អន្តរជាតិ
មេទ័ពចិនប្រាប់មេទ័ពអាមេរិក «អាមេរិកបង្កកំហុសលើបញ្ហាតៃវ៉ាន់ សមុទ្រចិនខាងត្បូង និង THAAD»
នាយសេធិការចម្រុះកងទ័ពអាមេរិក ចូសេហ្វ ដាន់ហ្វត ជួបជាមួយអនុប្រធានគណៈកម្មការយោធាមជ្ឈិម ហ្វាន ចាងឡុង (រូបភាព Reuters)
×![]()
ដោយ: តន ចាន់រិទ្ធារ៉ា
មន្ត្រីយោធាជាន់ខ្ពស់កងទ័ពចិន ហ្វាន ចាងឡុង (Fan Changlong) បាននិយាយនៅថ្ងៃទី១៧ ខែសីហា ថា សកម្មភាពខុសឆ្គងរបស់អាមេរិកលើបញ្ហាកោះតៃវ៉ាន់ សមុទ្រចិនខាងត្បូង និងការពង្រាយប្រព័ន្ធការពារ THAAD ។ សកម្មភាពខុសឆ្គងនេះក៏បង្កផលប៉ះពាល់ដល់ទំនាក់ទំនងរវាងយោធាទាំងពីរដូចជាការមិនទុកចិត្តគ្នាជាដើម។ មន្ត្រីជាន់ខ្ពស់ចិននិយាយបែបនេះក្នុង ជំនួបជាមួយ ប្រមុខកងទ័ពអាមេរិក ចូសេហ្វ ដាន់ហ្វត (Joseph Dunford) ។
ឧត្តមសេនីយ៍ ហ្វាន ចាងឡុង អនុប្រធានគណៈកម្មការយោធាមជ្ឈិមបក្សកុម្មុយនីស្តចិន បានជួបជាមួយនាយសេធិការចម្រុះកងទ័ពអាមេរិក ឧត្តមសេនីយ៍ ចូសេហ្វ ដាន់ហ្វត នៅថ្ងៃទី១៧ ខែសីហា ខណៈដែលលោក ដាន់ហ្វត ទស្សនកិច្ចបីថ្ងៃលើទឹកដីចិន។ វត្តមានប្រមុខកងទ័ពអាមេរិកលើទឹកដីចិនពេលនេះ ធ្វើឡើងចំពេលដែលទំនាក់ទំនងរវាងមហាអំណាចទាំងពីរស្ថិតក្នុងដំណាក់កាលគ្រោះថ្នាក់ ព្រោះមានបញ្ហាខ្វែងគំនិតជាច្រើន។
បញ្ហាកោះតៃវ៉ាន់ វត្តមាននាវាអាមេរិកនៅក្នុងសមុទ្រចិនខាងត្បូង និងការពង្រាយប្រព័ន្ធការពារមីស៊ីលនៅកូរ៉េខាងត្បូង សុទ្ធសឹងជាបញ្ហារាំងស្ទះក្នុងទំនាក់ទំនងរវាងអាមេរិក និងចិន។ ក្រុងប៉េកាំងមិនសប្បាយចិត្តឡើយ ពេលឃើញអាមេរិកបន្តលក់អាវុធឲ្យក្រុងតៃប៉ិ ហើយរឹតតែមិនសប្បាយចិត្តពេលក្រុងវ៉ាស៊ីនតោនបញ្ជូននាវាមកក្បែរកោះរបស់ខ្លួននៅសមុទ្រចិនខាងត្បូង។ ចុងក្រោយនេះ ប៉េកាំងក៏ប្រឆាំងដាច់ខាតការពង្រាយ THAAD នៅកូរ៉េខាងត្បូងផងដែរ។
