ជាតិ
នយោបាយជាតិ
លោក ម៉ម សូណង់ដូ សុំឈប់ធ្វើប្រធានបក្សសំបុកឃ្មុំ ព្រោះលទ្ធផលបោះឆ្នោតឃុំ មិនដូចការរំពឹងទុក
× លោក ម៉ម សូណង់ដូ បានសុំលាលែងពីតួនាទីជាប្រធានគណបក្សសំបុកឃ្មុំសង្គមប្រជាធិបតេយ្យ។ នេះបើតាមយោងតាមលិខិតដែលលោកផ្ញើទៅកាន់សមាជិកគណៈកម្មការអចិន្ត្រៃយ៍បក្សនាថ្ងៃទី៤ ខែសីហា ឆ្នាំ២០១៧។
លោក ម៉ម សូណង់ដូ បានភ្ជាប់ហេតុផលនៃការស្នើសុំលាលែងរបស់ខ្លួនទៅនឹងលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់កន្លងមក ដោយលោកបានគូសបញ្ជាក់ថា លទ្ធផលមិនបានដូចការរំពឹងទុក។
«ខ្ញុំបានធ្វើការពិចារណា ហើយសម្រេចលាលែងពីតួនាទីជាប្រធានគណបក្សសំបុកឃ្មុំសង្គមប្រជាធិបតេយ្យ ចាប់ពីថ្ងៃទី៤ ខែកញ្ញា ឆ្នាំ២០១៧ ដោយខ្ញុំទុកពេលវេលាមួយខែដើម្បីផ្តល់ជូនសមាជិកគណៈកម្មការអចិន្ត្រៃយ៍ រកដំណោះស្រាយតាមនីតិវិធីច្បាប់ ស្របទៅតាមលក្ខន្តិកៈ និងបទបញ្ជាផ្ទៃក្នុងបក្ស»។ នេះបើតាមការបញ្ជាក់របស់លោក ម៉ម សូណង់ដូ ដែលបច្ចុប្បន្នមានវ័យ៧៥ឆ្នាំ។
នាការបោះឆ្នោតក្រុមប្រឹក្សាឃុំសង្កាត់កន្លងមក គណបក្សសំបុកឃ្មុំសង្គមប្រជាធិបតេយ្យ ទទួលបានអាសនៈតែ១គត់ ដោយលោក យឹម យី បានតំណែងជំទប់ទី២នៅឃុំតាំងក្រសាំង ស្រុកបាធាយ ខេត្តកំពង់ចាម៕
សូមរង់ចាំអានបទសម្ភាសសារព័ត៌មានថ្មីៗ ជាមួយលោក ម៉ម សូណង់ដូ បន្ថែមទៀត
Tag:
សំបុកឃ្មុំ
ម៉ម សូណង់ដូ
© រក្សាសិទ្ធិដោយ thmeythmey.com