កីឡាជាតិ
ជាតិ
Singapore Cup៖ ណាហ្គាហាលអាវ រីឯបូរ៉ាវីរបស់បឹងកេតមានគ្រាប់បញ្ចូលទីសរុប៥គ្រាប់
× ក្រុមណាហ្គាវើលបានបាត់ឱកាសឡើងទៅវគ្គបន្តនៃពានរង្វាន់ Singapore Cup ក្រោយចាញ់ Houngang United ៤-០ នាការប្រកួតជើងទី២វគ្គ៨ក្រុមចុងក្រោយកាលពីថ្ងៃទី១៤ សីហា និងចាញ់ ៤-១ នៅជើងទី១រួចមក។ ជាមួយគ្នានេះ ក្រុមបឹងកេតក៏បានបាត់បង់ឱកាសឡើងទៅវគ្គបន្តដូចគ្នាដែរ តែខ្សែប្រយុទ្ធ ឃួន ឡាបូរ៉ាវី បានបន្តឈរកំពូលតារាងរកគ្រាប់បានច្រើនជាងគេ បើគិតចាប់តាំងពីការប្រកួតជម្រុះជុំដំបូង។
ក្រោយចាញ់ក្រុម Hougang United ៤-១ ក្នុងជើងទី២កាលពីថ្ងៃទី១៤ ខែសីហា នៅកីឡដ្ឋាន Jalan Besar Stadium និងចាញ់ ៤-១ នៅជើងទី១ បានធ្វើឲ្យក្រុមណាហ្គាវើលបាត់ឱកាសឡើងទៅវគ្គបន្តនៃពានរង្វាន់ Singapore Cup 2017 ត្រឹមវគ្គ៨ក្រុមចុងក្រោយ។ ការបាត់បង់ឱកាសឡើងទៅវគ្គបន្តរបស់ណាហ្គាវើលនេះ ក្រោយ៣ថ្ងៃនៃការធ្លាក់ចេញរបស់បឹងកេត បន្ទាប់ពីក្រុមនេះបានចាញ់ក្រុម Global Cebu របស់ហ្វីលីពីនសរុបទាំងពីរជើងក្នុងលទ្ធផល ៤-៣។
ទោះបីក្រុមបឹងកេតបានធ្លាក់ក៏ដោយ តែខ្សែប្រយុទ្ធ និងជាប្រធានក្រុម ឃួន ឡាបូរ៉ាវី កំពុងគ្រងកំពូលតារាងអ្នករកគ្រាប់បាល់បានច្រើនគេ(Top Scorers)ដោយរកបាន៥គ្រាប់ក្នុងបីប្រកួតរបស់គេ។ ក្នុងនោះ ឡាបូរ៉ាវី រកបាន៣គ្រាប់ក្នុងជ័យជម្នះ ៤-១ លើក្រុម Warriors នៅវគ្គជម្រុះដំបូង និង២គ្រាប់ក្នុងជ័យជម្នះ ២-១ និងបរាជ័យ ៣-១ ជាមួយក្រុម Global Cebu នៅវគ្គ១/៤ផ្តាច់ព្រ័ត្រ។
ខ្សែប្រយុទ្ធ Darryl Roberts និងខ្សែបម្រើ Paolo Salenga ក្នុងក្រុម Global Cebu FC កំពុងតាមប្រជែងពានរង្វាន់ Top Scorers ពី ឃួន ឡាបូរ៉ាវី ដោយពួកគេមានម្នាក់៣គ្រាប់ ខណៈដែលកីឡាករទាំងពីរនៅសល់ពីរប្រកួតទៀត៕
Tag:
Singapore Cup 2017
ណាហ្គាវើល
ឃួន ឡាបូរ៉ាវី
© រក្សាសិទ្ធិដោយ thmeythmey.com