នៅជំនួបក្នុងរដ្ឋធានីប៉េកាំង មេទ័ពចិនបានប្រាប់មេទ័ពអាមេរិកថា ប៉ុន្មានឆ្នាំចុងក្រោយ ទំនាក់ទំនងយោធាប្រទេសទាំងពីរមានស្ថានភាពល្អប្រសើរ ព្រោះមានផ្លាស់ប្ដូរទស្សនកិច្ចថ្នាក់ដឹកនាំជាន់ខ្ពស់ ក៏ដូចជាការទំនាក់ទំនងរលូនក្នុងវិស័យយោធា។ យ៉ាងណាមិញ លោក ហ្វាន បាននិយាយដែរថា ទង្វើរបស់អាមេរិកដូចជាការលូកដៃចូលបញ្ហាតៃវ៉ាន់ និងសមុទ្រចិនខាងត្បូង ការពង្រាយ THAAD បានបង្កផលប៉ះពាល់អវិជ្ជមានដល់ទំនាក់ទំនងដែលល្អស្រាប់នេះ។
ចិននៅតែមានបំណងសហការជាមួយអាមេរិកដើម្បីសម្រេចឲ្យបានការព្រមព្រៀងរបស់ថ្នាក់នាំប្រទេសទាំងពីរ ដោះស្រាយបញ្ហាខ្វែងគំនិតគ្នា និងបញ្ហារសើបផ្សេងទៀត។ នេះជាបញ្ជាក់បន្ថែមរបស់ឧត្តមសេនីយ៍ចិន ដែលបន្តថាការទុកចិត្តគ្នាទៅវិញទៅមក និងទំនាក់យោធាទាំងពីរ នឹងកាន់តែប្រសើរឡើង ហើយទំនាក់ទំនងនេះក៏នាំផលវិជ្ជមានដល់ចំណងការទូតចិន និងអាមេរិក ដែលមហាអំណាចពិភពលោកផងដែរ។
ចំពោះការពង្រាយប្រព័ន្ធការពារ THAAD វិញ មេទ័ពចិនដដែលនេះនៅតែបង្ហាញជំទាស់ដដែល។ អាមេរិកពង្រាយ THAAD នៅកូរ៉េខាងត្បូងដើម្បីការពារមីស៊ីលកូរ៉េខាងជើង ប៉ុន្តែចិនមិនព្រមឡើយ។ អនុប្រធានគណៈកម្មការយោធាមជ្ឈិម បានប្រាប់ប្រមុខកងទ័ពអាមេរិកថា THAAD ប៉ះពាល់សន្តិសុខចិន ព្រោះតែរ៉ាដារបស់វាមានអានុភាពជ្រៀតចូលទឹកដីចិន ហើយម្យ៉ាងការពង្រាយ THAAD ក៏មិនអាចជួយដោះស្រាយបញ្ហានៅឧបទ្វីបកូរ៉េដែរ៕
ឧត្តមសេនីយ៍ ហ្វាន ចាងឡុង អនុប្រធានគណៈកម្មការយោធាមជ្ឈិមបក្សកុម្មុយនីស្តចិន បានជួបជាមួយនាយសេធិការចម្រុះកងទ័ពអាមេរិក ឧត្តមសេនីយ៍ ចូសេហ្វ ដាន់ហ្វត នៅថ្ងៃទី១៧ ខែសីហា ខណៈដែលលោក ដាន់ហ្វត ទស្សនកិច្ចបីថ្ងៃលើទឹកដីចិន។ វត្តមានប្រមុខកងទ័ពអាមេរិកលើទឹកដីចិនពេលនេះ ធ្វើឡើងចំពេលដែលទំនាក់ទំនងរវាងមហាអំណាចទាំងពីរស្ថិតក្នុងដំណាក់កាលគ្រោះថ្នាក់ ព្រោះមានបញ្ហាខ្វែងគំនិតជាច្រើន។
