Mercedes Benz ជាប្រភេទរថយន្តសម្រាប់តែអ្នកមាន?

ជាតិ

រថយន្ត

សេដ្ឋកិច្ច

01, Jan 2018 , 7:39 pm

រូបភាព

ដោយ: ខន ចំប៉ា

រថយន្ត Mercedes Benz មានច្រើនប្រភេទ ហើយត្រូវបានសម្រិតសម្រាំងផលិតឡើងយ៉ាងប្រណិត ប្រកបទៅដោយផាសុកភាព។ ហេតុនេះហើយ ទើបធ្វើឲ្យរថយន្តម៉ាក Mercedes Benz មានតម្លៃខ្ពស់។ នេះជាការបញ្ជាក់របស់ លោក ឡេង វន្ថា ប្រតិបត្តិករផ្នែកលក់របស់ក្រុមហ៊ុនស្តារ អូតូ(ខេមបូឌា)ខូអិលធីឌី ដែលបញ្ជាក់ដូច្នេះថា៖«Mercedes Benz គឺជារថយន្តប្រណិត មានផាសុកភាព សុវត្ថិភាព ហើយធន់ អីចឹងហើយបានជាវាមានតម្លៃខ្ពស់»។

ប៉ុន្តែទោះជាយ៉ាងនេះក្តី មិនមែនរថយន្ត Mercedes Benz ទាំងអស់សុទ្ធតែមានតម្លៃខ្ពស់នោះទេ វាស្រ័យទៅតាមប្រភេទរថយន្ត។ មិនត្រឹមតែប៉ុណ្ណោះ រាល់អតិថិជនដែលជាវរថយន្ត Mercedes Benz នឹងទទួលបានការធានាជួសជុលឥតគិតថ្លៃរយៈពេល២ឆ្នាំផងដែរ។

ប្រតិបត្តិករផ្នែកលក់ដដែល ក៏បានប្រាប់ឲ្យអតិថិជន កុំឲ្យបារម្ភ ចំពោះការស្វែងរកគ្រឿងបន្លាស់ដែរ។ លោក វន្ថា ថ្លែងថា នៅក្រុមហ៊ុនស្តារ អូតូ(ខេមបូឌា)ខូអិលធីឌី មានគ្រឿងបន្លាស់គ្រប់គ្រាន់ ដែលធានាទាំងគុណភាព និងតម្លៃ។ លើសពីនេះ ក្រៅពីប្រភេទរថយន្ត Mercedes Benz ក្រុមហ៊ុនស្តារ អូតូ(ខេមបូឌា)ខូអិលធីឌី ក៏ទទួលជួសជុលរថយន្តប្រភេទផ្សេងផងដែរ ដូចជា Luxus, BM, Audi, និងរថយន្តម៉ាក Pouch ជាដើម។

សូមអញ្ជើញស្តាប់ការពន្យល់បន្ថែមពីលោក ឡេង វន្ថា ប្រតិបត្តិករផ្នែកលក់របស់ក្រុមហ៊ុនស្តារ អូតូ(ខេមបូឌា)ខូអិលធីឌី ដូចតទៅ៖