កម្ពុជាជាប់ចំណាត់ថ្នាក់ ១៨០ ដែលជាប្រទេសលំបាកបំផុតក្នុងការចុះបញ្ជីប្រកបរបរអាជីវកម្ម

ជាតិ

កម្ពុជាជាប់ចំណាត់ថ្នាក់ ១៨០ ដែលជាប្រទេសលំបាកបំផុតក្នុងការចុះបញ្ជីប្រកបរបរអាជីវកម្ម

17, Aug 2017 , 10:39 pm

រូបភាព

ដោយ:

ភ្នំពេញ៖ កម្ពុជាក្លាយជាប្រទេសមួយ ដែលពិបាកបំផុតក្នុងការចុះបញ្ជីពាណិជ្ជកម្ម ដោយជាប់ចំណាត់ថ្នាក់លេខ ១៨០ ក្នុងចំណោម ១៨៩ ប្រទេស។ នេះបើតាមរបាយការណ៍របស់ធនាគារពិភពលោក (World Bank) ដែលបានប្រកាសនៅរាជធានីភ្នំពេញ នៅព្រឹកថ្ងៃទី១៧ ខែសីហា។

កម្ពុជាប្រើរយៈពេល៨៧ថ្ងៃ ដើម្បីចុះបញ្ជីប្រកបរបអាជីវកម្ម ខណៈប្រទេសនៅអាស៊ីបូព៌ា និងប៉ាស៊ីហ្វិក ប្រើតែរយៈពេល២៥ថ្ងៃប៉ុណ្ណោះ។ ការយឺតយ៉ាវនេះ បានធ្វើឲ្យកម្ពុជាក្លាយជាប្រទេសពិបាកបំផុតក្នុងការចុះបញ្ជីប្រកបរបអាជីវកម្ម ដោយទទួលបានចំណាត់ថ្នាក់លេខ ១៨០ ក្នុងចំណោមប្រទេស ១៨៩ប្រទេស។

លោក Miguel Eduardo Sanchez អ្នកជំនាញសេដ្ឋកិច្ចជាន់ខ្ពស់របស់ធនាគារពិភពលោក បានថ្លែងថា មុននឹងចាប់ផ្តើមដំណើរការប្រកបរបអាជីវកម្ម វិនិយោគិនត្រូវសុំច្បាប់ពីអាជ្ញាធរ និងក្រសួងច្រើនកន្លែង ដែលធ្វើឲ្យប្រទេសកម្ពុជា ត្រូវប្រើរយៈពេលយូរ ទម្រាំទទួលបានអាជ្ញាប័ណ្ណ។

លោកថា បញ្ហានេះអាជ្ញាធរ និងក្រសួង គួរតែរកវិធីសម្រួលក្នុងការចុះបញ្ជីប្រកបរបអាជីវកម្ម ឲ្យងាយស្រួលជាងនេះ និងប្រើពេលវេលាខ្លីជាងនេះ៕