ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ប្រដាល់គុនខ្មែររំពឹងជោគជ័យខ្ពស់នៅស៊ីហ្គេមសម្រាប់ការចូលរួមលើកដំបូង
14, Aug 2017 ,
7:59 am
រូបភាព
លោក អេ ភូថង គ្រូជំនួយជម្រើសជាតិប្រដាល់គុនខ្មែរ។
×
ដោយ:
ទាំងគ្រូបង្វឹក និងកីឡាករសុទ្ធតែមានទំនុកចិត្តទទួលជោគជ័យខ្ពស់ សម្រាប់ការចូលរួមលើកដំបូងក្នុងព្រឹត្តិការណ៍កីឡាស៊ីហ្គេមលើកទី២៩នៅប្រទេសម៉ាឡេស៊ី។ គ្រូជំនួយប្រដាល់គុនខ្មែរជម្រើសជាតិ លោក អេ ភូថង ជឿជាក់ថា កីឡាករទាំង៥របស់កម្ពុជានឹងឈ្នះមេដាយពីការប្រកួតជូនជាតិមាតុភូមិ។ លោក បានអះអាងថា ប្រដាល់គុនខ្មែរបានត្រៀមខ្លួនយ៉ាងល្អសម្រាប់ការចូលរួមលើកដំបូងរបស់ខ្លួន។ ទន្ទឹមនឹងនេះ កីឡាករ ម៉ឺន សុភា បានប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីស្វែងរកជ័យជម្នះជូនប្រទេសជាតិ។
ក្រោយអះអាងពីការត្រៀមខ្លួនយ៉ាងល្អ គ្រូជំនួយប្រដាល់គុនខ្មែរជម្រើសជាតិ លោក អេ ភូថង ហាក់មានទំនុកចិត្តខ្ពស់ចំពោះជោគជ័យក្នុងព្រឹត្តិការណ៍កីឡាស៊ីហ្គេមនៅប្រទេសម៉ាឡេស៊ី ទោះបីការប្រកួតមានលក្ខណខុសប្លែកពីប្រដាល់គុនខ្មែរក៏ដោយ។ ការបង្ហាញទំនុកចិត្តបែបនេះ បន្ទាប់ពីលោកមើលឃើញការប្រឹងប្រែងហ្វឹកហាត់របស់កីឡាករប្រកបដោយឆន្ទៈឃ្លានជ័យជម្នះ។
បន្ទាប់ពីទទួលបានការហ្វឹកហាត់ពង្រឹងសមត្ថភាពអស់រយៈពេលជាច្រើនខែកន្លងមក លោក អេ ភូថង បានបង្ហាញពីទំនុកចិត្តថា៖«ខ្ញុំជឿជាក់ថា កីឡាករកម្ពុជាទាំង៥រូបនឹងទទួលបានមេដាយត្រឡប់មកមាតុភូមិ ព្រោះខ្ញុំមានទំនុកចិត្តលើការហ្វឹកហាត់ដ៏ល្អរបស់ពួកគេ។ ហើយការហ្វឹកហាត់នេះទៀតសោត ខ្ញុំបានផ្តល់ទាំងបទពិសោធ និងបច្ចេកទេសទាំងអស់ដល់ពួកគេទៀតផង»។
ទោះបីការប្រកួតនេះមានពាក់ប្រដាប់ការស្មងជើង ក្បាលពោះ និងក្បាលខុសពីប្រដាល់គុនខ្មែរ និងបង្កឲ្យប៉ះពាល់ដល់កីឡាករកម្ពុជាខ្លះក៏ដោយ ប៉ុន្តែ លោក អេ ភូថង អះអាងថា មិនមែនជាបញ្ហាចោទសម្រាប់កម្ពុជានោះឡើយ ព្រោះកម្ពុជាបានហ្វឹកហាត់ជាមួយទម្រង់បែបនេះឡើងសមទៅហើយ។ តែយ៉ាងណា លោក ជំរុញឲ្យកីឡាករកម្ពុជារក្សាជំហរឲ្យបានរឹងមាំ និងវាយឲ្យចំគោលដៅ ព្រោះគេឲ្យតម្លៃទៅលើកណ្តាប់ដៃ និងជើង។