បញ្ហាកោះតៃវ៉ាន់ វត្តមាននាវាអាមេរិកនៅក្នុងសមុទ្រចិនខាងត្បូង និងការពង្រាយប្រព័ន្ធការពារមីស៊ីលនៅកូរ៉េខាងត្បូង សុទ្ធសឹងជាបញ្ហារាំងស្ទះក្នុងទំនាក់ទំនងរវាងអាមេរិក និងចិន។ ក្រុងប៉េកាំងមិនសប្បាយចិត្តឡើយ ពេលឃើញអាមេរិកបន្តលក់អាវុធឲ្យក្រុងតៃប៉ិ ហើយរឹតតែមិនសប្បាយចិត្តពេលក្រុងវ៉ាស៊ីនតោនបញ្ជូននាវាមកក្បែរកោះរបស់ខ្លួននៅសមុទ្រចិនខាងត្បូង។ ចុងក្រោយនេះ ប៉េកាំងក៏ប្រឆាំងដាច់ខាតការពង្រាយ THAAD នៅកូរ៉េខាងត្បូងផងដែរ។
នៅជំនួបក្នុងរដ្ឋធានីប៉េកាំង មេទ័ពចិនបានប្រាប់មេទ័ពអាមេរិកថា ប៉ុន្មានឆ្នាំចុងក្រោយ ទំនាក់ទំនងយោធាប្រទេសទាំងពីរមានស្ថានភាពល្អប្រសើរ ព្រោះមានផ្លាស់ប្ដូរទស្សនកិច្ចថ្នាក់ដឹកនាំជាន់ខ្ពស់ ក៏ដូចជាការទំនាក់ទំនងរលូនក្នុងវិស័យយោធា។ យ៉ាងណាមិញ លោក ហ្វាន បាននិយាយដែរថា ទង្វើរបស់អាមេរិកដូចជាការលូកដៃចូលបញ្ហាតៃវ៉ាន់ និងសមុទ្រចិនខាងត្បូង ការពង្រាយ THAAD បានបង្កផលប៉ះពាល់អវិជ្ជមានដល់ទំនាក់ទំនងដែលល្អស្រាប់នេះ។
ចិននៅតែមានបំណងសហការជាមួយអាមេរិកដើម្បីសម្រេចឲ្យបានការព្រមព្រៀងរបស់ថ្នាក់នាំប្រទេសទាំងពីរ ដោះស្រាយបញ្ហាខ្វែងគំនិតគ្នា និងបញ្ហារសើបផ្សេងទៀត។ នេះជាបញ្ជាក់បន្ថែមរបស់ឧត្តមសេនីយ៍ចិន ដែលបន្តថាការទុកចិត្តគ្នាទៅវិញទៅមក និងទំនាក់យោធាទាំងពីរ នឹងកាន់តែប្រសើរឡើង ហើយទំនាក់ទំនងនេះក៏នាំផលវិជ្ជមានដល់ចំណងការទូតចិន និងអាមេរិក ដែលមហាអំណាចពិភពលោកផងដែរ។
ចំពោះការពង្រាយប្រព័ន្ធការពារ THAAD វិញ មេទ័ពចិនដដែលនេះនៅតែបង្ហាញជំទាស់ដដែល។ អាមេរិកពង្រាយ THAAD នៅកូរ៉េខាងត្បូងដើម្បីការពារមីស៊ីលកូរ៉េខាងជើង ប៉ុន្តែចិនមិនព្រមឡើយ។ អនុប្រធានគណៈកម្មការយោធាមជ្ឈិម បានប្រាប់ប្រមុខកងទ័ពអាមេរិកថា THAAD ប៉ះពាល់សន្តិសុខចិន ព្រោះតែរ៉ាដារបស់វាមានអានុភាពជ្រៀតចូលទឹកដីចិន ហើយម្យ៉ាងការពង្រាយ THAAD ក៏មិនអាចជួយដោះស្រាយបញ្ហានៅឧបទ្វីបកូរ៉េដែរ៕
Tag:
ចិន
អាមេរិក
Joseph Dunford
Fan Changlong
© រក្សាសិទ្ធិដោយ thmeythmey.com
