កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
រដ្ឋមន្ត្រីក្រសួងកីឡាម៉ាឡេស៊ីបានជំរុញប្រទេសឥណ្ឌូណេស៊ីធ្វើយ៉ាងណាកុំឲ្យមានផ្សែងអ័ព្ទកើតឡើងពីការឆេះព្រៃដែលធ្វើឲ្យប៉ះពាល់ដល់ព្រឹត្តិការណ៍កីឡាស៊ីហ្គេមនៅក្នុងខែសីហានេះដែលធ្វើឡើងក្នុងទីក្រុងគូឡាឡាំពួ។ នេះបើតាម Rappler ចុះផ្សាយនៅថ្ងៃទី៩ ខែសីហា ឆ្នាំ២០១៧។
ម៉ាឡេស៊ីនឹងធ្វើជាម្ចាស់ផ្ទះកីឡាស៊ីហ្គេម (Sea Games) លើកទី២៩ ដែលធ្វើឡើងចាប់ពីថ្ងៃទី ១៩ ដល់ថ្ងៃទី ៣០ ខែសីហា ឆ្នាំ២០១៧ ដោយមានអត្តពលិករាប់ពាន់នាក់មកពីទូទាំងតំបន់អាស៊ានចូលរួម។
ទោះជាយ៉ាងណាក៏ដោយ នៅក្នុងព្រឹត្តិការណ៍ពហុកីឡាដ៏ធំមួយនេះ មានការបារម្ភភ័យខ្លាចថាផ្សែងអ័ព្ទដែលបណ្តាលមកពីការដុតព្រៃនៅក្នុងប្រទេសជិតខាងឥណ្ឌូណេស៊ី ហើយអណ្តែតលើម៉ាឡេស៊ីអំឡុងពេលប្រកួតកីឡានេះ និងរំខាន ក៏ដូចជាប៉ះពាល់ដល់សុខភាពអត្តពលិកទៀតផង។
ផ្សែងអ័ព្ទគឺជាបញ្ហាប្រចាំឆ្នាំរបស់ឥណ្ឌូណេស៊ីដែលបណ្តាលមកពីភ្លើងឆេះព្រៃ ជាស្នាដៃរបស់បណ្តាក្រុមហ៊ុនផលិតប្រេងដូង និងចំការដើមប្រេងខ្យល់ តែងប្រើបច្ចេកទេសដុតព្រៃដើម្បីបង្កើនជីជាតិដីដាំដុះនៅទីនោះ។ ផ្សែងដែលបណ្តាលមកពីភ្លើងឆេះព្រៃនេះ តែងតែបោកបក់មកលើប្រទេសជិតខាង ម៉ាឡេស៊ី និងសិង្ហបុរី ហើយបង្កឲ្យមានការលុបជើងហោះហើរ បិទសាលារៀន និងការកើនឡើងជំងឺផ្លូវដង្ហើមជាដើម។
ផ្សែងអ័ភ្រគ្របដណ្តប់ក្រុងគូឡាឡាំពួដោយសារភ្លើងឆេះព្រៃនៅឥណ្ឌូណេស៊ីកន្លងមក
បើយោងតាមអង្គការក្រៅរដ្ឋាភិបាល និងក្រុមអ្នកសង្កេតការណ៍ជាច្រើន ឥណ្ឌូណេស៊ីមានច្បាប់ដាក់ទោសជនល្មើសដែលដុតព្រៃក្នុងកម្រិតធ្ងន់ ប៉ុន្តែច្បាប់ទាំងនេះមិនសូវត្រូវបានគេអនុវត្តទេ ដោយសារតែអំពើពុករលួយ។
