ជាតិ
ឯកឧត្តម កឹម សុខា ប្រធានគណបក្សសង្គ្រោះជាតិ កំពុងថ្លែងសារនយោបាយ ទៅកាន់អ្នកគាំទ្រក្នុងស្រុកមេមត់ ខេត្តត្បូងឃ្មុំ នៅថ្ងៃទី២៦ ខែមិថុនា ឆ្នាំ២0១៧។ រូបភាពពីហ្វេសបុក Kem Sokha
×![]()
ដោយ: ថ្មីៗ
ភ្នំពេញ៖ គណបក្សសង្គ្រោះជាតិ បានទទួលការគាំទ្រយ៉ាងខ្លាំង សម្រាប់ការបោះឆ្នោតថ្នាក់ឃុំ-សង្កាត់ នាអាណត្តិទី៤នេះ។ ឯកឧត្តម កឹម សុខា ប្រធានគណបក្សសង្គ្រោះជាតិ បានលើកឡើងដូច្នេះ នៅចំពោះមុខអ្នកគាំទ្រជាច្រើនរយនាក់ ក្នុងស្រុកមេមត់ ខេត្តត្បួងឃ្មុំ នៅព្រឹកថ្ងៃទី២៦ ខែមិថុនា ឆ្នាំ២០១៧។
ឯកឧត្តម កឹម សុខា និយាយថា ការទទួលបានសំឡេងឆ្នោតយ៉ាងច្រើនបែបនេះ គឺដោយសារតែគណបក្សសង្គ្រោះជាតិ មិនដែលសម្រេចចិត្តធ្វើអ្វីៗ ឲ្យផ្ទុយពីឆន្ទៈរបស់ប្រជាពលរដ្ឋ នោះទេ។ ជាងនេះទៀត ការរួបរួមគ្នារវាងគណបក្សសិទ្ធិមនុស្ស និងគណបក្ស សម រង្ស៊ី ឲ្យទៅជាគណបក្សសង្គ្រោះជាតិ ហើយមិនបែកបាក់គ្នា ក៏ត្រូវបានឯកឧត្តម កឹម សុខា អះអាងថា ធ្វើតាមការចង់បានរបស់ប្រជាពលរដ្ឋ ដែរ។
ប្រធានគណបក្សសង្គ្រោះជាតិរូបនេះ បានបញ្ជាក់យ៉ាងដូច្នេះថា៖«ប្រជាពលរដ្ឋ ដឹងច្បាស់ថាពួកគាត់ ជាអ្នកកំណត់ផ្លូវឲ្យគណបក្សសង្គ្រោះជាតិ ដើរ។ ហើយយើង ដើរតាមផ្លូវ ដែលប្រជាពលរដ្ឋចង្អុល។ នេះហើយ ដែលគណបក្សសង្គ្រោះជាតិ បានទទួលការគាំទ្រច្រើន។ […] យើងជាអ្នកនយោបាយ យើងត្រូវស្តាប់ប្រជាពលរដ្ឋ ធ្វើតាមប្រជាពលរដ្ឋ ដែលចង្អុលប្រាប់យើង។ មិនមែនធ្វើតាមចិត្តយើងទេ»។
ឯកឧត្តម កឹម សុខា ថែមទាំងនៅតែជឿជាក់ថា ព្រោះតែមិនក្បត់ឆន្ទៈរបស់ប្រជាពលរដ្ឋ គណបក្សសង្គ្រោះជាតិ នឹងទទួលបានជ័យជម្នះក្នុងការបោះឆ្នោតថ្នាក់ជាតិ នៅឆ្នាំ២០១៨ ខាងមុខ។
យោងតាមលទ្ធផលផ្លូវការនៃការបោះឆ្នោតថ្នាក់ឃុំ-សង្កាត់ នាអាណត្តិទី៤នេះ គណបក្សសង្គ្រោះជាតិ ទទួលបានបានសំឡេងគាំទ្រ ប្រហាក់ប្រហែលនឹងគណបក្សប្រជាជនកម្ពុជា។ នៅក្នុងនោះ គណបក្សសង្គ្រោះជាតិ ទទួលបានសំឡេងឆ្នោតចំនួន ៣.០៥៦.៨២៤ ហើយគណបក្សប្រជាជនកម្ពុជា ទទួលបានសំឡេងឆ្នោតចំនួន ៣.៥៤០.០៥៦។ បើគិតជាអាសនៈ គណបក្សសង្គ្រោះជាតិ ទទួលបានអាសនៈជាសមាជិកក្រុមប្រឹក្សាឃុំ-សង្កាត់ចំនួន ៥០០៧ ហើយគណបក្សប្រជាជនកម្ពុជា ទទួលបានអាសនៈជាសមាជិកក្រុមប្រឹក្សាឃុំ-សង្កាត់ចំនួន ៦៥០៣៕
