ជាតិ
បាក់ឌុប៖ មុខវិជ្ជាជម្រើសឆ្នាំនេះ គឺ ប្រវត្តិវិទ្យា និង ផែនដី-បរិស្ថានវិទ្យា បាក់ឌុប រូបភាពពី ACU
× ភ្នំពេញ៖ ក្រសួងអប់រំ យុវជន និងកីឡា បានបែងចែកវិញ្ញាសាប្រឡងនៃមុខវិជ្ជាជម្រើស សម្រាប់ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០១៧នេះ មានចំនួន ២ មុខវិជ្ជា គឺ ប្រវត្តិវិទ្យា និងផែនដី-បរិស្ថានវិទ្យា។
តាមទំព័រហ្វេសប៊ុកផ្លូវការរបស់ក្រសួងអប់រំ យុវជន និងកីឡា នៅថ្ងៃទី ២១ កក្កដានេះ វិញ្ញាសាប្រឡងនៃមុខវិជ្ជាជម្រើស សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) មានចំនួន ២ មុខវិជ្ជា គឺ ប្រវត្តិវិទ្យា សម្រាប់ថ្នាក់វិទ្យាសាស្ត្រ និងផែនដី-បរិស្ថានវិទ្យា សម្រាប់ថ្នាក់វិទ្យាសាស្ត្រសង្គម។
ជាមួយគ្នានេះ វិញ្ញាសាប្រឡង សម្រាប់ថ្នាក់វិទ្យាសាស្ត្រ មានដូចជា គណិតវិទ្យា អក្សរសាស្ត្រខ្មែរ រូបវិទ្យា គីមីវិទ្យា ជីវវិទ្យា ភាសាបរទេស និងប្រវត្តិវិទ្យា។ ចំណែកឯ ថ្នាក់វិទ្យាសាស្ត្រសង្គម មានដូចជា គណិតវិទ្យា អក្សរសាស្ត្រខ្មែរ សីលធម៌-ពលរដ្ឋវិជ្ជា ភូមិវិទ្យា ប្រវត្តិវិទ្យា ភាសាបរទេស និងផែនដី-បរិស្ថានវិទ្យា។
ការប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា២០១៦-២០១៧ នឹងប្រព្រឹត្តទៅនៅថ្ងៃទី ២១ សីហាខាងមុខនេះ។ សម័យប្រឡងឆ្នាំ២០១៧នេះ មានបេក្ខជនសរុបចំនួន ១០៣ ១១២ នាក់ ទាំងថ្នាក់វិទ្យាសាស្ត្រ និងវិទ្យាសាស្ត្រសង្គម ដោយចែកចេញជា ១៧៨ មណ្ឌល និងបន្ទប់ប្រឡងចំនួន ៤១៥៥ បន្ទប់ នៅទូទាំង២៥រាជធានី-ខេត្ត៕
© រក្សាសិទ្ធិដោយ thmeythmey.com