លោក Khairy Jamaluddin រដ្ឋមន្ត្រីក្រសួងកីឡាម៉ាឡេស៊ីបានសម្តែងការព្រួយបារម្ភថាព្រឹត្តិការកីឡាប្រចាំប្រទេសតំបន់អាស៊ាននេះ នឹងត្រូវប៉ះពាល់ដោយផ្សែងអ័ព្ទមិនខាន។ ជុំវិញរឿងនេះ រដ្ឋន្ត្រីខាងលើក៏មិនជឿថាបញ្ហាអ័ព្ទនេះបង្កឲ្យមានគ្រោះថ្នាក់ដែរ ដោយសារភាគីឥណ្ឌូណេស៊ីព្យាយាមដោះស្រាយបញ្ហានេះកាលពីកន្លងមក។ ប៉ុន្តែលោកសង្កត់ធ្ងន់ថាក្រុងហ្សាការតាគួរតែបង្កើនការប្រុងប្រយ័ត្នខ្ពស់បន្ថែមទៀត។
«ខ្ញុំសង្ឃឹមថាឥណ្ឌូណេស៊ីនឹងអាចគ្រប់គ្រងបញ្ហានេះបានដូច្នេះវាមិនប៉ះពាល់ដល់ការប្រកួតនេះទេ។ ខ្ញុំជឿជាក់ថាពួកគេនឹងមានការខ្មាស់អៀនមិនខានប្រសិនបើវាប៉ះពាល់ដល់កីឡាស៊ីហ្គេមនេះ ព្រោះពួកគេក៏កំពុងប្រកួតប្រជែងនៅទីនេះដែរ»។ នេះជាការលើកឡើងរបស់លោក Khairy Jamaluddin។
សូមបញ្ជាក់ថា ឥណ្ឌូណេស៊ីជាប្រទេសសំបូរព្រៃស្តុកដ៏ធំក្នុងពិភពលោក តែក៏ជាប្រទេសដែលបញ្ចេញឧស្ម័នផ្ទះកញ្ចក់លំដាប់ទី៥ផងដែរ។ ក្រុងហ្សាការតាសន្យាកាត់បន្ថយឧស្ម័នផ្ទះកញ្ចក់អោយបាន៣០ភាគរយនៅឆ្នាំ២០៣០។ ប៉ុន្តែមិនបានប្រាប់ថា តើត្រូវចាត់វិធានការអ្វីដើម្បីសម្រេចទិសដៅនេះដែរ៕
ម៉ាឡេស៊ីនឹងធ្វើជាម្ចាស់ផ្ទះកីឡាស៊ីហ្គេម (Sea Games) លើកទី២៩ ដែលធ្វើឡើងចាប់ពីថ្ងៃទី ១៩ ដល់ថ្ងៃទី ៣០ ខែសីហា ឆ្នាំ២០១៧ ដោយមានអត្តពលិករាប់ពាន់នាក់មកពីទូទាំងតំបន់អាស៊ានចូលរួម។
ទោះជាយ៉ាងណាក៏ដោយ នៅក្នុងព្រឹត្តិការណ៍ពហុកីឡាដ៏ធំមួយនេះ មានការបារម្ភភ័យខ្លាចថាផ្សែងអ័ព្ទដែលបណ្តាលមកពីការដុតព្រៃនៅក្នុងប្រទេសជិតខាងឥណ្ឌូណេស៊ី ហើយអណ្តែតលើម៉ាឡេស៊ីអំឡុងពេលប្រកួតកីឡានេះ និងរំខាន ក៏ដូចជាប៉ះពាល់ដល់សុខភាពអត្តពលិកទៀតផង។
ផ្សែងអ័ព្ទគឺជាបញ្ហាប្រចាំឆ្នាំរបស់ឥណ្ឌូណេស៊ីដែលបណ្តាលមកពីភ្លើងឆេះព្រៃ ជាស្នាដៃរបស់បណ្តាក្រុមហ៊ុនផលិតប្រេងដូង និងចំការដើមប្រេងខ្យល់ តែងប្រើបច្ចេកទេសដុតព្រៃដើម្បីបង្កើនជីជាតិដីដាំដុះនៅទីនោះ។ ផ្សែងដែលបណ្តាលមកពីភ្លើងឆេះព្រៃនេះ តែងតែបោកបក់មកលើប្រទេសជិតខាង ម៉ាឡេស៊ី និងសិង្ហបុរី ហើយបង្កឲ្យមានការលុបជើងហោះហើរ បិទសាលារៀន និងការកើនឡើងជំងឺផ្លូវដង្ហើមជាដើម។
