រថយន្ត
អន្តរជាតិ
កុមារអាយុ១០ឆ្នាំម្នាក់ច្នៃឧបករណ៍ដែលអាចជួយកុមារផុតពីការស្លាប់ក្នុងរថយន្ត
×![]()
ដោយ: ធីតា
សិស្សសាលាអាយុ១០ឆ្នាំម្នាក់ នៅរដ្ឋតិចសាស់ សហរដ្ឋអាមេរិក ច្នៃប្រឌិតឧបករណ៍មួយដែលអាចជួយសង្គ្រោះជីវិតកុមារឲ្យរួចផុតពីការស្លាប់ ក្នុងករណីដែលពេលពួកគេត្រូវឪពុកម្តាយភ្លេច និងទុកចោលក្នុងរថយន្ត ដែលមានកម្តៅខ្លាំង។
នារយៈពេលជាង២ទសវត្សរ៍ចុងក្រោយនេះ កុមារនៅសហរដ្ឋអាមេរិកយ៉ាងហោចណាស់៧០០នាក់ បានស្លាប់ដោយសារតែឪពុកម្តាយទុកចោលនៅក្នុងរថយន្ត ព្រោះពួកគេមិនអាចទ្រាំទ្រនឹងការក្តៅខ្លាំង រួមទាំងការថប់ដង្ហើម។
សិស្សសាលាម្នាក់ឈ្មោះ Bishop Curry ដែលរស់នៅភាគខាងជើងក្រុង Dallas រដ្ឋតិចសាស់ បានអះអាងប្រាប់ Fox News ថា គេបានធ្វើការច្នៃឧបករណ៍មួយ ដែលមានទម្រង់ជាប្រអប់តូច។ ប្រអប់នោះ មានបំពង់ដែលបង្កើតឲ្យមានខ្យល់ត្រជាក់នៅពេលបរិយាកាសឡើងក្តៅក្នុងរថយន្ត ហើយក្នុងនោះ មានអង់តែន មួយដែលអាចប្រកាសអាសន្នដល់ឪពុកម្តាយ ឬក្រុមសង្គ្រោះ ដើម្បីជួយសង្គ្រោះកុមារទាន់ពេលវេលា ក្នុងករណីដែលពួកគេត្រូវអាណាព្យាបាលភ្លេចយកចេញពីរថយន្ត។
បច្ចុប្បន្ន ឧបករណ៍ច្នៃប្រឌិតរបស់ Bishop Curry ដែលគេដាក់ឈ្មោះថា «Oasis» មិនទាន់លេចចេញជារូបរាងឡើយ ដោយវាស្ថិតក្នុងគម្រោងរចនា 3D នៅឡើយ។ Bishop និងគ្រួសារ រំពឹងថា វានឹងលេចចេញជារូបរាងឡើងនៅក្នុងឆ្នាំ២០១៧ នេះតែម្តង។
«យើងរស់នៅក្នុងរដ្ឋតិចសាស់ ហើយករណីស្លាប់ក្នុងរថយន្តដែលមានកម្តៅខ្លាំង មានតួលេខច្រើនដ៏គួរឲ្យកត់សម្គាល់»។ នេះជាការលើកឡើងរបស់ឪពុកម្តាយ Bishop Curry ដែលបានធ្វើការរៃអង្គាសមូលនិធិតាម GoFundMe ដើម្បីជួយដល់គម្រោងច្នៃប្រឌិតកូនរបស់ខ្លួន ហើយក៏ទទួលបានជំនួយហិរញ្ញវត្ថុជាច្រើនផងដែរពីសប្បុរសជន។
ឪពុករបស់ Bishop Curry បានអះអាងថា កូនរបស់ខ្លួនតែងតែមានគំនិតច្នៃប្រឌិតប្លែកៗជាច្រើន។ ការច្នៃឧបករណ៍ជួយសង្គ្រោះកុមារនៅក្នុងរថយន្ត កើតឡើងបន្ទាប់ពីគ្រួសារជិតខាងម្នាក់ បានបាត់បង់កូនអាយុ៦ខែ ដោយសារតែភ្លេចក្នុងរថយន្ត៕
នារយៈពេលជាង២ទសវត្សរ៍ចុងក្រោយនេះ កុមារនៅសហរដ្ឋអាមេរិកយ៉ាងហោចណាស់៧០០នាក់ បានស្លាប់ដោយសារតែឪពុកម្តាយទុកចោលនៅក្នុងរថយន្ត ព្រោះពួកគេមិនអាចទ្រាំទ្រនឹងការក្តៅខ្លាំង រួមទាំងការថប់ដង្ហើម។
សិស្សសាលាម្នាក់ឈ្មោះ Bishop Curry ដែលរស់នៅភាគខាងជើងក្រុង Dallas រដ្ឋតិចសាស់ បានអះអាងប្រាប់ Fox News ថា គេបានធ្វើការច្នៃឧបករណ៍មួយ ដែលមានទម្រង់ជាប្រអប់តូច។ ប្រអប់នោះ មានបំពង់ដែលបង្កើតឲ្យមានខ្យល់ត្រជាក់នៅពេលបរិយាកាសឡើងក្តៅក្នុងរថយន្ត ហើយក្នុងនោះ មានអង់តែន មួយដែលអាចប្រកាសអាសន្នដល់ឪពុកម្តាយ ឬក្រុមសង្គ្រោះ ដើម្បីជួយសង្គ្រោះកុមារទាន់ពេលវេលា ក្នុងករណីដែលពួកគេត្រូវអាណាព្យាបាលភ្លេចយកចេញពីរថយន្ត។
បច្ចុប្បន្ន ឧបករណ៍ច្នៃប្រឌិតរបស់ Bishop Curry ដែលគេដាក់ឈ្មោះថា «Oasis» មិនទាន់លេចចេញជារូបរាងឡើយ ដោយវាស្ថិតក្នុងគម្រោងរចនា 3D នៅឡើយ។ Bishop និងគ្រួសារ រំពឹងថា វានឹងលេចចេញជារូបរាងឡើងនៅក្នុងឆ្នាំ២០១៧ នេះតែម្តង។
«យើងរស់នៅក្នុងរដ្ឋតិចសាស់ ហើយករណីស្លាប់ក្នុងរថយន្តដែលមានកម្តៅខ្លាំង មានតួលេខច្រើនដ៏គួរឲ្យកត់សម្គាល់»។ នេះជាការលើកឡើងរបស់ឪពុកម្តាយ Bishop Curry ដែលបានធ្វើការរៃអង្គាសមូលនិធិតាម GoFundMe ដើម្បីជួយដល់គម្រោងច្នៃប្រឌិតកូនរបស់ខ្លួន ហើយក៏ទទួលបានជំនួយហិរញ្ញវត្ថុជាច្រើនផងដែរពីសប្បុរសជន។
ឪពុករបស់ Bishop Curry បានអះអាងថា កូនរបស់ខ្លួនតែងតែមានគំនិតច្នៃប្រឌិតប្លែកៗជាច្រើន។ ការច្នៃឧបករណ៍ជួយសង្គ្រោះកុមារនៅក្នុងរថយន្ត កើតឡើងបន្ទាប់ពីគ្រួសារជិតខាងម្នាក់ បានបាត់បង់កូនអាយុ៦ខែ ដោយសារតែភ្លេចក្នុងរថយន្ត៕
© រក្សាសិទ្ធិដោយ thmeythmey.com
