កីឡាអន្តរជាតិ
អន្តរជាតិ
Neymar នឹងទទួលបាន១អាទិត្យជាង ១លានដុល្លារ ឬ ៥៣លានដុល្លារក្នុង១ឆ្នាំ នៅ PSG
×![]()
ដោយ: ទេព ពិទូរ្យ
ក្នុងមួយសប្តាហ៍ Neymar ទទួលបានជាង ១លាន ២ម៉ឺនដុល្លារ ឬ ៥៣លានដុល្លារក្នុង១ឆ្នាំ នៅពេលបញ្ចប់ការផ្ទេរពី FC Barcelona ទៅ Paris St-Germain ក្នុងតម្លៃកំណត់ត្រាពិភពលោក។
សារព័ត៌មាន BBC បានផ្សាយថា ខ្សែបម្រើសញ្ជាតិប្រេស៊ីលនេះ បានយល់ព្រមលក្ខណ្ឌផ្ទាល់ខ្លួនរួចរាល់ហើយដោយចុះកិច្ចសន្យារយៈពេល ៥ឆ្នាំសម្រាប់ក្រុមដែលមានមូលដ្ឋានក្នុងរដ្ឋធានីប៉ារីស ប្រទេសបារាំងនេះ។
ក្រុមអ្នកមានបារាំង Paris St-Germain នឹងត្រូវចំណាយប្រាក់កប់ពពកមិនធ្លាប់មានក្នុងប្រវត្តិសាស្ត្របាល់ទាត់រហូត ២៦១លានដុល្លារ ដើម្បីទិញផ្តាច់កិច្ចសន្យារបស់ Neymar ពី Barcelona ដែលនៅជាប់កិច្ចសន្យារហូតដល់ឆ្នាំ២០២២។
សរុបទៅក្លិបដែលមានសេដ្ឋីប្រេងជាម្ចាស់នេះ និងត្រូវចំណាយរហូតដល់ ៥២៨លានដុល្លារ សម្រាប់អតីតសមាជិកក្រុម Santos ក្នុងរយៈពេល ៥ឆ្នាំដំបូង។
សូមបញ្ជាក់ថា Neymar បានធ្វើដំណើរទៅទីលានហ្វឹកហាត់នៅថ្ងៃពុធ ទី២ ខែសីហា ជាមួយឪពុក និងអ្នកតំណាងរបស់ខ្លួនហើយបានប្រាប់មិត្តរួមក្រុម និងក្លិបអ្នកមានបុណ្យថារូបគេចង់ចាកចេញ។ តារាឆ្នើម វ័យ២៥ឆ្នាំនេះ ត្រូវបានអ្នកចាត់ការទូទៅថ្មីរបស់ Barcalona លោក Ernesto Valverde ផ្តល់ការអនុញ្ញាតឲ្យសម្រាកពីការហ្វឹកហាត់ដើម្បីគិតពីអនាគតរបស់គេ៕
Tag:
បាល់ទាត់
Neyma
r Barcelona
Paris St-Germain
© រក្សាសិទ្ធិដោយ thmeythmey.com