ផ្សែងអ័ភ្រគ្របដណ្តប់ក្រុងគូឡាឡាំពួដោយសារភ្លើងឆេះព្រៃនៅឥណ្ឌូណេស៊ីកន្លងមក
បើយោងតាមអង្គការក្រៅរដ្ឋាភិបាល និងក្រុមអ្នកសង្កេតការណ៍ជាច្រើន ឥណ្ឌូណេស៊ីមានច្បាប់ដាក់ទោសជនល្មើសដែលដុតព្រៃក្នុងកម្រិតធ្ងន់ ប៉ុន្តែច្បាប់ទាំងនេះមិនសូវត្រូវបានគេអនុវត្តទេ ដោយសារតែអំពើពុករលួយ។
លោក Khairy Jamaluddin រដ្ឋមន្ត្រីក្រសួងកីឡាម៉ាឡេស៊ីបានសម្តែងការព្រួយបារម្ភថាព្រឹត្តិការកីឡាប្រចាំប្រទេសតំបន់អាស៊ាននេះ នឹងត្រូវប៉ះពាល់ដោយផ្សែងអ័ព្ទមិនខាន។ ជុំវិញរឿងនេះ រដ្ឋន្ត្រីខាងលើក៏មិនជឿថាបញ្ហាអ័ព្ទនេះបង្កឲ្យមានគ្រោះថ្នាក់ដែរ ដោយសារភាគីឥណ្ឌូណេស៊ីព្យាយាមដោះស្រាយបញ្ហានេះកាលពីកន្លងមក។ ប៉ុន្តែលោកសង្កត់ធ្ងន់ថាក្រុងហ្សាការតាគួរតែបង្កើនការប្រុងប្រយ័ត្នខ្ពស់បន្ថែមទៀត។
«ខ្ញុំសង្ឃឹមថាឥណ្ឌូណេស៊ីនឹងអាចគ្រប់គ្រងបញ្ហានេះបានដូច្នេះវាមិនប៉ះពាល់ដល់ការប្រកួតនេះទេ។ ខ្ញុំជឿជាក់ថាពួកគេនឹងមានការខ្មាស់អៀនមិនខានប្រសិនបើវាប៉ះពាល់ដល់កីឡាស៊ីហ្គេមនេះ ព្រោះពួកគេក៏កំពុងប្រកួតប្រជែងនៅទីនេះដែរ»។ នេះជាការលើកឡើងរបស់លោក Khairy Jamaluddin។
សូមបញ្ជាក់ថា ឥណ្ឌូណេស៊ីជាប្រទេសសំបូរព្រៃស្តុកដ៏ធំក្នុងពិភពលោក តែក៏ជាប្រទេសដែលបញ្ចេញឧស្ម័នផ្ទះកញ្ចក់លំដាប់ទី៥ផងដែរ។ ក្រុងហ្សាការតាសន្យាកាត់បន្ថយឧស្ម័នផ្ទះកញ្ចក់អោយបាន៣០ភាគរយនៅឆ្នាំ២០៣០។ ប៉ុន្តែមិនបានប្រាប់ថា តើត្រូវចាត់វិធានការអ្វីដើម្បីសម្រេចទិសដៅនេះដែរ៕
Tag:
SEA Games 2017
ម៉ាឡេស៊ី
ឥណ្ឌូណេស៊ី
© រក្សាសិទ្ធិដោយ thmeythmey.com