ទន្ទឹមនឹងក្តីសង្ឃឹមនេះដែរ គ្រូបង្វឹកមកពីខេត្តកោះកុងរូបនេះ បានចាត់ទុក ថៃ ឡាវ និងវៀតណាមជាឧបសគ្គក្នុងការដណ្តើមមេដាយសម្រាប់កម្ពុជា។ តែយ៉ាងណា លោក ថា បច្ចេកទេសកីឡាករទាំងនេះហាក់មានកម្រិតទាបជាងកម្ពុជា ទោះបីពួកគេមានកម្លាំងស៊ុះខ្លាំងជាងកម្ពុជាក៏ដោយ។
ជាមួយគ្នានេះកីឡាករ ម៉ឺន សុភា ក្រោយទទួលបានការហ្វឹកហាត់ត្រៀមអស់ជាច្រើនខែកន្លងមកបានអះអាងថា៖«សម្រាប់ខ្ញុំការហ្វឹកហាត់ប៉ុននេះវាគ្រប់គ្រាន់បើវាយតាមប៉ុស្តិ៍ តែបើប្រកួតស៊ីហ្គេមខ្ញុំខ្លាចសមត្ថភាពយើងនៅស្ទើរជាងគេ។ ថៃយើងចាញ់កម្លាំងគេ តែលើកនេះគេមិនឲ្យឱបប្រើជង្គង់យើងសង្ឃឹមច្រើន។ សម្រាប់ការរំពឹងដណ្តើមបានមេដាយខ្ញុំមិនទាន់ហ៊ាននិយាយមុននោះទេ តែខ្ញុំនឹងប្រឹងប្រែងឲ្យអស់ពីសមត្ថភាព។ ខ្ញុំភាគច្រើនចេញទៅក្រៅតែងតែទទួលបានជ័យជម្នះ»។
កីឡាករ ម៉ឺន សុភា ពេលផ្តល់ព័ត៌មានឲ្យអ្នកសារព័ត៌មាននៅពេលចូលរួមសិក្ខាសាលានៅ NOCC។
មិនខុសគ្នាពីលោក អេ ភូថង នោះឡើយ កីឡាករ ឃីម ឌីម៉ា បានពីការជឿជាក់យ៉ាងម៉ឺងម៉ាត់ថា៖«ខ្ញុំនឹងព្យាយាមឲ្យអស់ពីសមត្ថភាពប្រជែងយកមេដាយជូនជាតិ។ ខ្ញុំមិនអាចកំណត់ទុកមុនថាមេដាយអ្វីនោះទេ តែខ្ញុំនឹងព្យាយាម ព្រោះវាជាលើកដំបូង ហើយការប្រកួតមានពាក់ការពារខុសពីយើង ដូច្នេះខ្ញុំមិនអាចនិយាយទុកមុននោះទេ»។ កីឡាករមកពីខេត្តបន្ទាយមានជ័យរូបនេះ បានចាត់ទុកម្ចាស់ផ្ទះម៉ាឡេស៊ី និងថៃ ជាឧបសគ្គសម្រាប់គេក្នុងការប្រជែងមេដាយពីការប្រកួតនេះ។
កីឡាករ ឃីម ឌីម៉ា ពេលចូលរួមក្នុងសន្និសីទសារព័ត៌មានដំណើរឆ្ពោះទៅរកមេដាយមាសនៅណាហ្គាវើល
ព្រឹត្តិការណ៍ប្រកួតកីឡាស៊ីហ្គេមលើកទី២៩នៅទីក្រុងកូឡាឡាំពួរប្រទេសម៉ាឡេស៊ីចន្លោះពីថ្ងៃទី១៩ ដល់ ៣១ សីហា សហព័ន្ធកីឡាប្រដាល់គុនខ្មែរបញ្ជូនកីឡាករ៥រូបឲ្យចូលរួមរួមមាន ម៉ឺន សុភា, មឿន សុខហ៊ុច, ឃីម ឌីម៉ា, ឡៅ ចិត្រា និង វ៉ាន់ វឿន រួមជាមួយគ្រូបង្វឹក ឈិត សារឹម និងគ្រូជំនួយ អេ ភូថង ខណៈលោក តែម ម៉ឺន ប្រធានប្រតិភូ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ប្រដាល់គុនខ្មែរ
អេ ភូថង
SEA Games 2017
ម៉ាឡេស៊ី
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម