អន្តរជាតិ
នាយករដ្ឋមន្ត្រីឥណ្ឌាជួបនាយកក្រុមហ៊ុនអាមេរិកធំៗ មុនជួបប្រធានាធិបតី ត្រាំ
នាយករដ្ឋមន្ត្រីឥណ្ឌា នារិន្ទ្រា ម៉ូឌី និងនាយកប្រតិបត្តិក្រុមហ៊ុនធំៗរបស់អាមេរិក (រូបភាព The Economics Times)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីឥណ្ឌា នារិន្ទ្រា ម៉ូឌី (Narendra Modi) បានទៅដល់ទឹកដីអាមេរិកនៅថ្ងៃទី២៥ ខែមិថុនា ដើម្បីត្រៀមជួបជាមួយប្រធានាធិបតីអាមេរិក ដូណាល់ ត្រាំ នៅរដ្ឋធានីវ៉ាស៊ីនតោន។ មុនជំនួបជាមួយលោក ត្រាំ នាយករដ្ឋមន្ត្រីឥណ្ឌាក៏ឆ្លៀតជួបសំណេះសំណាលជាមួយប្រជាជនឥណ្ឌាកំពុងរស់នៅអាមេរិក និងជួបជាមួយបណ្ដានាយកក្រុមហ៊ុនធំៗរបស់អាមេរិកទៀតផង។ លោក ម៉ូឌី បានស្នើឲ្យក្រុមហ៊ុនអាមេរិកបោះទុនរកស៊ីនៅឥណ្ឌាឲ្យបានច្រើន។
នាយករដ្ឋមន្ត្រីឥណ្ឌា នារិន្ទ្រា ម៉ូឌី បានជួបជាមួយនាយកក្រុមហ៊ុនធំៗរបស់អាមេរិកដើម្បីគៀងគរ និងផ្ដល់ឱកាសវិនិយោគនៅឥណ្ឌា។ នេះជាដំណើរទស្សនកិច្ចលើកទី៥របស់លោក ម៉ូឌី ទៅកាន់ទឹកដីអាមេរិក និងជាជំនួបទល់មុខលើកទីមួយរវាងលោក និងប្រធានាធិបតីអាមេរិក ដូណាល់ ត្រាំ ខណៈអាមេរិក និងឥណ្ឌានៅខ្វែងគំនិតគ្នាលើបញ្ហាជាច្រើនដូចជាកិច្ចព្រមព្រៀងអាកាសធាតុ និងការផ្ដល់ទិដ្ឋាការឲ្យជនជាតិឥណ្ឌាកំពុងធ្វើការនៅ Silicon Valley ជាដើម។
បើតាមសារព័ត៌មាន The Economics Times នាយកក្រុមហ៊ុនអាមេរិកធំៗដែលទើបជួប ជាមួយ លោក ត្រាំ បានបង្ហាញវត្តមានក្នុងជំនួបនេះដូចជា លោក Tim Cook នាយកប្រតិបត្តិ Apple លោក Sunder Pichai នាយកប្រតិបត្តិក្រុមហ៊ុន Google លោក John Chambers មកពី Cisco និងលោក Jeff Bezos របស់ Amazon ជាដើម។ លោក ម៉ូឌី បានប្រាប់នាយកប្រតិបត្តិក្រុមហ៊ុនធំៗទាំងនេះពីឱកាសរកស៊ីនៅឥណ្ឌាដែលជាប្រទេសបើកចំហសេដ្ឋកិច្ច។
ក្នុងជំនួបជាមួយនាយកប្រតិបត្តិក្រុមហ៊ុនចំនួន២០ នាយករដ្ឋមន្ត្រីឥណ្ឌាក៏បានលើកឡើងពីការប្រឹងប្រែងរបស់រដ្ឋាភិបាលឥណ្ឌាក្នុងការកែទម្រង់អភិបាលកិច្ច និងសម្រួលដល់ការធ្វើពាណិជ្ជកម្ម។ លោកបន្តថា ពិភពលោកកំពុងយកចិត្តទុកដាក់លើសេដ្ឋកិច្ចឥណ្ឌា ជាពិសេសវិស័យពាណិជ្ជកម្ម ផលិតកម្ម និងទំនាក់ទំនងរវាងប្រជាជន និងប្រជាជន។ នេះក៏ព្រោះតែឥណ្ឌាមានកំណើនប្រជាជន និងការកើនឡើងប្រជាជនមានជីវភាពមធ្យម។
បើតាមមន្ត្រីឥណ្ឌាដែលមានវត្តមានក្នុងជំនួប៩០នាទីនៅឯសណ្ឋាគារ Willard នាយកប្រតិបត្តិរបស់ក្រុមហ៊ុនអាមេរិកបានបង្ហាញឆន្ទះក្នុងការធ្វើជាដៃគូររបស់ឥណ្ឌាក្នុងការអភិវឌ្ឍជំនាញ និងគំនិតផ្ដួចផ្ដើមអប់រំនៅឥណ្ឌា។ អ្នកនាំពាក្យក្រសួងការបរទេសឥណ្ឌា ក៏និយាយដែរថា នាយកក្រុមហ៊ុនទាំងនោះក៏បានសរសើរការកែទម្រង់របស់ឥណ្ឌា ដែលបានសម្រួលដល់ការធ្វើជំនួញ និងពួកគេរីករាយរកស៊ីនៅឥណ្ឌាផងដែរ។