ឯកឧត្តម កឹម សុខា និយាយថា ការទទួលបានសំឡេងឆ្នោតយ៉ាងច្រើនបែបនេះ គឺដោយសារតែគណបក្សសង្គ្រោះជាតិ មិនដែលសម្រេចចិត្តធ្វើអ្វីៗ ឲ្យផ្ទុយពីឆន្ទៈរបស់ប្រជាពលរដ្ឋ នោះទេ។ ជាងនេះទៀត ការរួបរួមគ្នារវាងគណបក្សសិទ្ធិមនុស្ស និងគណបក្ស សម រង្ស៊ី ឲ្យទៅជាគណបក្សសង្គ្រោះជាតិ ហើយមិនបែកបាក់គ្នា ក៏ត្រូវបានឯកឧត្តម កឹម សុខា អះអាងថា ធ្វើតាមការចង់បានរបស់ប្រជាពលរដ្ឋ ដែរ។
ប្រធានគណបក្សសង្គ្រោះជាតិរូបនេះ បានបញ្ជាក់យ៉ាងដូច្នេះថា៖«ប្រជាពលរដ្ឋ ដឹងច្បាស់ថាពួកគាត់ ជាអ្នកកំណត់ផ្លូវឲ្យគណបក្សសង្គ្រោះជាតិ ដើរ។ ហើយយើង ដើរតាមផ្លូវ ដែលប្រជាពលរដ្ឋចង្អុល។ នេះហើយ ដែលគណបក្សសង្គ្រោះជាតិ បានទទួលការគាំទ្រច្រើន។ […] យើងជាអ្នកនយោបាយ យើងត្រូវស្តាប់ប្រជាពលរដ្ឋ ធ្វើតាមប្រជាពលរដ្ឋ ដែលចង្អុលប្រាប់យើង។ មិនមែនធ្វើតាមចិត្តយើងទេ»។
ឯកឧត្តម កឹម សុខា ថែមទាំងនៅតែជឿជាក់ថា ព្រោះតែមិនក្បត់ឆន្ទៈរបស់ប្រជាពលរដ្ឋ គណបក្សសង្គ្រោះជាតិ នឹងទទួលបានជ័យជម្នះក្នុងការបោះឆ្នោតថ្នាក់ជាតិ នៅឆ្នាំ២០១៨ ខាងមុខ។
យោងតាមលទ្ធផលផ្លូវការនៃការបោះឆ្នោតថ្នាក់ឃុំ-សង្កាត់ នាអាណត្តិទី៤នេះ គណបក្សសង្គ្រោះជាតិ ទទួលបានបានសំឡេងគាំទ្រ ប្រហាក់ប្រហែលនឹងគណបក្សប្រជាជនកម្ពុជា។ នៅក្នុងនោះ គណបក្សសង្គ្រោះជាតិ ទទួលបានសំឡេងឆ្នោតចំនួន ៣.០៥៦.៨២៤ ហើយគណបក្សប្រជាជនកម្ពុជា ទទួលបានសំឡេងឆ្នោតចំនួន ៣.៥៤០.០៥៦។ បើគិតជាអាសនៈ គណបក្សសង្គ្រោះជាតិ ទទួលបានអាសនៈជាសមាជិកក្រុមប្រឹក្សាឃុំ-សង្កាត់ចំនួន ៥០០៧ ហើយគណបក្សប្រជាជនកម្ពុជា ទទួលបានអាសនៈជាសមាជិកក្រុមប្រឹក្សាឃុំ-សង្កាត់ចំនួន ៦៥០៣៕
Tag:
កឹម សុខា
© រក្សាសិទ្ធិដោយ thmeythmey.com
