ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
បទយកការណ៍ / បទសម្ភាសន៍
នាយរងបេសកកម្ម៖ កម្ពុជាត្រៀមខ្លួនរួចរាល់ហើយសម្រាប់ស៊ីហ្គេមនៅម៉ាឡេស៊ី
14, Aug 2017 ,
2:42 pm
រូបភាព
លោក ញ៉ាន សុខវិសាល នាយរងបេសកកម្មកម្ពុជា សម្រាប់ព្រឹត្តិការណ៍កីឡាស៊ីហ្គេម
×
ដោយ:
អុឹង ចំរើន (Ung Chamroeun)
ម៉ាឡេស៊ី នឹងបើកព្រឹត្តិការណ៍កីឡាស៊ីហ្គេមលើកទី២៩ផ្លូវការនាថ្ងៃទី១៩ ខែសីហា ខាងមុខ ខណៈប្រភេទកីឡាមួយចំនួនបានចាប់ផ្តើមការប្រកួតជាបណ្តើរៗ ។ កម្ពុជាចូលរួមប្រកួតប្រជែងលើ២៤ប្រភេទកីឡា ដោយមានអត្តពលិក គ្រូបង្វឹក ថ្នាក់ដឹកនាំ មន្ត្រីរាជការចំនួន២៧៤នាក់ ដែលទទួលបានលិខិតឧទ្ទេសនាមផ្លូវការ។
តើការរៀបចំរបស់កម្ពុជាមានដំណើរបែបណា? សូមអានបទសម្ភាសរវាងលោក អ៊ឹង ចំរើន អ្នកយកព័ត៌មានថ្មីៗ ជាមួយលោក ញ៉ាន សុខវិសាល មន្ត្រីជាន់ខ្ពស់គណៈកម្មាធិការជាតិអូឡាំពិកកម្ពុជា (NOCC) និងនាយរងបេសកកម្មរបស់កម្ពុជាក្នុងព្រឹត្តិការណ៍កីឡាស៊ីហ្គេម៖
លោក អ៊ឹង ចំរើន៖ ព្រឹត្តិការណ៍កីឡាស៊ីហ្គេមលើកទី២៩ នឹងបើកជាផ្លូវការនៅថ្ងៃទី១៩ ខែសីហា ខាងមុខនេះ ខណៈប្រភេទកីឡាមួយចំនួនក៏បានចាប់ផ្តើមការប្រកួតផងដែរ។ តើមកដល់ពេលនេះ កម្ពុជាមានការត្រៀមខ្លួនយ៉ាងណាខ្លះហើយ?
លោក ញ៉ាន សុខវិសាល៖
ចំពោះផ្នែករដ្ឋបាល យើងធ្វើការយ៉ាងរលូន។ ប្រតិភូ និងអត្តពលិកនៃប្រភេទកីឡាមួយចំនួន បានចេញដំណើរម៉ាឡេស៊ីជាបន្តបន្ទាប់។ យើងបានជួយសម្រួលពួកគាត់ទាក់ទងនឹងការប្រជុំបច្ចេកទេស។ យើងបានពិនិត្យចុងក្រោយលើបញ្ជីឈ្មោះ និងព្រឹត្តិការណ៍ (Event) ដែលកីឡានីមួយៗត្រូវចូលរួមប្រកួតប្រជែង។ បញ្ហាបន្តិចបន្តួច គឺត្រង់ការដោះដូរបញ្ជីឈ្មោះអត្តពលិកនៅនាទីចុងក្រោយ ប៉ុន្តែយើងក៏បានដោះស្រាយរួចរាល់ហើយផងដែរ សង្ឃឹមថា ដល់ថ្ងៃប្រកួតនឹងគ្មានបញ្ហា។
លោក អ៊ឹង ចំរើន៖ កាលពីពេលថ្មីៗកន្លងមកនេះ លោកបានអញ្ជើញទៅក្រុងគួឡាឡាំពួរ តើទៅក្នុងគោលបំណងអ្វីដែរ?
លោក ញ៉ាន សុខវិសាល៖
ខ្ញុំបានទៅបង់ថវិកា៥០ភាគរយទាក់ទងនឹងការចំណាយរបស់ប្រតិភូ និងអត្តពលិកកម្ពុជា ដូចជាការស្នាក់នៅ ការហូបចុកសម្រាប់ព្រឹត្តិការណ៍ស៊ីហ្គេមលើកទី២៩។ យើងត្រូវការកាត់កងលើបញ្ជីឈ្មោះអត្តពលិកមួយចំនួន ដូចជាកីឡាបាល់ទាត់ជាដើម ដែលក្នុងបញ្ជីបឋមមានរហូតដល់ទៅ៣០នាក់។ ប្រភេទកីឡាផ្សេងទៀត មានបញ្ជីឈ្មោះកីឡាករ-កីឡាការិនីបម្រុង ប៉ុន្តែពេលនេះ យើងត្រូវការចំនួនអត្តពលិកពិតប្រាកដ។ ជាមួយគ្នានេះ ខ្ញុំក៏បានយកលិខិតពេទ្យទៅប្រគល់ជូនគណៈកម្មការរៀបចំការប្រកួតទាក់ទងនឹងអត្តពលិកដែលត្រូវដោះដូរនៅនាទីចុងក្រោយ ក្រោមហេតុផលសុខភាព ឬបញ្ហាអ្វីមួយ ដូចជាករណីកីឡាករវាយកូនគោលម្នាក់ឈឺដៃ ដែលមិនអាចទៅចូលរួមប្រកួតបាន។ ខ្ញុំក៏បានទៅយក បណ្ណសម្គាល់ ក៏ដូចជា Accreditation Card សម្រាប់ប្រតិភូកីឡា អត្តពលិក និងអ្នកសារព័ត៌មានកម្ពុជាផងដែរ។ បណ្ណសម្គាល់នៅស៊ីហ្គេមនេះ ក៏អាចប្រើជំនួសទិដ្ឋាកាផងដែរ ជាពិសេសសម្រាប់ប្រតិភូ ឬគ្រូបង្វឹកបរទេស ដែលត្រូវការទិដ្ឋាកាដើម្បីចូលទៅម៉ាឡេស៊ី។
លោក អ៊ឹង ចំរើន៖ តើការរៀបចំរបស់ម៉ាឡេស៊ី យ៉ាងដូចម្តេចដែរ?
លោក ញ៉ាន សុខវិសាល៖
ម៉ាឡេស៊ី មានហេដ្ឋារចនាសម្ព័ន្ធកីឡាស្រាប់ហើយ និងធ្លាប់មានប្រវត្តិធ្វើជាម្ចាស់ផ្ទះទៀត ដូច្នេះមិនមានបញ្ហាអ្វីចោទជាធំដុំនោះឡើយ។ ទោះបីជាយ៉ាងណាក៏ដោយ ឯកសារ បទដ្ឋានមួយចំនួនហាក់មានការខ្វះចន្លោះខ្លះដែរ ព្រោះមកដល់ពេលនេះ ពួកគេនៅតែមានការកែប្រែលក្ខន្តិកៈនៃការប្រកួតមួយចំនួន។ និយាយរួម ការរៀបចំនេះ មិនរលូនដូចជាការរៀបចំនៅសិង្ហបុរី កន្លងមកនោះឡើយ។
លោក អ៊ឹង ចំរើន៖ តើមានបញ្ហាជាពិសេសអ្វីដែរទេសម្រាប់ក្រុមកីឡាកម្ពុជា?
