ជាតិ
សង្គមជាតិ
កម្មករ-កម្មការិនីអាចទទួលសេវាថែទាំសុខភាពឥតគិតថ្លៃនៅទីតាំងជិត១៣០០កន្លែង រូបភាពពីហ្វេសប៊ុក បេឡាជាតិរបបសន្តិសង្គម
× មន្ត្រីបេឡាជាតិរបបសន្តិសុខសង្គម (ប.ស.ស) បានអំពាវដល់កម្មករ-កម្មការិនីនៅគ្រប់បណ្ដារោងចក្រទាំងអស់ អាចទៅទទួលសវាថែទាំសុខភាពដោយឥតគិតថ្លៃ ពីមន្ទីរពេទ្យដែលបានចុះកិច្ចព្រមព្រៀងជាមួយ ប.ស.ស ទូទាំង២៥រាជធានី-ខេត្ត ដែលមានចំនួន១២៧៨កន្លែង គ្រប់ពេលបាន២៤ម៉ោង។
បេឡាជាតិរបបសន្តិសុខសង្គម (ប.ស.ស) តាមរយៈហ្វេសប៊ុករបស់ខ្លួន បានអះអាងថា មកដល់បច្ចុប្បន្ននេះ របបសន្តិសុខសង្គមផ្នែកថែទាំសុខភាព មានកម្មករ-កម្មការិនី ទៅទទួលសេវាព្យាបាល ថែទាំវេជ្ជសាស្ត្រ និងឆ្លងទន្លេប្រមាណ២១ម៉ឺននាក់ ក្នុងចំណោមកម្មករនិយោជិតប្រមាណ៨២ម៉ឺននាក់ ដែលមកពីរោងចក្រ សហគ្រាសប្រមាណ៧៥៤។
លោក សេង សក្កដា ប្រធានក្រុមប្រឹក្សា ប.ស.ស បានលើកឡើងពីអត្ថប្រយោជន៍ថែទាំសុខភាពដែលកម្មករត្រូវទទួលបាន ក្នុងនោះមានសេវាពិគ្រោះជំងឺដោយមិនគិតថ្លៃ ការព្យាបាលដោយមិនគិតថ្លៃ សេវាពិនិត្យសុខភាពមុន និងក្រោយពេលសម្រាកមាតុភាពដោយមិនគិតថ្លៃ សេវាសម្រាលកូនដោយមិនគិតថ្លៃ សេវាថែ ទាំនិងបង្ការសុខភាពដោយមិនគិតថ្លៃ រយៈពេល៣ខែ ឈប់សម្រាកមាតុភាពទទួលបានប្រាក់ឈ្នួលពាក់កណ្តាលពីថៅកែរោងចក្រ និងប្រាក់បំណាច់ប្រចាំថ្ងៃ ៧០ភាគរយរយៈពេល៩០ថ្ងៃពី ប.ស.ស៕
Tag:
បេឡាជាតិមុខរបរសន្តិសុខសង្គម
© រក្សាសិទ្ធិដោយ thmeythmey.com