កីឡាជាតិ
ជាតិ
AFC U23៖ គ្រូជប៉ុនថាប៉ះកម្ពុជាអាចលំបាក ខណៈ Leonardo ថាគ្មានអ្នកណាចាញ់មុនប្រកួត
×![]()
ទោះបីក្រុម U23 ជប៉ុនទទួលបានជោគជ័យដ៏ធំធេងតាមរយៈការលត់ក្រុមហ្វីលីពីន ៨-០ ដើម្បីឈរកំពូលតារាងប្រចាំពូល J នៃព្រឹត្តិការណ៍ AFC U23 Championship 2018 តែគ្រូបង្វឹក U23 ជប៉ុន មិនហ៊ានដាក់ក្តីរំពឹងច្រើនសម្រាប់ការឡើងទៅកាន់ជុំបន្តឡើយ។ U23 ជប៉ុនត្រូវជួបជាមួយ U23 កម្ពុជា ចិន ដែលគ្រូបង្វឹកជប៉ុនចាត់ទុកជាក្រុមខ្លាំងជាបន្តបន្ទាប់នៅថ្ងៃទី២១ និង២៣ កក្កដា នាពហុកីឡដ្ឋានជាតិ។ គ្រូបង្វឹក U23 កម្ពុជា Leonardo បាននិយាយលើកទឹកចិត្តកីឡាករថា កម្ពុជាអាចធ្វើបានល្អ បើមានការសហការល្អ។ លោក អះអាងថា គ្មានអ្នកណាចាញ់មុនប្រកួតនោះទេ ទាល់តែការប្រកួតចប់ទើបដឹងលទ្ធផល។
គ្រូបង្វឹកក្រុម U23 ជប៉ុនលោក Uchiyama Atsushi បានចាត់ទុកការប៉ះជាមួយម្ចាស់ផ្ទះ U23 កម្ពុជាក្នុងជំនួបលើកទី២ជាការប្រកួតដែលមានស្ថានភាពតានតឺងជាងជួបហ្វីលីពីនសម្រាប់ក្រុមរបស់លោក។ ម្យ៉ាងភាពជាម្ចាស់ផ្ទះរបស់កម្ពុជាក៏ជាសម្ពាធមួយផងដែរសម្រាប់ U23 ជប៉ុននាជំនួបលើកទី២ក្នុងវគ្គជម្រុះពូល J នៃព្រឹត្តិការណ៍ AFC U23 Championship 2018 នាវេលាម៉ោង៦:៣០នាទីល្ងាចថ្ងៃទី២១ កក្កដា នៅពហុកីឡដ្ឋានជាតិ។
ទោះបីមិនរំពឹងអាចរកគ្រាប់បាល់បានច្រើនដូចប៉ះជាមួយហ្វីលីពីនក៏ដោយ តែគ្រូបង្វឹកជនជាតិជប៉ុនរូបនេះអះអាងថា នឹងខិតខំប្រឹងប្រែងឲ្យអស់ពីសមត្ថភាព ដើម្បីស្វែងរកជ័យជម្នះឲ្យបានពីជំនួបដ៏តានតឹងមួយនេះ។ លោកបញ្ជាក់ថា ការមកទីនេះរបស់ U23 ជប៉ុន គឺដើម្បីទទួលកៅអីឡើងទៅលេងជុំបន្តនៅឆ្នាំ២០១៨។ តែយ៉ាងណា លោក មិនអាចប្រៀបធៀបសមត្ថភាពក្រុមនេះខ្លាំងជាង ឬខ្សោយជាងនោះឡើយ ព្រោះបាល់ទាត់អ្វីក៏អាចកើតឡើងបានដែរ។
ទន្ទឹមនឹងនេះ គ្រូបង្វឹក U23 កម្ពុជាលោក Leonardo Vitorino នៅតែអះអាងដដែលថា កម្ពុជានឹងអាចធ្វើបានល្អបើកីឡាករមានការសហការគ្នាល្អនៅក្រុម និងលេងឲ្យអស់ពីចិត្តប្រកបដោយឆន្ទៈខ្ពស់។ តែយ៉ាងណា លោកទទួលស្គាល់ថា U23 ជប៉ុនជាក្រុមខ្លាំង និងមានសមត្ថភាពខ្ពស់នៅតំបន់អាស៊ី។ ទន្ទឹមនឹងនេះ លោក Leonardo បានបញ្ជាក់ថា ទោះបីលទ្ធផលចាញ់ ឬឈ្នះមិនមែនជាគោលបំណងរបស់កម្ពុជានោះឡើយ ពោលគឺកម្ពុជាមានគោលបំណងអភិវឌ្ឍន៍យុវជន ដើម្បីត្រៀម ២០២៣។
«ខ្ញុំបានប្រាប់ក្រុមកីឡាករយុវជនរបស់កម្ពុជាថា ពួកគេអាចធ្វើបាន គឺគ្មានអ្នកណាចាញ់មុនការប្រកួតនោះទេ លុះត្រាការប្រកួតចប់ទើបយើងអាចដឹងពីលទ្ធផល។ កីឡាករក្នុងក្រុមទាំងអស់ជាកីឡាករល្អសម្រាប់ខ្ញុំ ជាក់ស្តែងដូចកីឡាករ ច្រឹង ពលរដ្ឋ ពេលខ្លះគាត់លេងប្រយុទ្ធ ពេលខ្លះការពារ និងពេលខ្លះបម្រើ ដូច្នេះខ្ញុំគិតថា កីឡាករក្នុងក្រុមទាំងអស់ជាកីឡាករល្អ»។ នេះជាការលើកឡើងរបស់ លោក Leonardo Vitorino។