ជំនួបរវាងលោក ម៉ូឌី និងលោក ត្រាំ នឹងធ្វើឡើងនៅថ្ងៃទី២៦ ខែមិថុនា នៅរដ្ឋធានីវ៉ាស៊ីនតោន ដើម្បីជជែកលើកិច្ចសហប្រតិបត្តិការបច្ចុប្បន្នរវាងមហាអំណាចប្រជាធិបតេយ្យទាំងពីរដូចជាការប្រឆាំងភេរវកម្ម និងវិស័យការពារជាតិ។ អ្វីដែលគួរឲ្យចាប់អារម្មណ៍នោះ ជំនួបលើកដំបូងនេះ ក៏នឹងផ្ដោតលើការសម្រេចឲ្យបានទស្សនវិស័យ «Make in India» របស់លោក ម៉ូឌី និង «Make in America» របស់លោក ត្រាំ ដែលសុទ្ធសឹងឲ្យតម្លៃលើជាតិរបស់ខ្លួនជាធំនោះ៕
នាយករដ្ឋមន្ត្រីឥណ្ឌា នារិន្ទ្រា ម៉ូឌី បានជួបជាមួយនាយកក្រុមហ៊ុនធំៗរបស់អាមេរិកដើម្បីគៀងគរ និងផ្ដល់ឱកាសវិនិយោគនៅឥណ្ឌា។ នេះជាដំណើរទស្សនកិច្ចលើកទី៥របស់លោក ម៉ូឌី ទៅកាន់ទឹកដីអាមេរិក និងជាជំនួបទល់មុខលើកទីមួយរវាងលោក និងប្រធានាធិបតីអាមេរិក ដូណាល់ ត្រាំ ខណៈអាមេរិក និងឥណ្ឌានៅខ្វែងគំនិតគ្នាលើបញ្ហាជាច្រើនដូចជាកិច្ចព្រមព្រៀងអាកាសធាតុ និងការផ្ដល់ទិដ្ឋាការឲ្យជនជាតិឥណ្ឌាកំពុងធ្វើការនៅ Silicon Valley ជាដើម។
បើតាមសារព័ត៌មាន The Economics Times នាយកក្រុមហ៊ុនអាមេរិកធំៗដែលទើបជួប ជាមួយ លោក ត្រាំ បានបង្ហាញវត្តមានក្នុងជំនួបនេះដូចជា លោក Tim Cook នាយកប្រតិបត្តិ Apple លោក Sunder Pichai នាយកប្រតិបត្តិក្រុមហ៊ុន Google លោក John Chambers មកពី Cisco និងលោក Jeff Bezos របស់ Amazon ជាដើម។ លោក ម៉ូឌី បានប្រាប់នាយកប្រតិបត្តិក្រុមហ៊ុនធំៗទាំងនេះពីឱកាសរកស៊ីនៅឥណ្ឌាដែលជាប្រទេសបើកចំហសេដ្ឋកិច្ច។
ក្នុងជំនួបជាមួយនាយកប្រតិបត្តិក្រុមហ៊ុនចំនួន២០ នាយករដ្ឋមន្ត្រីឥណ្ឌាក៏បានលើកឡើងពីការប្រឹងប្រែងរបស់រដ្ឋាភិបាលឥណ្ឌាក្នុងការកែទម្រង់អភិបាលកិច្ច និងសម្រួលដល់ការធ្វើពាណិជ្ជកម្ម។ លោកបន្តថា ពិភពលោកកំពុងយកចិត្តទុកដាក់លើសេដ្ឋកិច្ចឥណ្ឌា ជាពិសេសវិស័យពាណិជ្ជកម្ម ផលិតកម្ម និងទំនាក់ទំនងរវាងប្រជាជន និងប្រជាជន។ នេះក៏ព្រោះតែឥណ្ឌាមានកំណើនប្រជាជន និងការកើនឡើងប្រជាជនមានជីវភាពមធ្យម។
បើតាមមន្ត្រីឥណ្ឌាដែលមានវត្តមានក្នុងជំនួប៩០នាទីនៅឯសណ្ឋាគារ Willard នាយកប្រតិបត្តិរបស់ក្រុមហ៊ុនអាមេរិកបានបង្ហាញឆន្ទះក្នុងការធ្វើជាដៃគូររបស់ឥណ្ឌាក្នុងការអភិវឌ្ឍជំនាញ និងគំនិតផ្ដួចផ្ដើមអប់រំនៅឥណ្ឌា។ អ្នកនាំពាក្យក្រសួងការបរទេសឥណ្ឌា ក៏និយាយដែរថា នាយកក្រុមហ៊ុនទាំងនោះក៏បានសរសើរការកែទម្រង់របស់ឥណ្ឌា ដែលបានសម្រួលដល់ការធ្វើជំនួញ និងពួកគេរីករាយរកស៊ីនៅឥណ្ឌាផងដែរ។
ជំនួបរវាងលោក ម៉ូឌី និងលោក ត្រាំ នឹងធ្វើឡើងនៅថ្ងៃទី២៦ ខែមិថុនា នៅរដ្ឋធានីវ៉ាស៊ីនតោន ដើម្បីជជែកលើកិច្ចសហប្រតិបត្តិការបច្ចុប្បន្នរវាងមហាអំណាចប្រជាធិបតេយ្យទាំងពីរដូចជាការប្រឆាំងភេរវកម្ម និងវិស័យការពារជាតិ។ អ្វីដែលគួរឲ្យចាប់អារម្មណ៍នោះ ជំនួបលើកដំបូងនេះ ក៏នឹងផ្ដោតលើការសម្រេចឲ្យបានទស្សនវិស័យ «Make in India» របស់លោក ម៉ូឌី និង «Make in America» របស់លោក ត្រាំ ដែលសុទ្ធសឹងឲ្យតម្លៃលើជាតិរបស់ខ្លួនជាធំនោះ៕
Tag:
ឥណ្ឌា
អាមេរិក
Narendra Modi
ដូណាល់ ត្រាំ
© រក្សាសិទ្ធិដោយ thmeythmey.com