លោក ញ៉ាន សុខវិសាល៖
មិនបញ្ហាតិចតួចបំផុត ព្រោះប្រភេទកីឡាទាំងអស់ស្នាក់នៅសណ្ឋាគារ និងតំបន់តែមួយរួមគ្នា លើកលែងតែប្រភេទកីឡាជិះសេះ និងទូកក្តោងប៉ុណ្ណោះ ដែលនៅឆ្ងាយពីគេ។ ទូកក្តោងរៀបចំនៅក្រុង Langkawi ហើយជិះសេះ ប្រព្រឹត្តទៅនៅ Terengganu ដែលយើងត្រូវជិះរថយន្តយ៉ាងហោច៦ម៉ោង ឬជិះយន្តហោះជាង១ម៉ោងដើម្បីទៅមើលការរៀបចំរបស់ពួកគាត់។
លោក អ៊ឹង ចំរើន៖ នៅឆ្នាំនេះ ខ្ញុំសង្កេតឃើញអ្នកសារព័ត៌មានមានការចាប់អារម្មណ៍ច្រើនក្នុងបេសកកម្មទៅរាយការណ៍ផ្ទាល់ពីម៉ាឡេស៊ី តើលោកវាយតម្លៃយ៉ាងណាដែរ?
លោក ញ៉ាន សុខវិសាល៖
ជាការពិត ឆ្នាំនេះ សន្ទុះនៃការចាប់អារម្មណ៍របស់អ្នកសារព័ត៌មានមានចំនួនច្រើនដ៏គួរឲ្យកត់សម្គាល់។ តាមរយៈ NOCC អ្នកសារព័ត៌មានជាង២០នាក់ដែលមកពីស្ថាប័នផ្សេងៗគ្នា បានដាក់ពាក្យស្នើសុំ Accreditation Card ។ មកដល់ពេលនេះ ក៏នៅមានអ្នកសារព័ត៌មានសុំការសម្រួលពី NOCC ផងដែរ ពីព្រោះពួកគាត់ទើបទទួលបានការឧបត្ថម្ភ (Sponsor) យើងក៏ព្យាយាមជួយសម្រួលពួកគាត់ផងដែរ។ ខ្ញុំយល់ថា វត្តមានរបស់អ្នកសារព័ត៌មានពិតជាមានសារសំខាន់ណាស់ ពីព្រោះពលរដ្ឋនៅស្រុកខ្មែរត្រូវការពួកគាត់ជាចាំបាច់ដើម្បីតាមដានលទ្ធផលនៃការប្រកួតប្រភេទកីឡានីមួយៗ។ ទូរទស្សន៍ហង្សមាសនឹងធ្វើការផ្សាយពីការប្រកួតកីឡាបាល់ទាត់ ហើយខ្ញុំជឿជាក់ថា ស្ថាប័នសារព័ត៌មាន រួមទាំងក្រុមការងារព័ត៌មាន NOCC ផ្ទាល់ នឹងបញ្ជូនព័ត៌មានទាន់ពេលវេលាទាក់ទងនឹងការប្រកួតនានារបស់កម្ពុជា។
លោក អ៊ឹង ចំរើន៖ ចំពោះលទ្ធផល លោករំពឹងយ៉ាងដូចម្តេចដែរ?
លោក ញ៉ាន សុខវិសាល៖
ខ្ញុំរំពឹងថា យើងនឹងទទួលបានលទ្ធផលប្រសើរជាងមុន។ NOCC ជាពិសេសលោកអគ្គលេខាធិការ វ៉ាត់ ចំរើន បានតស៊ូមតិដើម្បីឲ្យមានការដាក់បញ្ចូលវិញ្ញាសាតេក្វាន់ដូទម្ងន់ធ្ងន់ របស់ ស៊ន សៀវម៉ី ដែលជាវិញ្ញាសាដ៏មានសក្តានុពលសម្រាប់កម្ពុជា។ បន្ថែមពីលើនេះ យើងមានអត្តពលិក កូនកាត់បរទេសមួយចំនួនដែលសុទ្ធតែខ្លាំងៗ ។ ស៊ិនឡូន ឬវាយកូនបាល់ជាដើម សុទ្ធតែជាកីឡាដែលរំពឹងឈ្នះមេដាយ។ ខ្ញុំសោកស្តាយជាងគេនោះ គឺអវត្តមានរបស់កីឡាចំបាប់ដែលតែងតែនាំមេដាយជូនជាតិ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
SEA Games 2017
ញ៉ាន សុខវិសាល
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម