ជាតិ
នយោបាយជាតិ
សម្ដេច ហ៊ុន សែន នឹងជួបនាយករដ្ឋមន្ត្រីជប៉ុន ដើម្បីចុះហត្ថលេខាលើគម្រោងអភិវឌ្ឍចំនួន២ នៅកម្ពុជា
រូបពីហ្វេសប៊ុកនាយករដ្ឋមន្រ្តី ហ៊ុន សែន
×![]()
ដោយ: ថ្មីៗ
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានចេញទៅបំពេញទស្សនកិច្ចប្រទេសជប៉ុន នៅព្រឹកថ្ងៃទី០៦ សីហានេះ។ ក្នុងដំណើរទស្សនកិច្ចសម្ដេច ហ៊ុន សែន នឹងជួបជាមួយលោកនាយករដ្ឋមន្ត្រីជប៉ុន Shinzo Abe ដើម្បីចុះហត្ថលេខាលើឯកសារចំនួន២ សម្រាប់អនុវត្តគម្រោងអភិវឌ្ឍន៍ប្រទេសកម្ពុជា។
ឯកសារចំនួន២ ដែលជាជំនួយរដ្ឋាភិបាលជប៉ុនផ្តល់មកកម្ពុជារួមមាន៖ ទី១ ហិរញ្ញប្បទានឥតសំណង សម្រាប់អនុវត្តគម្រោងធ្វើឲ្យប្រសើរឡើងវិញ នៃការការពារទឹកជំនន់ក្នុងរាជធានីភ្នំពេញ ដំណាក់កាលទី០៤ ដែលមានទឹកប្រាក់សរុប ៣,៩៤៨លានយ៉េន (ប្រមាណជា៣៥លានដុល្លារសហរដ្ឋអាមេរិក) និងទី២ ឥណទានសម្បទានសម្រាប់គម្រោងអភិវឌ្ឍន៍ចំណតផែកុងតឺន័រថ្មី របស់កំពង់ផែស្វយ័តក្រុងព្រះសីហនុ ដែលមានទឹកប្រាក់សរុបចំនួន៣២,៥០២ លានយ៉េន (ប្រមាណជា២០៩លានដុល្លារសហរដ្ឋអាមេរិក)។
ក្រៅពីនោះនាយករដ្ឋមន្ត្រីកម្ពុជា នឹងជួបជាមួយតំណាងសមាគមមិត្តភាពសភា កម្ពុជា-ជប៉ុន ,សមាគមមិត្តភាពជប៉ុន-មេគង្គ ,អង្គការពាណិជ្ជកម្មក្រៅប្រទេសរបស់ជប៉ុន និងបណ្តាក្រុមហ៊ុនជប៉ុន។ ដំណើរទស្សនកិច្ចផ្លូវការរបស់ប្រមុខរដ្ឋាភិបាលកម្ពុជា នៅប្រទេសជប៉ុននេះ ចាប់ពីថ្ងៃទី០៦ ដល់០៩ ខែសីហា ឆ្នាំ២០១៧ ៕
Tag:
ហ៊ុន សែន
ជប៉ុន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
