ក្រុម Real Madrid អាចការពារតំណែងជើងឯកពាន Uefa Super Cup បានក្រោយយកឈ្នះ Manchester United ក្នុងលទ្ធផល ២-១ នៅទីក្រុង Skopje ប្រទេសម៉ាសេដ្វាន នារាត្រីថ្ងៃអង្គារ ទី៨ ខែសីហានេះ។
Real Madrid ក្នុងនាមជាម្ចាស់ជើងឯក UEFA Champion League បានបើកការវាយសម្រុកមកលើក្រុម Manchester United ដែលជាម្ចាស់ជើងឯក UEFA Europa League តាំងពីដើមតង់ទី១ រហូតសម្រេចទីបានមួយគ្រាប់ដោយខ្សែបម្រើ Casemiro នៅនាទី២៤។
ចូលដល់តង់ទី២ នៅនាទី៥២ Isco បានបន្ថែមមួយគ្រាប់ទៀតជួយក្រុមរបស់លោក Zinedine Zidane នាំមុខ ២គ្រាប់មុន មុនពេលខ្សែប្រយុទ្ធចំណូលថ្មីរបស់បិសាចក្រហម Romelu Lukaku រកបាន១គ្រាប់វិញនៅនាទី ៦២ ហើយការប្រកួតបន្តរហូតចប់៩០នាទី ក្នុងលទ្ធផល Real Madrid ឈ្នះ Manchester United ២-១។
ជ័យជម្នះ២ឆ្នាំជាប់គ្នានេះ បានធ្វើឲ្យក្រុមដែលមានរហស្សនាមស្តេចសក្លាយជាក្រុមអាចការតំណែងជើងឯកពាន Super Cup បាន ចាប់តាំងពីឆ្នាំ១៩៩០មក ដែលធ្វើបានដោយក្រុមមកពីលីកអ៊ីតាលី AC Milan។
សូមបញ្ជាក់ថា ពាន UEFA Super Cup ជាការប្រកួតរវាងក្រុមម្ចាស់ជើងឯក UEFA Champion League និង UEFA Europa League ដែលធ្វើឡើងរៀងរាល់១ឆ្នាំម្តង មុខបើករដូវកាលថ្មី៕