្រំដែន ក៏បានព្រមានផងដែរថា ប្រសិនបើមិនមានវិធានការបន្ទាន់ណាមួយទេនោះ ការរាលដាលជំងឺអាសន្នរោគនៅយេម៉ែន នឹងមិនអាចគ្រប់គ្រងបាននោះឡើយ។ បច្ចុប្បន្ន ជំងឺរាតត្បាលនេះ រាលដាលនៅខេត្តចំនួន១៨នៃប្រទេសយេម៉ែនទាំងមូល។
សង្គ្រាមដ៏រ៉ាំរ៉ៃ បានធ្វើឲ្យប្រទេសយេម៉ែនទាំងមូលជួបវិបត្តិមនុស្សជាតិដ៏ធ្ងន់ធ្ងរ។ បច្ចុប្បន្ន ពលរដ្ឋប្រមាណ១៩លាននាក់ កំពុងត្រូវជំនួយជាចាំបាច់៕
ជំងឺអាសន្នរោគ បានចាប់ផ្តើមរាលដាលនៅក្នុងប្រទេសយេម៉ែន ចាប់តាំងពីខែមេសា មក ដោយបានសម្លាប់មនុស្ស២៤២នាក់ ហើយករណីសង្ស័យ បានកើតឡើងទ្វេរដងពី១១ ០០០ ទៅ២៣ ៤២៥ករណី តែក្នុងអំឡុងរយៈពេល៥ថ្ងៃ។ បើតាមការផ្សាយរបស់កាសែត Le Nouvel Observateur របស់បារាំង ការឆ្លងអាចកើនរហូតដល់ទៅ២៥០ ០០០ករណី នារយៈពេល៦ខែទៅមុខ។
កាលពីថ្ងៃព្រស្បតិ៍ ទី២៥ ខែឧសភា ករណីឆ្លងជំងឺអាសន្នថ្មីចំនួន៣៤៦០ករណីត្រូវបានរកឃើញ ដោយក្នុងនោះ ២០នាក់បានស្លាប់នៅក្នុងប្រទេសយេម៉ែន ដែលកំពុងរងគ្រោះដោយសារសង្គ្រាមរ៉ាំរ៉ៃ ហើយប្រជាជនប្រមាណ២ភាគបីនៃផ្ទៃប្រទេសទាំងមូលកំពុងជួបគ្រោះទុរ្ភឹក្ស។
អង្គការគ្រូពេទ្យគ្មានព្រំដែន ក៏បានព្រមានផងដែរថា ប្រសិនបើមិនមានវិធានការបន្ទាន់ណាមួយទេនោះ ការរាលដាលជំងឺអាសន្នរោគនៅយេម៉ែន នឹងមិនអាចគ្រប់គ្រងបាននោះឡើយ។ បច្ចុប្បន្ន ជំងឺរាតត្បាលនេះ រាលដាលនៅខេត្តចំនួន១៨នៃប្រទេសយេម៉ែនទាំងមូល។
សង្គ្រាមដ៏រ៉ាំរ៉ៃ បានធ្វើឲ្យប្រទេសយេម៉ែនទាំងមូលជួបវិបត្តិមនុស្សជាតិដ៏ធ្ងន់ធ្ងរ។ បច្ចុប្បន្ន ពលរដ្ឋប្រមាណ១៩លាននាក់ កំពុងត្រូវជំនួយជាចាំបាច់៕
Tag:
យេម៉ែន
អាសន្នរោគ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