មុន U23 កម្ពុជាប៉ះជាមួយជប៉ុននាវេលាម៉ោង៦និង៣០នាទីល្ងាច ក្រុម U23 ហ្វីលីពីនត្រូវតទល់ជាមួយចិន នាវេលាម៉ោ១៥:៣០នាទីរសៀលនៅថ្ងៃទី២១ កក្កដា នៅពហុកីឡដ្ឋានជាតិ៕
គ្រូបង្វឹកក្រុម U23 ជប៉ុនលោក Uchiyama Atsushi បានចាត់ទុកការប៉ះជាមួយម្ចាស់ផ្ទះ U23 កម្ពុជាក្នុងជំនួបលើកទី២ជាការប្រកួតដែលមានស្ថានភាពតានតឺងជាងជួបហ្វីលីពីនសម្រាប់ក្រុមរបស់លោក។ ម្យ៉ាងភាពជាម្ចាស់ផ្ទះរបស់កម្ពុជាក៏ជាសម្ពាធមួយផងដែរសម្រាប់ U23 ជប៉ុននាជំនួបលើកទី២ក្នុងវគ្គជម្រុះពូល J នៃព្រឹត្តិការណ៍ AFC U23 Championship 2018 នាវេលាម៉ោង៦:៣០នាទីល្ងាចថ្ងៃទី២១ កក្កដា នៅពហុកីឡដ្ឋានជាតិ។
ទោះបីមិនរំពឹងអាចរកគ្រាប់បាល់បានច្រើនដូចប៉ះជាមួយហ្វីលីពីនក៏ដោយ តែគ្រូបង្វឹកជនជាតិជប៉ុនរូបនេះអះអាងថា នឹងខិតខំប្រឹងប្រែងឲ្យអស់ពីសមត្ថភាព ដើម្បីស្វែងរកជ័យជម្នះឲ្យបានពីជំនួបដ៏តានតឹងមួយនេះ។ លោកបញ្ជាក់ថា ការមកទីនេះរបស់ U23 ជប៉ុន គឺដើម្បីទទួលកៅអីឡើងទៅលេងជុំបន្តនៅឆ្នាំ២០១៨។ តែយ៉ាងណា លោក មិនអាចប្រៀបធៀបសមត្ថភាពក្រុមនេះខ្លាំងជាង ឬខ្សោយជាងនោះឡើយ ព្រោះបាល់ទាត់អ្វីក៏អាចកើតឡើងបានដែរ។
ទន្ទឹមនឹងនេះ គ្រូបង្វឹក U23 កម្ពុជាលោក Leonardo Vitorino នៅតែអះអាងដដែលថា កម្ពុជានឹងអាចធ្វើបានល្អបើកីឡាករមានការសហការគ្នាល្អនៅក្រុម និងលេងឲ្យអស់ពីចិត្តប្រកបដោយឆន្ទៈខ្ពស់។ តែយ៉ាងណា លោកទទួលស្គាល់ថា U23 ជប៉ុនជាក្រុមខ្លាំង និងមានសមត្ថភាពខ្ពស់នៅតំបន់អាស៊ី។ ទន្ទឹមនឹងនេះ លោក Leonardo បានបញ្ជាក់ថា ទោះបីលទ្ធផលចាញ់ ឬឈ្នះមិនមែនជាគោលបំណងរបស់កម្ពុជានោះឡើយ ពោលគឺកម្ពុជាមានគោលបំណងអភិវឌ្ឍន៍យុវជន ដើម្បីត្រៀម ២០២៣។
«ខ្ញុំបានប្រាប់ក្រុមកីឡាករយុវជនរបស់កម្ពុជាថា ពួកគេអាចធ្វើបាន គឺគ្មានអ្នកណាចាញ់មុនការប្រកួតនោះទេ លុះត្រាការប្រកួតចប់ទើបយើងអាចដឹងពីលទ្ធផល។ កីឡាករក្នុងក្រុមទាំងអស់ជាកីឡាករល្អសម្រាប់ខ្ញុំ ជាក់ស្តែងដូចកីឡាករ ច្រឹង ពលរដ្ឋ ពេលខ្លះគាត់លេងប្រយុទ្ធ ពេលខ្លះការពារ និងពេលខ្លះបម្រើ ដូច្នេះខ្ញុំគិតថា កីឡាករក្នុងក្រុមទាំងអស់ជាកីឡាករល្អ»។ នេះជាការលើកឡើងរបស់ លោក Leonardo Vitorino។
មុន U23 កម្ពុជាប៉ះជាមួយជប៉ុននាវេលាម៉ោង៦និង៣០នាទីល្ងាច ក្រុម U23 ហ្វីលីពីនត្រូវតទល់ជាមួយចិន នាវេលាម៉ោ១៥:៣០នាទីរសៀលនៅថ្ងៃទី២១ កក្កដា នៅពហុកីឡដ្ឋានជាតិ៕
Tag:
AFC U23
U23 កម្ពុជា
U23 ជប៉ុន
© រក្សាសិទ្ធិដោយ thmeythmey.com
