កីឡាអន្តរជាតិ
អន្តរជាតិ
SEA Games៖ មីយ៉ាន់ម៉ា ប៉ះ សិង្ហបុរី មុនម៉ាឡេស៊ី ស្វាគមន៍ ព្រុយណេ លោក Ong Kim Swee គ្រូបង្វឹកក្រុម U22 ម៉ាឡេស៊ី
× ព្រឹត្តិការណ៍ប្រកួតកីឡាកម្រិតតំបន់អាស៊ាន(SEA Games)ដែលម៉ាឡេស៊ីធ្វើជាម្ចាស់ផ្ទះនឹងបើកការប្រកួតជាផ្លូវការនៅថ្ងៃទី១៩ សីហា ខាងមុខនេះ។ ដោយឡែក ប្រភេទកីឡាបាល់ទាត់នឹងចាប់ផ្តើមការប្រកួតមុនគេ ដោយនៅថ្ងៃទី១៤ ខែសីហា នេះ មានការប្រកួតចំនួនពីរគូក្នុងពូល A ក្នុងនោះក្រុមមីយ៉ាន់ម៉ាជួបសិង្ហបុរី មុនម្ចាស់ផ្ទះម៉ាឡេស៊ីស្វាគមន៍ក្រុមព្រុយណេ។
ទោះបីព្រឹត្តិាការណ៍ប្រកួតកីឡាស៊ីហ្គេមលើកទី២៩នៅប្រទេសម៉ាឡេស៊ីមិនទាន់បើកការប្រកួតផ្លូវការ កីឡាបាល់ទាត់នឹងចាប់ផ្តើមការប្រកួតនៅថ្ងៃនេះ។ ក្នុងនោះ U22 មីយ៉ាន់ម៉ា ជួបបើកឆាកពូល A ជាមួយ U22 សិង្ហបុរី នាវេលាម៉ោង៣រសៀល(ម៉ោងនៅកម្ពុជា)ថ្ងៃទី១៤ ខែសីហា នេះនៅកីឡដ្ឋាន Selayang Municipal Council Stadium មុន U22 ម៉ាឡេស៊ី ស្វាគមន៍ U22 ព្រុយណេ នាវេលាម៉ោង៧:៤៥នាទីនៅកីឡដ្ឋាន Shah Alam Stadium។
ព្រឹត្តិការណ៍ប្រកួតកីឡាកម្រិតតំបន់អាស៊ាន SEA Games ដែលម៉ាឡេស៊ីធ្វើជាម្ចាស់ផ្ទះឆ្នាំនេះ មានអត្តពលិក៤,៨៨៨នាក់មកពី១១ប្រទេសចូលរួម។ អត្តពលិកទាំងនេះត្រូវប្រកួតប្រជែងលើ៣៨ប្រភេទកីឡា ដោយបែងចែកជា៤០៤វិញ្ញាសា។ ព្រឹត្តិការណ៍នេះនឹងបើកការប្រកួតជាផ្លូវការនៅថ្ងៃទី១៩ ខែសីហា ដោយគ្រោងបញ្ចប់នៅថ្ងៃទី៣១ ខែសីហា ឆ្នាំ២០១៧៕
Tag:
SEA Games 2017
ម៉ាឡេស៊ី
© រក្សាសិទ្ធិដោយ thmeythmey.com